ᐃᓕᓯᒪᓃᑦ ᐃᒃᓖᓯᐊᓯᑏᔅ 2
2
1ᐅᕙᓐᓄᑦ ᐅᖃᖅᐳᖓ, “ᐊᑏ, ᖁᕕᐊᓇᖅᑐᓂᒃ ᖃᐅᔨᑎᑦᓱᒪᒋᕙᒋᑦ.” ᑕᒪᒃᑯᐊᓕ ᓱᓇᐅᖏᑦᓯᐊᕆᕗᑦ. 2ᐅᖃᖅᐳᖓ, “ᐃᒡᓚᕐᖕᓂᖅ,#2:2 ᐃᒡᓚᕐᖕᓂᖅ ᐅᕝᕙᓗ ᐃᔪᕐᖕᓂᖅ ᓯᓔᑦᑑᕗᖅ. ᖁᕕᐊᓱᖕᓂᖅ ᑭᓱᒥᒃ ᐱᕚᓪᓕᖅᑎᑦᓯᕚ?” 3ᐆᒃᑐᓚᐅᖅᐳᖓ ᕔᓂᒧᑦ ᖁᕕᐊᓱᓕᕈᒪᓪᓗᖓ, ᓯᓔᓐᓂᕐᖕᒥᒡᓗ ᐊᑐᖅᓗᖓ ᐃᓱᒪᒪᓕ ᓱᓕ ᓯᓚᑐᓂᕐᖕᒥ ᑕᓯᐅᓚᐅᖅᐹᖓ. ᖃᐅᔨᔪᒪᓚᐅᕋᒪ ᐃᓄᐃᑦ ᖃᓄᖅ ᐱᕚᓪᓕᕈᑎᖃᕐᖕᒪᖔᑕ ᐃᓅᓯᕐᖕᒥᖕᓂ ᓁᑐᒥ ᐃᓅᑎᓪᓗᒋᑦ.
4 #
ᐊᑕᓃᑦ ᓯᕗᓪᓖᑦ 10:23-27; ᑯᕉᓂᑲ ᐂᑉᐸᖏᑦ 9:22-27. ᐊᖏᔪᓂᒃ ᐱᔭᒃᓴᓂᒃ ᐱᓇᓱᐊᓚᐅᖅᐳᖓ, ᐃᒡᓗᓂᒡᓗ ᓇᖕᒥᓂᒃᓴᓐᓂᒃ ᓴᓇᓚᐅᖅᐳᖓ; ᕔᓂᒃᓴᓕᐅᕐᕕᖕᓂᒃ ᐱᕈᖅᓰᕕᖕᓂᒃ ᓇᖕᒥᓂᒃᓴᓐᓂᒃ ᓴᓇᓚᐅᖅᐳᖓ. 5ᐱᕈᖅᓰᕕᖕᓂᒃ ᓇᐹᖅᑐᓂᒡᓗ ᐸᐅᕐᖓᓕᒃᓴᓂᒃ ᐱᕈᖅᓰᓚᐅᖅᐳᖓ, ᐱᕈᖅᓰᓚᐅᖅᐳᖓ ᓇᐹᖅᑐᓂᒃ ᖃᓄᐃᑦᑐᑐᐃᓐᓇᕐᖕᓂᒃ ᐸᐅᕐᖓᓕᖕᓂᒃ. 6ᐃᒥᖅᑕᕐᕕᓕᐅᓚᐅᖅᐳᖓ ᐅᓄᖅᑐᓂᒃ, ᓇᐹᖅᑐᐃᑦ ᐅᓄᖅᑐᑦ ᐸᐅᕐᖓᓕᒃᓮᑦ ᐃᒻᒥᑑᑎᒃᓴᖏᓐᓂᒃ. 7#ᐊᑕᓃᑦ ᓯᕗᓪᓖᑦ 4:23.ᓂᐅᕕᓚᐅᖅᐳᖓ ᐊᕐᖕᓇᓂᒃ ᐊᖑᑎᓂᒡᓗ ᓯᐊᓛᓂᒃ, ᓯᐊᓛᖃᓚᐅᖅᐳᖓᓗ ᐅᕙᖓ ᐃᒡᓗᓐᓂ ᐃᓅᓯᒪᔪᓂᒃ; ᓇᖕᒥᓂᖃᐅᓚᐅᖅᐳᖓᓗ ᐆᒪᔪᖁᑎᒐᓴᒡᔪᐊᓂᒃ ᑕᒤᓐᓂᒃ ᐃᒻᒧᒃᓯᐅᒐᕐᖕᓂᒃ ᓰᐱᓂᒡᓗ, ᐅᓄᕐᖕᓂᖅᐹᖑᔪᓂᒃ ᔨᕉᓴᓕᒥᐅᓂᑦ ᓯᕗᓕᓐᓂᑦ ᐃᓅᓚᐅᖅᑐᓂᑦ, 8#ᐊᑕᓃᑦ ᓯᕗᓪᓖᑦ 10:10,14-22.ᑲᑎᖅᓱᐃᓚᐅᖅᐳᖓᓗ ᐅᓄᖅᑐᓂᒃ ᓯᐅᓪᕕᕆᓂᒃ ᒎᓗᓂᒡᓗ, ᐊᖓᔪᖅᑳᕐᔪᐊᑦ ᓄᓇᓕᒡᔪᐊᓪᓗ ᑮᓇᐅᔭᖁᑎᖏᓐᓂᒃ; ᐃᓐᖏᖅᑎᓂᒃ ᑲᑎᖅᓱᐃᓚᐅᖅᐳᖓ, ᑕᒤᓐᓂᒃ ᐊᖑᑎᓂᒃ ᐊᕐᖕᓇᓂᒡᓗ, ᐊᕐᖕᓇᖁᑎᖃᓚᐅᖅᐳᖓᓗ ᐅᓄᖅᑐᓂᒃ, ᐊᖑᑎᑦ ᖁᕕᐊᒋᔭᖏᓐᓂᒃ.
9 #
ᑯᕉᓂᑲ ᓯᕗᓪᓖᑦ 29:25. ᑍᒤᒻᒪᑦ ᐊᔪᕈᓐᓃᕐᔪᐊᓚᐅᖅᐳᖓ, ᓯᕗᓕᕆᓚᐅᖅᑕᓐᓂᑦ ᔨᕉᓴᓕᒥ ᑕᒤᓐᓂᑦ ᐊᔪᖏᓐᓂᖅᓴᐅᓕᓚᐅᖅᐳᖓ: ᓯᓚᑐᓂᕋᓗ ᐅᕙᓐᓂ ᓇᔫᑏᓐᓇᓚᐅᖅᐳᖅ. 10ᑕᑯᔭᒃᑲ ᐱᔪᒪᔭᒃᑲᓗ ᐲᑦᑍᓕᓚᐅᓐᖏᓚᒃᑲ; ᐆᒻᒪᑎᒐᓗ ᖁᕕᐊᒋᔭᖏᓐᓂᒃ ᐱᑎᑦᑍᓕᓚᐅᓐᖏᓚᕋ, ᐱᓇᓱᐊᖅᑕᓐᓂᒡᓗ ᑕᒤᓐᓂᒃ ᐆᒻᒪᑎᒐ ᖁᕕᐊᒋᔭᖃᓚᐅᖅᐳᖅ. 11ᑕᒪᕐᖕᒥᒡᓗ ᐊᒡᒐᓐᓄᑦ ᓴᓇᓚᐅᖅᑕᒃᑲ ᕿᒥᕐᕈᓚᐅᕋᒃᑭᑦ, ᑎᒥᒪᓗ ᓄᑭᖏᓐᓄᑦ ᐊᒃᓱᕈᖅᓗᖓ ᑕᒪᕐᖕᒥᒃ ᓴᓇᓚᐅᖅᑕᒃᑲ; ᑕᒪᕐᖕᒥ ᑭᓯᐊᓂ ᓱᕙᓕᑭᐊᑦ, ᐊᓄᕆᒥᒃ ᒪᓕᑐᐃᓐᓇᖅᑐᑐᑦ ᑍᒤᑉᐳᑦ. ᓱᓇᒥᒃ ᐱᕙᓪᓕᕈᑎᒥᒃ ᐱᑕᖃᓐᖏᓚᖅ ᓯᕿᓂᐅᑉ ᐊᑖᓂ. 12ᑕᕝᕙ ᓴᖑᓪᓗᖓ ᐃᓱᒪᒃᓴᖅᓯᐅᓕᓚᐅᖅᐳᖓ ᓯᓚᑐᓂᕐᖕᒥᒃ, ᐃᓱᒤᕈᑎᓂᕐᖕᒥᒡᓗ ᓯᓔᓐᓂᕐᖕᒥᒡᓗ. ᖃᓄᕐᓗ ᐊᖓᔪᖅᑳᕐᔪᐊᑉ ᑭᖑᕝᕕᖅᑎᖏᑦ ᓱᓇᒥᒃ ᐱᔭᒃᓴᖃᕈᓐᓇᕐᖕᒪᖔᑕ ᐱᓂᐊᖅᑕᐅᓚᐅᖅᓯᒪᖏᑦᑐᓂᒃ?
13ᖃᐅᔨᓚᐅᖅᐳᖓ ᓯᓚᑐᓂᖅ ᐱᐅᓂᖅᓴᒻᒪᕆᐅᖕᒪᑦ ᓯᓔᓐᓂᕐᖕᒥᑦ, ᓲᕐᓗ ᖃᐅᒪᔪᖅ ᐱᐅᓂᖅᓴᒻᒪᕆᐅᖕᒪᑦ ᑖᖅᑐᒥᑦ. 14ᓯᓚᑐᔪᖅ ᐃᔨᖃᕐᖕᒪᑦ ᓂᐊᖁᕐᖕᒥᓂ, ᓯᓔᑦᑐᕐᓗ ᐱᓱᒃᐳᖅ ᑖᖅᑐᒥ; ᖃᐅᔨᓕᖅᐳᖓᓕ ᑕᒪᕐᖕᒥᒃ ᐱᕙᓪᓕᐊᔪᓄᑦ ᑎᑭᑕᐅᔪᐃᓐᓇᐅᖕᒪᑎᒃ. 15ᑕᕝᕙ ᐆᒻᒪᑎᓐᓂ ᐃᓱᒪᓚᐅᖅᐳᖓ, “ᓯᓔᑦᑐᖅ ᖃᓄᐃᑦᑐᒧᑦ ᑎᑭᑕᐅᖕᒪᑦ, ᐅᕙᖓᑦᑕᐅᖅ ᑍᒫᓪᓗᐊᑦᓯᐊᖅ ᐊᑦᔨᖓᓂᒃ ᑎᑭᑕᐅᒋᕗᖓ, ᓱᖕᒪᓪᓕ ᐅᕙᖓ ᓯᓚᑐᓂᖅᓴᐅᕗᖓ?” ᑕᕝᕙ ᐆᒻᒪᑎᓐᓂ ᐅᖃᓚᐅᖅᐳᖓ, “ᑕᒪᓐᓇ ᓱᕙᓕᑭᐊᖑᕗᖅ.” 16ᓯᓚᑐᔪᖅ ᐊᑯᓂᐅᓂᖅᓴᒥᒃ ᐃᖅᑲᐅᒪᔭᐅᓂᖅᓴᐅᓐᖏᓚᖅ ᓯᓔᑦᑐᒥᑦ, ᐅᓪᓗᐃᑦ ᐅᓄᖅᑐᑦ ᐊᓂᒍᖅᓯᒪᔪᑦ ᑭᖑᓂᖓᑦᑎᒍᑦ ᑕᒪᕐᖕᒥᒃ ᐳᐃᒍᖅᑕᐅᔪᒃᓴᐅᕗᒃ. ᓯᓚᑐᔪᖅ ᖃᓄᕐᓕ ᑐᖁᔪᒫᖅᐸ? ᑍᒫᓪᓗᐊᑦᓯᐊᖅᑕᐅᖅ ᓯᓔᑦᑐᑐᑦ! 17ᑍᒤᒻᒪᑦ ᐃᓅᓯᖅ ᐆᒥᒋᓚᐅᖅᐸᕋ ᐱᓇᓱᐊᒐᒃᓮᑦ ᓯᕿᓂᐅᑉ ᐊᑖᓂ ᐱᓇᓱᐊᖅᑕᐅᓲᑦ ᖁᕕᐊᒋᓚᐅᖏᓐᓇᑭᑦ, ᑕᒪᒃᑯᐊ ᑕᒪᕐᖕᒥᒃ ᓱᕙᓕᑭᐊᖑᕗᑦ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᖕᓂᐅᔮᖅᑐᑦ.
18ᐅᕙᖓᓗ ᓄᑭᓐᓄᑦ ᐊᒃᓱᕈᖅᓗᖓ ᓯᕿᓂᐅᑉ ᐊᑖᓂ ᐱᓇᓱᐊᓚᐅᖅᑕᒃᑲ ᐆᒥᒋᓚᐅᖅᐸᒃᑲ, ᐅᕙᓐᓂᒃ ᑭᖑᕝᕕᖅᓯᔪᒃᓴᒧᑦ ᕿᒪᑐᐃᓐᓇᕈᒫᕋᒃᑭᑦ. 19ᑭᓇᓗ ᖃᐅᔨᒪᕙ ᑭᖑᕝᕕᖅᑎᒐ ᓯᓚᑐᔪᒫᕐᖕᒪᖔᑦ ᓯᓔᑦᑑᔪᒫᕐᖕᒪᖔᓪᓘᓐᓃᑦ? ᑭᓯᐊᓂᓕ ᐊᖓᔪᖅᑲᐅᔪᒫᖅᐳᖅ ᐊᒃᓱᕈᖅᓗᖓ ᓴᓇᓚᐅᖅᑕᓐᓂ ᑕᒪᒃᑯᑎᒎᓇᕐᓗ ᓯᕿᓂᐅᑉ ᐊᑖᓂ ᓯᓚᑐᓂᕋ ᓴᖅᑭᑎᓚᐅᖅᓗᒍ, ᑕᒪᓐᓇ ᑐᑭᖃᖏᓐᓂᕗᖅ. 20ᑍᒤᒻᒪᑦ ᐆᒻᒪᑎᒐ ᕿᒃᓵᒍᑎᖃᓕᓚᐅᖅᐳᖅ ᓯᕿᓂᐅᑉ ᐊᑖᓂ ᐊᒃᓱᕈᖅᓗᖓ ᓴᓇᓚᐅᖅᑕᓐᓂᒃ ᑕᒤᓐᓂᒃ. 21ᐊᖑᓪᓕ ᐱᓂᐊᒐᒃᓴᒥᓂᒃ ᐊᒃᓱᕈᖅᓗᓂ ᐱᓇᓱᐊᓚᐅᖅᑐᖅ ᓯᓚᑐᓂᓂ, ᖃᐅᔨᒪᓂᓂᓗ ᐊᑐᖅᓗᒍ, ᐊᔪᖏᓐᓂᓂᓗ ᐊᑐᖅᓗᒍ; ᑕᒪᕐᖕᒥᒡᓕ ᑕᒪᒃᑯᐊ ᕿᒪᒋᐊᖃᓕᕈᒫᕆᕔᑦ ᐊᖑᒻᒧᑦ ᑖᒃᑯᓂᖓ ᐊᒃᓱᕉᑎᖃᓚᐅᖏᑦᑐᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᖏᔪᒥᒡᓗ ᐱᐅᖏᑦᑐᐊᓘᓪᓗᓂ. 22ᐊᖑᑦ ᓱᓇᒥᒃ ᐱᕚ ᐊᒃᓱᕈᖅᓗᓂ ᓴᓇᔭᒥᓂᑦ, ᓯᕿᓂᐅᑉ ᐊᑖᓂ ᐃᓱᒪᔮᕈᑎᒋᓪᓗᒋᓪᓗ ᓴᓇᓚᐅᖅᑕᒥᓂᑦ? 23#ᔫᐱ 5:7; 14:1.ᐃᓅᓂᕐᖕᒥᓂ ᐅᓪᓗᖏᑦ ᕿᒃᓵᖕᓇᖅᑑᕗᑦ, ᐱᓇᓱᐊᖅᑕᖏᓪᓗ ᐅᖁᒤᑦᑑᓪᓗᑎᒃ; ᐅᓐᓄᐊᒃᑯᓪᓘᓐᓂᑦ ᐆᒻᒪᑎᖓ ᐃᓂᓪᓚᖓᔪᓐᓇᓐᖏᓚᖅ. ᑕᒪᓐᓇ ᑐᑭᖃᓐᖏᓚᖅ.
24 #
ᐃᒃᓕᓯᐊᔅᑏᔅ 3:13; 5:18; 9:7; ᐂᓮᐊᓯ 56:12; ᓘᑲᓯ 12:19; 1 ᑯᕆᓐᑎ 15:32. ᐱᐅᓂᖅᓴᖅᑕᖃᓐᖏᓚᖅ ᐊᖑᒻᒧᑦ ᓂᕆᓗᓂ ᐃᒥᖅᓗᓂᓗ, ᐱᓇᓱᐊᖅᑕᒥᓂᒡᓗ ᐊᒃᓱᕈᕈᑎᒋᔭᒥᓂᒃ ᖁᕕᐊᒋᔭᖃᖅᓗᓂ. ᑕᒪᓐᓇᓗ ᑕᑯᓚᐅᕆᕙᕋ ᒎᑎᐅᑉ ᐊᒡᒐᖏᓐᓂᑦ ᐱᔪᖅ. 25ᑭᓇ ᓂᕆᔪᓐᓇᖅᐹ ᐅᕝᕙᓘᓐᓃᑦ ᖁᕕᐊᓱᒍᓐᓇᖅᐹ ᑖᓐᓇ ᐃᓚᐅᑎᓐᓇᒍ? 26#ᔫᐱ 32:8; ᓲᓗᒨᓂ 2:6.ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᖕᒥᒃ ᖃᐅᔨᒪᓂᕐᖕᒥᒡᓗ ᖁᕕᐊᓱᖕᓂᕐᖕᒥᒡᓗ; ᐊᔪᖅᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᖅᓱᐃᓂᕐᖕᒥᒃ ᓄᐊᑦᓯᓂᕐᖕᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᖕᓂᐅᔮᖅᐳᖅ.
Currently Selected:
ᐃᓕᓯᒪᓃᑦ ᐃᒃᓖᓯᐊᓯᑏᔅ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.