ᑎᒧᑎᒧᑦ ᐂᑉᐸᖏᑦ 4
4
1ᐱᖁᓪᓚᕆᒃᐸᒋᑦ ᒎᑎᐅᑉ ᓵᖓᓂ ᙭ᔅᑑᓯ ᔩᓱᓯᐅᓪᓗ ᑖᓐᓇ ᐃᖅᑲᖅᑐᐃᔪᒫᕐᖕᒪᑦ ᐃᓅᔪᓂᒃ ᑐᖁᖓᔪᓂᒡᓗ, ᑎᑭᑦᓱᒫᕐᖕᒪᓪᓗ ᐊᐅᓚᑦᓯᔭᖅᑐᕐᓗᓂ. 2ᐊᔪᕆᖅᑐᐃᖁᓪᓗᑎᑦ ᐅᖃᐅᓯᕐᖕᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᖅᓯᓗᑎᑦ, ᐃᓂᖅᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᖕᓂᒃᑯᑦ ᐊᔪᕆᖅᑐᐃᓂᒃᑯᓪᓗ. 3ᓇᓪᓕᐅᑎᔪᒫᕐᖕᒪᑦ ᓇᓛᒎᖅᑑᑉ ᐊᔪᕆᖅᑑᑕᐅᓂᖏᓐᓂᒃ ᓈᓚᒍᒪᖏᑦᑐᓂᒃ, ᑖᒃᑯᐊᓗ ᐊᔪᕆᖅᑐᐃᔪᒃᓴᖅᓯᐅᓕᕈᒫᖅᐳᑦ ᑐᓴᕐᖕᓂᕆᔭᒥᖕᓂᒃ ᐊᔪᕆᖅᑐᐃᔪᓐᓇᖅᑐᓂᒃ ᖁᕕᐊᒋᔭᖏᓐᓂᒡᓗ ᐊᔪᕆᖅᑐᐃᔪᓐᓇᖅᑐᓂᒃ, 4ᓱᓕᓂᕐᖕᒥᒡᓗ ᓈᓚᒍᓐᓃᕐᓗᑎᒃ ᐅᓂᒃᑳᑐᐃᓐᓇᕐᖕᓄᑦ ᓈᓚᖕᓂᖅᓴᐅᓕᕈᒫᖅᐳᑦ. 5ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᖅᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᖅᑎᑦᓯᓂᕐᖕᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.
6ᐅᕙᖓᓕ ᑐᓂᕐᕈᑎᒃᓴᑐᑦ ᑐᖁᑕᐅᓂᒃᓴᕋ ᓇᓪᓕᐅᑎᓕᖅᐳᖅ; ᐃᓅᔪᓐᓂᕐᕕᒃᓴᕋ ᒫᓐᓇ ᓇᓪᓕᐅᑎᕗᖅ. 7ᐅᓇᑕᓚᐅᖅᐳᖓ ᐱᐅᔪᒥᒃ ᐅᓇᑕᐅᑎᖃᕐᓗᖓ, ᐱᔭᕇᖅᐸᕋ ᐅᓪᓚᐅᑎᔭᕆᐊᖃᓚᐅᕐᖕᓂᕋ, ᐅᒃᐱᕐᖕᓂᖅ ᐱᓯᒤᓐᓇᕐᓗᒍ. 8ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᖅᐳᖅ ᓂᐊᖂᑎᒃᓴᖅ ᐃᓗᐊᖅᑐᓕᔪᓄᑦ, ᐊᑕᓂᐅᑉ ᐃᓗᐊᖅᑐᒥᒃ ᐃᖅᑲᖅᑐᐃᔫᑉ ᑐᓂᔪᒫᖅᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.
ᐸᐅᓗᓯᐅᑉ ᓇᖕᒥᓂᖅ ᐅᖃᐅᓯᕆᔭᖏᑦ
9ᐱᕕᓕᒫᒃᑯᑦ ᐅᕙᓐᓄᑦ ᑎᑭᓵᓕᓇᓱᐊᕐᖕᓂᐊᖅᐳᑎᑦ. 10#ᑯᓘᓯ 4:14; ᐰᓕᒨ 1:24; 2 ᑯᕆᓐᑎ 8:23; ᒐᓔᑎ 2:3; ᑍᑑᓯᑦ 1:4.ᑏᒪᓯᐅᑉ ᕿᒪᖕᒪᖓ, ᓯᓚᕐᔫᑉ ᐱᖏᑦ ᐅᖓᒋᓕᕋᒥᒋᑦ, ᑎᓴᓗᓁᑲᒧᐊᓚᐅᕐᖕᒪᑦ; ᑯᕇᓯᓃᓯᓗ ᒐᓔᑎᐊᒧᐊᓚᐅᐳᖅ, ᑍᑑᓯᓗ ᑕᓪᒪᑎᐊᒧᐊᓚᐅᕆᓪᓗᓂ. 11#ᑯᓘᓯ 4:14; ᐰᓕᒨ 1:24; ᐋᐴᓯᑕᓖᑦ 12:12,25; 13:13; 15:37-39; ᑯᓘᓯ 4:10; ᐰᓕᒨ 1:24.ᓘᑲᓯᐅᑉ ᑭᓯᐊᓂ ᓇᔪᖅᑕᑐᐊᕆᕚᖓ. ᒫᑯᓯ ᐃᓇᓪᓗᒍ ᑎᑭᖃᑎᒋᓛᖅᐸᑦ; ᑖᑦᓱᒪ ᐊᑑᑎᓕᖕᒥᒃ ᐃᑲᔪᕈᓐᓇᕐᖕᒪᖓ ᐱᓇᓱᐊᒐᒃᓴᓐᓂᒃ. 12#ᐋᐴᓯᑕᓖᑦ 20:4; ᐃᐱᓯ 6:21,22; ᑯᓘᓯ 4:7,8.ᑍᑭᑰᓯᓗ ᐃᐱᓲᓯᒧᑦ ᑎᓕᓚᐅᖅᐸᕋ. 13#ᐋᐴᓯᑕᓖᑦ 20:6.ᑕᒪᐅᓐᖓᓕᕈᕕᑦ, ᐅᓕᒡᔪᐊᕋ ᓇᒃᓴᓛᖅᐸᑦ ᑐᕈᐊᓯᒥ ᕿᒪᓚᐅᖅᑕᕋ ᑳᕐᐸᓯᒃᑯᓐᓄᑦ, ᐊᒡᓔᓪᓗ ᓇᒃᓴᓛᕆᕚᑎᑦ, ᑎᑎᕋᕐᕕᒃᓮᓪᓗ ᐃᒧᒪᔪᑦ ᐱᓗᐊᕐᓗᒋᑦ ᐱᔪᒪᕙᒃᑲ.
14 #
1 ᑎᒧᑎ 1:20;
ᐃᓐᖏᕈᑦ 62:12; ᕉᒪᒥᐅᓄᑦ 2:6. ᐊᓕᒃᓵᓐᑐᕆᐅᓪᓗ ᑲᓐᓄᔭᒃᓴᓂᒃ#4:14 ᑲᓐᓄᔭᓕᕆᔨ ᐅᕝᕙᓗ ᓴᕕᕋᔭᓕᕆᔨ ᓴᓇᕙᒃᑑᑉ ᓈᒻᒪᖏᑦᑐᐊᓗᖕᒥᒃ ᐱᓂᐊᕐᕕᒋᓯᒪᕚᖓ; ᐊᑕᓂᐅᓪᓕ ᐱᓂᐊᕐᕕᒋᔪᒫᖅᐹ ᐱᓂᐊᖅᓯᒪᔭᖏᑦ ᒪᓕᒡᓗᒋᑦ. 15ᑖᓐᓇ ᖃᐅᔨᒪᓇᓱᐊᑦᓯᐊᕐᖕᓂᐊᖅᐸᑦ, ᐊᔪᕆᖅᑑᑎᑦᑎᓐᓂᒃ ᐊᖏᔪᒥᒃ ᐊᑭᕋᖅᑐᒻᒪᕆᓚᐅᕐᖕᒪᑦ.
16ᓇᖕᒥᓂᖅ ᓴᐳᑎᓇᓱᐊᖅᑎᓪᓗᖓ ᐃᖅᑲᖅᑐᐃᕕᖕᒥ ᐃᑲᔪᖅᑕᐅᓚᐅᖏᓐᓇᒪ; ᑕᒤᓐᓄᓪᓕ ᕿᒪᒃᑕᐅᓚᐅᖅᐳᖓ. ᑍᒃᑯᐊᓕ ᓵᑕᒃᓴᓐᖑᖁᖏᒃᑲᓗᐊᖅᐸᒃᑲ ᑕᒪᑐᒧᖓ! 17ᐊᑕᓂᐅᓪᓕ ᓇᔪᕐᖕᒪᖓ ᑖᑦᓱᒪ ᐱᔪᓐᓇᕐᖕᓂᖃᖅᑎᓚᐅᖅᐹᖓ ᐅᖃᓪᓚᒍᓐᓇᓚᐅᖅᐳᖓ ᑕᒤᓐᓂᒃ ᐅᖃᕆᐊᖃᖅᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᖅᐳᖓ. 18ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᖅᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᖅᑐᖅᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.
ᑭᖑᓪᓕᖅᐹᑦ ᑕᕝᕙᐅᕗᑏᕐᖕᓃᑦ
19 #
ᐋᐴᓯᑕᓖᑦ 18:2;
2 ᑎᒧᑎ 1:16,17. ᐳᕆᓯᓚᒃᑯᒃ ᐊᑯᐃᓚᒃᑯᒃ ᑕᕝᕙᐅᕗᑏᖅᐹᒃᑲᒃ, ᐅᓂᓯᐳᕋᓯᐅᓪᓗ ᐃᒡᓗᒥᐅᖃᑎᖏᑦ. 20#ᐋᐴᓯᑕᓖᑦ 19:22; ᕉᒪᒥᐅᓄᑦ 16:23; ᐋᐴᓯᑕᓖᑦ 20:4; 21:29.ᐃᕌᔅᑕᓯ ᑯᕆᓐᑎᒥ ᓅᓚᐅᓐᖏᓚᖅ, ᑐᕉᐱᒨᓯᓗ ᒥᓕᑑᓯᒥ ᕿᒪᓚᐅᖅᐸᕋ, ᖃᓂᒻᒪᓚᐅᕐᖕᒪᑦ. 21ᑎᑭᓐᓇᓱᐊᓛᖅᐳᑎᑦ ᐅᑭᐅᓐᖑᓚᐅᖏᓐᓂᖓᓂ.
ᐃᐅᐳᓚᓯᐅᑉ, ᐴᑎᓐᓯᐅᓪᓗ, ᓔᓄᓯᐅᓪᓗ, ᑲᓚᐅᑎᐊᓪᓗ ᑕᕝᕙᐅᕗᑏᕆᕚᓯ ᑕᒤᓐᓂᓪᓗ ᐅᒃᐱᖅᑑᖃᑎᓕᒫᑦᑎᓐᓂᑦ.
22ᐊᑕᓂᐅᑉ ᐊᓂᕐᖕᓃᑦ ᐃᓚᒋᓕᐅᒃ.
ᒎᑎᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᓄᑦ ᐃᓚᒋᔭᐅᒋᑦ.
Currently Selected:
ᑎᒧᑎᒧᑦ ᐂᑉᐸᖏᑦ 4: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.