ᑯᕆᓐᑎᐊᒥᐅᓄᑦ ᓯᕗᓪᓖᑦ 1
1
ᐱᒋᐊᕈᑎᖏᑦ
1ᐸᐅᓗᓯᒥᑦ, ᕾᖁᔭᐅᓯᒪᔪᒥᑦ ᐋᐴᓯᑕᓕᐅᖁᓪᓗᒍ ᙭ᔅᑑᓯ ᔩᓱᓯᒧᑦ, ᒎᑎᐅᑉ ᐱᖁᔨᓂᖓᒍᑦ, ᐅᒃᐱᖅᑑᖃᑎᑦᑎᓐᓂᓪᓗ ᓲᔅᑎᓃᓯᒥᑦ.
2 #
ᐋᐴᓯᑕᓖᑦ 18:1. ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᖅᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᖕᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᖕᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᖅᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.
3ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ ᓮᒻᒪᖅᑎᑦᓯᓂᕐᖕᒥᓄᓪᓗ ᒎᑎᐅᑉ ᐊᑖᑕᑦᑕ ᐊᑕᓂᐅᓪᓗ ᔩᓱᓯ ᙭ᔅᑑᓯᐅᑉ ᐃᓚᒋᓕᓯ.
ᓮᒻᒪᖅᑎᑕᐅᓂᖅ ᙭ᔅᑑᓯᒥ
4ᑍᒪᓐᖓᓕᒫᖅ ᒎᑎ ᖁᔭᒋᕙᒃᐸᕋ ᐱᑦᔪᑎᒋᓪᓗᓯ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓ ᐃᓕᑦᓯᓐᓄᑦ ᑐᓂᔭᐅᓚᐅᕐᖕᒪᑦ ᙭ᔅᑑᓯ ᔩᓱᓯᒃᑯᑦ. 5ᑖᑦᓱᒨᓇ ᐊᔪᖅᓴᓐᖏᑎᑕᐅᒐᑦᓯ ᖃᓄᓕᒫᖅ ᐅᖃᓪᓚᖕᓂᑦᓯᒍᑦ ᖃᐅᔨᒪᓂᑦᓯᒍᓪᓗ. 6᙭ᔅᑑᓯᒥᒃ ᐊᔪᕆᖅᑐᐃᑦᔪᑕᐅᓯᒪᔪᑦ ᐃᓕᑦᓯᓐᓄᑦ ᑐᓐᖓᕕᖃᑦᓯᐊᓕᕐᖕᒪᑕ ᐃᓕᑦᓯᓐᓂ. 7ᑍᒤᒻᒪᑦ ᐅᒃᐱᕐᖕᓂᒃᑯᑦ ᑐᓂᕐᕈᓯᐊᖃᕐᖕᓂᕐᖕᒥᒃ ᖃᓄᓕᒫᖅ ᐊᔪᖅᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᖕᓂᖓᓂᒃ. 8ᑖᑦᓱᒪ ᓱᖁᓯᔪᐃᑎᓐᓂᐊᖅᐹᓯ ᓯᓚᕐᔫᑉ ᐃᓱᐊᓄᑦ, ᐸᓯᔭᒃᓴᐅᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐅᓪᓗᖓᓂ. 9ᒎᑎ ᓱᖁᓯᔪᐃᑦᑑᖕᒪᑦ, ᕾᖁᔨᓯᒪᔪᖅ ᐃᓕᑦᓯᓐᓂᒃ ᐃᓅᖃᑎᖃᖁᔨᓪᓗᓂ ᐃᕐᖕᓂᖓᓂᒃ, ᔩᓱᓯ ᙭ᔅᑑᓯᒥᒃ ᐊᑕᓂᕐᖕᒥᒃ.
ᐅᒃᐱᖅᑑᖃᑎᒌᑦ ᐊᕕᒃᓯᒪᓂᖏᑦ
10ᐱᖁᒻᒪᕆᒃᐸᑦᓯ ᐃᓅᖃᑎᒃᑲ, ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ, ᐊᖏᖃᑎᒌᑦᓯᐊᖁᓪᓗᓯ ᐅᖃᐅᓯᑦᓯᒍᑦ ᐃᓕᑦᓯᓐᓄᓪᓗ ᐊᕕᓯᒪᖁᓇᓯ, ᑲᑎᓐᖓᑦᓯᐊᕐᓗᓯᓕ ᐊᑕᐅᓯᐅᖁᓪᓗᓯ ᐃᓱᒪᑦᓯᒍᑦ ᐱᓂᐊᕐᖕᓂᑦᓯᒍᓪᓗ. 11ᑯᓗᐃᒃᑯᑦ ᐃᒡᓗᒥᐅᖃᑎᖏᓐᓂᑦ ᑐᓴᖅᑎᑕᐅᓚᐅᕋᒪ, ᐃᓚᒃᑳ, ᐂᕙᖃᑦᑕᕐᖕᓂᑦᓯᓐᓂᒃ. 12#ᐋᐴᓯᑕᓖᑦ 18:24.ᐃᒫᒃ ᓇᓗᓁᖅᓯᓚᐅᕐᓚᖓ ᐃᓚᓯ ᐃᓚᖓᑦ ᐅᖃᖅᐳᖅ, “ᐸᐅᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᐊᐴᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᓰᐸᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “᙭ᔅᑑᓯᒧᑦ ᒪᓕᒃᑎᐅᕗᖓ.” 13᙭ᔅᑑᓯ ᐊᒡᒍᖅᓯᒪᕚ? ᐸᐅᓗᓯ ᓴᓐᓂᖓᔪᓕᖕᒧᑦ ᐱᓪᓗᓯ ᑭᑭᐊᒃᑐᖅᑕᐅᓚᐅᖅᐹ? ᐅᕝᕙᓗ ᐸᐅᓗᓯᒧᑦ ᐃᓕᓐᓂᐊᖅᑎᐅᖁᓪᓗᓯ ᐹᑉᑎᑕᐅᓚᐅᖅᐱᓰ?
14 #
ᐋᐴᓯᑕᓖᑦ 18:8;
ᐋᐴᓯᑕᓖᑦ 19:29; ᕉᒪᒥᐅᓄᑦ 16:23. ᒎᑎ ᖁᔭᒋᕙᕋ ᓇᓕᑦᓯᓐᓂᒃ ᐹᑉᑎᑦᓯᓚᐅᖏᓐᓇᒪ ᑯᕆᔅᐸᓯᐅᑉ ᒊᐊᓯᐅᓪᓗ ᐊᓯᖏᓐᓂᒃ, 15ᓇᓕᖅᓯ ᐅᖃᕈᓐᓇᖁᓇᒍ ᐅᕙᓐᖓ ᐊᑎᖓᓂ ᐹᑉᑎᑕᐅᓯᒪᓂᕋᕐᓗᓂ. 16#1 ᑯᕆᓐᑎ 16:15.(ᐃᓛᒃ, ᐹᑉᑎᑦᓯᓚᐅᕆᕗᖓ ᓯᑎᐹᓇᓯᒥᒃ ᐃᒡᓗᒥᐅᖃᑎᖏᓐᓂᒡᓗ. ᐊᓯᖏᓐᓂᒡᓕ, ᐹᑉᑎᑦᓯᓚᐅᕐᖕᒪᖔᕐᖕᒪ ᐃᖅᑲᐅᒪᓐᖏᓚᖓ.) 17᙭ᔅᑑᓯᐅᑉ ᑎᓕᓚᐅᖏᒻᒪᖓ ᐹᑉᑎᓯᔭᖅᑐᖁᓗᖓ ᐅᖃᐅᓰᓪᓕ ᑐᓴᕈᒥᓇᖅᑐᑦ ᐊᔪᕆᖅᑐᐃᑦᔪᑕᐅᖁᓪᓗᒋᑦ ᑎᓕᔭᐅᓯᒪᕗᖓ, ᐃᓄᐃᑦ ᓯᓚᑐᓂᖓ ᒪᓕᒡᓗᒍ ᐊᔪᕆᖅᑐᐃᖁᓇᖓ, ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓚᐅᕐᖕᓂᖓᑕ ᐱᔪᓐᓇᕐᖕᓂᖓ ᓴᓐᖐᓕᑎᑕᐅᖁᓇᒍ.
᙭ᔅᑑᓯ ᐱᔪᓐᓇᕐᖕᓂᐅᕗᖅ ᓯᓚᑐᓂᐅᓪᓗᓂᓗ ᒎᑎᒥᑦ ᐱᔪᖅ
18᙭ᔅᑑᓯᐅᑉ ᓴᓐᓂᖓᔪᓕᖕᒥ ᑭᑭᐊᒃᑐᖅᑕᐅᓂᖓᑕ ᐊᔪᕆᖅᑑᑕᐅᓂᖓ ᓯᓔᑦᑑᕗᖅ ᐊᓯᐅᔪᒪᖅᑐᓄᑦ; ᐅᕙᑦᑎᓐᓄᓪᓕ ᐱᐅᓕᔭᓯᒪᔪᓄᑦ ᐱᔪᓐᓇᕐᖕᓂᐅᕗᖅ ᒎᑎᒥ. 19#ᐂᓮᐊᓯ 29:14.ᐊᒡᓚᖕᓂ ᑎᑎᕋᖅᓯᒪᖕᒪᑦ,
“ᓯᓚᑐᔪᑦ ᓯᓚᑐᓂᖓᑦ ᐊᓯᕈᕐᖕᓂᐊᖅᐸᕋ,
ᐃᓕᓯᒪᔪᓪᓗ ᑐᑭᓯᓯᒪᓂᖓᑦ ᐊᑐᕈᓐᓃᖅᑎᓐᓂᐊᖅᐸᕋ.”
20 #
ᔫᐱ 12:17; ᐂᓮᐊᓯ 19:12; 33:18;
ᐂᓮᐊᓯ 44:25. ᓇᐅᒡᓕ ᓯᓚᑐᔪᑦ? ᓇᐅᒡᓕ ᐊᒡᓚᓂᒃ ᐃᓕᓯᒪᔪᑦ? ᓇᐅᒃᓕ ᐅᓪᓗᒥ ᐃᓅᔪᓂᒃ ᖃᐅᔨᒪᓇᓱᐊᖅᑎ? ᒎᑎᐅᓪᓕ ᓯᓚᕐᔪᐊᕐᖕᒥᐅᑦ ᓯᓚᑐᓂᖏᑦ ᓯᓔᓐᓂᓐᖑᖅᑎᓚᐅᓐᖏᓔᑦ?
21ᒎᑎᐅᑉ ᓯᓚᑐᓂᕐᖕᒥᓄᑦ ᓯᓚᕐᔪᐊᕐᖕᒥᐅᑦ ᓇᖕᒥᓂᖅ ᓯᓚᑐᓂᕐᖕᒥᒃᑎᒍᑦ ᑐᑭᓯᔪᓐᓇᖅᑎᓐᖏᓔᑦ ᒎᑎᒥᒃ. ᒎᑎᓕ ᐊᑲᐅᒃᓴᖅᐳᖅ ᑖᒃᑯᐊ ᓯᓔᓐᓇᓱᒋᔭᖏᑎᒍᑦ ᐅᖃᐅᓯᕆᔭᑦᑎᒍᑦ ᐅᒃᐱᕈᓱᒃᑐᑦ ᐱᐅᓕᔪᒪᓪᓗᒋᑦ. 22ᔫᑎᑦ ᑲᒪᓇᖅᑐᓂᒃ ᑕᑯᔪᒪᕗᑦ ᒍᕇᑭᓪᓗ ᓯᓚᑐᓂᕐᖕᒥᒃ ᕿᓂᕐᓗᑎᒃ, 23ᐅᕙᒍᓪᓕ ᐊᔪᕆᖅᑐᐃᑦᔪᑎᖃᖅᐳᒍᑦ ᙭ᔅᑑᓯᒥᒃ ᑭᑭᐊᒃᑐᖅᑕᐅᓚᐅᖅᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ; 24ᒎᑎᐅᓪᓕ ᕾᖁᓯᒪᔭᖏᓐᓄᑦ, ᑕᒤᓐᓄᑦ ᔫᑎᓄᑦ ᒍᕇᑭᓄᓪᓗ, ᙭ᔅᑑᓯ ᒎᑎᒧᑦ ᐱᔪᓐᓇᕐᖕᓂᐅᕗᖅ ᓯᓚᑐᓂᐅᓪᓗᓂᓗ ᒎᑎᒧᑦ. 25ᒎᑎᐅᑉ ᓯᓔᑦᑑᔮᕐᖕᓂᖓ ᓯᓚᑐᓂᖅᓴᐅᖕᒪᑦ ᐃᓄᖕᓂᑦ, ᒎᑎᐅᓪᓗ ᓴᓐᖐᑦᑑᔮᕐᖕᓂᖓ ᓴᓐᖏᓂᖅᓴᐅᓪᓗᓂ ᐃᓄᖕᓂᑦ.
26ᐃᓅᖃᑎᒃᑲ, ᐃᖅᑲᐅᒪᓕᕆᑦᓯ ᖃᓄᐃᑦᑐᓚᐅᕐᖕᒪᖔᑦᓯ ᒎᑎᒧᑦ ᕾᖁᔭᐅᑎᓪᓗᓯ. ᐃᓚᖏᑦ ᐃᓄᐃᑦ ᐃᓕᖅᑯᓯᖓ ᒪᓕᒡᓗᒍ ᓯᓚᑐᔫᓚᐅᖅᐳᑉ, ᐃᓛᖏᓪᓗ ᐱᓪᓚᕆᐅᓚᐅᖅᐳᑦ, ᐃᓛᓯᒍᓪᓗ ᐃᕐᖕᓂᐊᖑᓯᒪᓚᐅᖅᐳᑦ ᐊᖓᔪᖅᑳᑎᒍᑦ. 27ᒎᑎᓕ ᓂᕈᐊᓚᐅᖅᐳᖅ ᓯᓚᕐᔪᐊᕐᖕᒥᐅᓄᑦ ᓯᓔᓐᓇᓱᒋᔭᐅᔪᑦ ᐊᑐᕐᓗᒋᑦ ᓯᓚᑐᔪᑦ ᑲᓐᖑᓱᒃᑎᑦᓱᒪᓪᓗᒋᑦ, ᓯᓚᕐᔪᐊᕐᖕᒥᐅᓂᓪᓗ ᓴᓐᖐᓐᓇᓱᒋᔭᐅᔪᓂᒃ ᒎᑎ ᓂᕈᐊᓚᐅᖅᐳᖅ ᓯᓚᕐᔪᐊᕐᖕᒥ ᓴᓐᖏᔪᑦ ᑲᓐᖑᓱᒃᑎᑦᓱᒪᓪᓗᒋᑦ. 28ᓯᓚᕐᔪᐊᕐᖕᒥᐅᓄᑦ ᒥᑭᓐᓂᖅᐸᐅᓇᓱᒋᔭᐅᔪᑦ ᓱᓇᑐᐃᓐᓁᑦ ᓇᕐᕈᓇᖅᑐᓪᓗ ᓱᓇᐅᖏᑦᑐᓪᓗ ᓂᕈᐊᕆᓚᐅᖅᐰᑦ, ᓯᓚᕐᔪᐊᕐᖕᒥᐅᓄᑦ ᐊᑐᕐᖕᓇᖅᑑᓇᓱᒋᔭᐅᔪᑦ ᓱᓇᐅᔪᓐᓃᖁᓪᓗᒋᑦ. 29ᓇᓪᓕᐊᑦ ᑖᑦᓱᒪ ᓵᖓᓂ ᐃᒻᒥᓂᒃ ᓂᖅᑐᕈᑎᒃᓴᖃᖁᓇᒍ. 30ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᖅᑎᑉᐹ, ᑖᑦᓱᒨᓇᓗ ᐃᓗᐊᖅᑐᓕᔪᓐᖑᖅᑎᑉᐹᑎᒍᑦ, ᐃᑦᔪᕐᖕᓁᑦᑐᓐᖑᖅᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ; 31#ᔨᕆᒤᐊ 9:24.ᑍᒤᒻᒪᑦ, ᐊᒡᓚᖕᓂ ᑎᑎᕋᖅᓯᒪᕗᖅ, “ᐃᒻᒥᓂᒃ ᓂᖅᑑᑎᔪᒪᔫᑉ ᐊᑕᓂᖅ ᓂᖅᑐᕈᑎᒋᓕᐅᒃ.”
Currently Selected:
ᑯᕆᓐᑎᐊᒥᐅᓄᑦ ᓯᕗᓪᓖᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.