ᑯᕆᓐᑎᐊᒥᐅᓄᑦ ᓯᕗᓪᓖᑦ 2
2
ᐊᔪᕆᖅᑐᐃᑦᔪᑕᐅᔪᖅ ᙭ᔅᑑᓯ ᑭᑭᐊᒃᑐᖅᑕᐅᓚᐅᖅᑐᖅ
1ᐃᓅᖃᑎᒃᑲ, ᐃᓕᑦᓯᓐᓄᑦ ᑎᑭᓐᓇᒪ, ᐊᔪᕆᖅᑐᐃᑎᓪᓗᖓ ᒎᑎᐅᑉ ᓱᓕᑦᓯᐊᕐᖕᓂᖓᑕ ᓇᓗᓇᕐᖕᓂᖓᓂᒃ; ᐅᖃᐅᓰᑦ ᐋᖅᑭᒃᓱᑦᓯᐊᖅᓯᒪᔪᑦ ᓯᓚᑐᔪᓪᓘᓐᓃᑦ ᐊᑐᕐᓗᒋᑦ ᐅᖃᓪᓚᓚᐅᓐᖏᓚᖓ. 2ᐃᓕᑦᓯᓐᓃᑎᓪᓗᖓ ᖃᐅᔨᒪᓇᓱᒋᓗᖓ ᐱᓚᐅᓐᖏᓚᖓ ᔩᓱᓯ ᙭ᔅᑑᓯᐅᑉ ᑭᑭᐊᒃᑐᖅᑕᐅᓯᒪᓂᖓ ᐅᖃᐅᓯᕆᔭᑐᐊᕆᓚᐅᖅᐸᕋ. 3#ᐋᐴᓯᑕᓖᑦ 18:9.ᐃᓕᑦᓯᓐᓄᓪᓗ ᑎᑭᓚᐅᖅᐳᖓ ᓴᓐᖐᑦᑑᓪᓗᖓ ᓯᕘᕋᓪᓗᖓᓗ ᓴᔪᒡᓗᖓᓗ. 4ᐅᖃᐅᓯᒃᑲ ᐊᔪᕆᖅᑐᐃᓂᒃᑲᓗ ᐃᓄᐃᑦ ᓯᓚᑐᓂᖏᑦ ᐊᑐᕐᓗᒋᑦ ᐅᖃᓪᓚᓚᐅᓐᖏᓚᖓ, ᓴᖅᑭᑎᑦᓯᓚᐅᖅᐳᖓᓕ ᒎᑎᐅᑉ ᐊᓂᕐᖕᓂᖓᑕ ᐱᔪᓐᓇᕐᖕᓂᖓᓂᒃ. 5ᐅᒃᐱᕐᖕᓂᓯ ᐃᓅᑉ ᓯᓚᑐᓂᖓᓂᒃ ᑐᓐᖓᕕᖃᖁᓇᒍ ᒎᑎᐅᓪᓕ ᐱᔪᓐᓇᕐᖕᓂᖓᓂᒃ ᑐᓐᖓᕕᖃᖔᖁᓪᓗᒍ.
ᒎᑎᐅᑉ ᓯᓚᑐᓂᖓ
6ᓯᓚᑐᔪᓂᒡᓕᑦᑕᐅᖅ ᐅᖃᐅᓯᖃᕋᓗᐊᕆᕗᖓ ᐅᒃᐱᕐᖕᓂᕐᖕᒥ ᐱᕈᕇᖅᓯᒪᔪᓄᑦ, ᓯᓚᑐᓂᖅ ᓯᓚᕐᔪᐊᕐᖕᒥᑦ ᐱᔪᖅ ᐊᑐᕐᖕᓇᒍ ᓯᓚᕐᔪᐊᕐᖕᒥᐅᓪᓗ ᐊᐅᓚᑦᓯᔨᖏᓐᓂᑦ ᐱᔪᖅ ᐊᑐᕐᖕᒥᓇᒍ, ᑕᒪᒃᑯᐊ ᓱᓇᐅᔪᓐᓃᕐᖕᓂᐊᕐᖕᒪᑕ. 7ᒎᑎᐅᓪᓕ ᓯᓚᑐᓂᖓ ᓇᓗᓇᖅᑐᖅ ᐃᔨᖅᓯᒪᔪᖅ ᐅᖃᐅᑎᒋᕙᕋ, ᒎᑎᐅᑉ ᐋᖅᑭᒃᓯᒪᓚᐅᖅᐹ ᓂᖅᑐᕐᖕᓇᐅᑎᒃᓴᑦᑎᓐᓄᑦ ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᖅᑎᓐᓇᒍ. 8ᓇᓪᓕᐊᓪᓘᓐᓃᑦ ᐊᐅᓚᑦᓯᔩᑦ ᓯᓚᕐᔪᐊᕐᖕᒥ ᑕᒪᑐᒥᖓ ᑐᑭᓯᓯᒪᓐᖏᓚᑦ; ᑐᑭᓯᓚᐅᕈᓂᑦᔪᒃ, ᐊᑕᓂᖅ ᓂᖅᑐᕐᖕᓇᖅᑐᕐᔪᐊᖅ ᑭᑭᐊᒃᑐᕋᔭᓚᐅᓐᖏᓛᑦ. 9#ᐂᓮᐊᓯ 64:4.ᐊᒡᓚᖕᓂ ᑎᑎᕋᖅᓯᒪᖕᒪᑦ:
“ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᖅᑕᐅᓚᐅᖏᑦᑐᕐᓘᓐᓃᑦ,
ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᖕᒪᖔᑦ,
ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᖅᐹ ᐱᓐᓇᕆᔨᒥᓄᑦ.”
10ᒎᑎᐅᓪᓕ ᓇᓗᓇᖅᑐᖅ ᑕᒪᓐᓇ ᓇᓗᓁᓚᐅᖅᐹ ᐅᕙᑦᑎᓐᓄᑦ ᐊᓂᕐᖕᓂᕐᖕᒥᒍᑦ. ᐊᓂᕐᖕᓂᐅᑉ ᑐᑭᓯᓇᓱᐊᕐᖕᒪᒋᑦ ᓱᓇᓕᒫᑦ, ᒎᑎᐅᑉ ᐃᑎᓂᕐᔪᐊᖓ ᐊᒡᓛᑦ. 11ᓇᓪᓕᐊᑦ ᐃᓅᑉ ᐃᓱᒪᖓᓂᒃ ᖃᐅᔨᒪᕚ? ᐃᓅᑉ ᐊᓂᕐᖕᓂᖓ ᑭᓯᒥ ᓇᖕᒥᓂᕐᖕᒥᓂᒃ ᖃᐅᔨᒪᕗᖅ; ᑍᒫᒃᑕᐅᖅ ᒎᑎᐅᑉ ᐃᓱᒪᖓᓂᒃ ᖃᐅᔨᒪᔪᖃᖏᓐᓂᕗᖅ ᒎᑎᐅᑉ ᐊᓂᕐᖕᓂᖓ ᑭᓯᒥ ᖃᐅᔨᒪᕗᖅ. 12ᐊᓂᕐᖕᓂᕐᖕᒥᒃ ᓯᓚᕐᔪᐊᕐᖕᒥᑦ ᐱᔪᒥᒃ ᑐᓂᓯᕕᐅᓯᒪᓐᖏᓚᒍᑦ, ᒎᑎᒥᓪᓕ ᐱᔪᒥᒃ ᐊᓂᕐᖕᓂᕐᖕᒥᒃ ᑐᓂᓯᕕᐅᕗᒍᑦ, ᖃᐅᔨᔪᓐᓇᖁᓪᓗᑕ ᒎᑎᒥᑦ ᑐᓂᕐᕈᓯᐊᑦᑎᓐᓂᒃ.
13ᐃᒫᒡᓕ ᐅᖃᐅᓯᖃᖅᐳᒍᑦ, ᐅᖃᐅᓰᑦ ᐃᓄᐃᑦ ᓯᓚᑐᓂᖏᑕ ᐃᓕᓴᐅᑎᖏᑦ ᐊᑐᕐᖕᓇᒋᑦ ᒎᑎᐅᓪᓕ ᐊᓂᕐᖕᓂᖓᑕ ᐃᓕᓐᓂᐊᖅᑎᑦᓯᔪᑎᒋᔭᖏᑦ ᐊᑐᕐᓗᒋᑦ, ᑐᑭᓯᓇᖅᓯᑎᑉᐸᕗᑦ ᐊᓂᕐᖕᓂᐅᑉ ᓱᓕᓂᖏᑦ ᒎᑎᐅᑉ ᐊᓂᕐᖕᓂᖓᓂᒃ ᐱᓯᒪᔪᓄᑦ. 14ᓇᓪᓕᐊᑦ ᒎᑎᐅᑉ ᐊᓂᕐᖕᓂᖓᓂᒃ ᐱᖃᖏᑦᑐᖅ ᒎᑎᐅᑉ ᐊᓂᕐᖕᓂᖓᑕ ᑐᓂᕐᕈᑎᖏᓐᓂᒃ ᐱᔪᓐᓇᓐᖏᓚᖅ, ᑍᒤᑦᑐᓄᑦ ᑕᒪᒃᑯᐊ ᑐᑭᖃᓐᖏᓚᑦ, ᑐᑭᓯᔪᓐᓇᕐᖕᓇᒋᓪᓗ ᐊᓂᕐᖕᓂᒃᑯᑦ ᑭᓯᐊᓂ ᑐᑭᓯᓇᖅᓯᑎᑕᐅᔪᓐᓇᕐᖕᒪᑕ. 15ᒎᑎᐅᓪᓕ ᐊᓂᕐᖕᓂᖓᓂᒃ ᐱᖃᖅᑑᑉ ᓱᓇᓕᒫᑦ ᖃᐅᔨᓇᓱᐊᖅᐰᑦ ᓇᖕᒥᓂᖅ, ᐊᓯᒥᓂᑦ ᖃᐅᔨᒪᔭᐅᓇᓱᐊᕋᓂ. 16#ᐂᓮᐊᓯ 40:13.ᐊᒡᓔᑦ ᐅᖃᕐᖕᒪᑕ,
“ᑭᐊ ᐊᑕᓂᐅᑉ ᐃᓱᒪᖓ ᖃᐅᔨᒪᕙᐅᒃ? ᑭᐊᓗ ᐃᓱᒪᓕᐅᕈᓐᓇᖅᐸᐅᒃ?”
ᐅᕙᒍᓪᓕ ᙭ᔅᑑᓯᐅᑉ ᐃᓱᒪᖓᓂᒃ ᐃᓱᒪᖃᖅᐳᒍᑦ.
Currently Selected:
ᑯᕆᓐᑎᐊᒥᐅᓄᑦ ᓯᕗᓪᓖᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.