AMARHUBO 4
4
Umthandazo womuntu othemba uZimu
1Kumkhaleli; ngesililiso seenara; irhubo lakaDavida.
2Lokha nangikubizako ngiphendule,
wena Zimu welungelo lami.
Wangipha isibanga ekubandezelekeni.
Yeke yiba nesirhawu kimi,
uzwe umthandazwami.
3Nina bantu,
kuzabe kube nini ukuhlonitjhwa kwami kudelelwa na?
Kuzabe kube nini nithanda ikohliso
begodu nilandelelana namanga na?
4Yazini bonyana uSomnini,
uphatha othembekileko kuhle;
uSomnini uyangizwa lokha nangilila kuye.
5Lokha nanithathekileko, ningoni;
zindlani ngalokho emikghadinenu
nibe nokuthula.
6Nikelani imihlabelo efaneleko,
nethembe uSomnini.
7Banengi abathi:
“Ngathana singabona okuhle!
Somnini, yewusikhanyisele!”
8Kodwana kimi mina Somnini,
uzalise ihliziywami ngokwenama
ukudlula ukwenama kwabo
lokha nabavuna iinthoro
nalokha iwayini labo livamile.
9Ngokuthula ngizakulala ngizunywe buthongo
ngombana nguwe wedwa Somnini
ongenza ngihlale ngiphephile.
Currently Selected:
AMARHUBO 4: SND12
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 2012. Used with permission. All rights reserved.