AMARHUBO 149
149
Ukudumisa ukulunga kwakaZimu
1Haleluya!
Vumani ingoma etja kuSomnini,
idumo lakhe ehlanganweni yabathembekileko.
2U-Israyeli akathabe kumenzakhe;
abantwana beZiyoni bahlokome eKosinabo.
3Abadumise ibizo lakaZimabo ngokugida,
bamlilisele abosotjherere namaharibhana.
4Mbala, uSomnini uyabathabela abantu bakhe;
abathobekileko ubembathisa ukuhlula.
5Abathembekileko abalilizele ngehlonipho,
bahlokome basemikghadinabo.
6Ukuphakamisa uZimu akube semaphinjenabo
nesabula ebukhali mahlangothi woke
ayibe sesandleni sabo
7ukuze bazibuyiselele kebezizwe,
bebahlunguphaze nabantu,
8babophe amakhosabo ngeenketani
nabosaziwako bakhona ngamakhamandela,
9baphethe isigwebo kibo sokutloliweko.
Lokhu kulidumo kwabathembekileko bakhe boke.
Haleluya!
Currently Selected:
AMARHUBO 149: SND12
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 2012. Used with permission. All rights reserved.