Makətūbə̄ ń Pol ndang adə̄ Galatə gə̄ ní 6
6
Ə̄tōī yá̰á̰ kə́ kɔȳ gə̄ kə naá
1Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń *Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō. 2Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń *ndū najə̄ yā *Kərist əda ní. 3Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́. 4Majə kadə̄ náā nəkɔ́ əndā ma̰ȳ kəla rāān nəkɔ́. Ré kəla ní majanī, a ɔr ta rɔ̄n tām̄ kəla ní tə́, banī i tām̄ kəla yā de kə́ rang tə́ alé. 5Tɔdɔ̄ náā nəkɔ́ a ətō yá̰á̰ kə́ kɔȳ yān nəkɔ́.
6Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.
7Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní. 8Ré yá̰á̰ ń ī-dubə̄ ní, i yá̰á̰ kə́ tām̄ yā dā̰ rɔ̄ tə́ anī, yá̰á̰ ń ā ə́já ní, i yá̰á̰ ń dā̰ rɔ̄ adə̄ ní, adə̄ i yá̰á̰ kə́ ndum. Ré yá̰á̰ ń ī-dubə̄ ní, i yá̰á̰ kə́ kə gō kem ndigə yā Ndíl anī, yá̰á̰ ń ā ə́ja kə ta kūl̄ Ndílí ní, i ndi kə kumuú kə́ ngándáńg. 9Jə-rāāī yá̰á̰ kə́ majə kanjə̄ kɔr loon tə́. Ré j-ɔriī ta kəla yājí tə́ aĺ anī, j-a j-əjaī kanə̄n loo ń ndɔ̄ a asə ní. 10I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.
Tāā gə̄ kə́ ta tɔ̄l̄ ta tə́ ō, lápə́ya kə́ Pol rāā Galatə gə̄ ō
11Á̰a̰ī kum najə̄ kə́ bo doy doy gə̄ ń m̄-ndang m-ādə̄sí kə jīḿ mə̄kɔ́ toō. 12Ngé gə̄ ń ɔsən̄ sesí ta *kəja mɔtəsí ní, i de gə̄ kə́ gḛyn̄ kadə̄ a̰a̰n̄də́ i de kə́ majə gə̄ tə́, kə gō yā deē ndul gēé. Nin̄-rāān̄ tītə̄ ń noō i yā kadə̄ rāān̄neédə́ ndoō tə́ najə̄ kāgə̄ kə́ dēsə́ yā *Kərist tə́ aĺ ngóy. 13Tɔdɔ̄ ngé gə̄ ń əjan̄ mɔtədə́ ní nin̄ kɔ́ gə̄ ngɔ̄mə̄n̄ *ndū najə̄ alé, ba gḛyn̄ kadə̄ əjan̄ mɔtəsí, i yā kadə̄ nin̄-ɔrnə̄ń ta rɔ̄də́. 14Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō. 15Tɔdɔ̄ *kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄. 16De gə̄ malang ń unən̄ gō róbə́ ń toō, kə deē yā Nə́ɓā gēé ní, ādə̄ Nə́ɓā adə̄də́ kem sɔl̄ lɔm ō, a̰a̰ kum tō ndoō yādə́ ō.
17Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.
18Ngákó̰ó̰ḿ gə̄, ādə̄ Kɔ́ɔ̄ɓē yājí Jeju *Kərist rāā kem majə sesí. *Adə̄ i tītə̄ ń noō.
Currently Selected:
Makətūbə̄ ń Pol ndang adə̄ Galatə gə̄ ní 6: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ ń Pol ndang adə̄ Galatə gə̄ ní 6
6
Ə̄tōī yá̰á̰ kə́ kɔȳ gə̄ kə naá
1Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń *Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō. 2Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń *ndū najə̄ yā *Kərist əda ní. 3Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́. 4Majə kadə̄ náā nəkɔ́ əndā ma̰ȳ kəla rāān nəkɔ́. Ré kəla ní majanī, a ɔr ta rɔ̄n tām̄ kəla ní tə́, banī i tām̄ kəla yā de kə́ rang tə́ alé. 5Tɔdɔ̄ náā nəkɔ́ a ətō yá̰á̰ kə́ kɔȳ yān nəkɔ́.
6Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.
7Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní. 8Ré yá̰á̰ ń ī-dubə̄ ní, i yá̰á̰ kə́ tām̄ yā dā̰ rɔ̄ tə́ anī, yá̰á̰ ń ā ə́já ní, i yá̰á̰ ń dā̰ rɔ̄ adə̄ ní, adə̄ i yá̰á̰ kə́ ndum. Ré yá̰á̰ ń ī-dubə̄ ní, i yá̰á̰ kə́ kə gō kem ndigə yā Ndíl anī, yá̰á̰ ń ā ə́ja kə ta kūl̄ Ndílí ní, i ndi kə kumuú kə́ ngándáńg. 9Jə-rāāī yá̰á̰ kə́ majə kanjə̄ kɔr loon tə́. Ré j-ɔriī ta kəla yājí tə́ aĺ anī, j-a j-əjaī kanə̄n loo ń ndɔ̄ a asə ní. 10I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.
Tāā gə̄ kə́ ta tɔ̄l̄ ta tə́ ō, lápə́ya kə́ Pol rāā Galatə gə̄ ō
11Á̰a̰ī kum najə̄ kə́ bo doy doy gə̄ ń m̄-ndang m-ādə̄sí kə jīḿ mə̄kɔ́ toō. 12Ngé gə̄ ń ɔsən̄ sesí ta *kəja mɔtəsí ní, i de gə̄ kə́ gḛyn̄ kadə̄ a̰a̰n̄də́ i de kə́ majə gə̄ tə́, kə gō yā deē ndul gēé. Nin̄-rāān̄ tītə̄ ń noō i yā kadə̄ rāān̄neédə́ ndoō tə́ najə̄ kāgə̄ kə́ dēsə́ yā *Kərist tə́ aĺ ngóy. 13Tɔdɔ̄ ngé gə̄ ń əjan̄ mɔtədə́ ní nin̄ kɔ́ gə̄ ngɔ̄mə̄n̄ *ndū najə̄ alé, ba gḛyn̄ kadə̄ əjan̄ mɔtəsí, i yā kadə̄ nin̄-ɔrnə̄ń ta rɔ̄də́. 14Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō. 15Tɔdɔ̄ *kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄. 16De gə̄ malang ń unən̄ gō róbə́ ń toō, kə deē yā Nə́ɓā gēé ní, ādə̄ Nə́ɓā adə̄də́ kem sɔl̄ lɔm ō, a̰a̰ kum tō ndoō yādə́ ō.
17Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.
18Ngákó̰ó̰ḿ gə̄, ādə̄ Kɔ́ɔ̄ɓē yājí Jeju *Kərist rāā kem majə sesí. *Adə̄ i tītə̄ ń noō.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad