Makətūbə̄ ń Pol ndang adə̄ Galatə gə̄ ní 5
5
Ī-lōōī tḭ̄ḭ̄ ta kɔ́ɔ̄ rɔ̄ yāsí
1*Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.
2Á̰a̰ī, mā Pol m-ə́dásí na ré ādī *əjan̄ mɔtəsí anī, Kərist a teē yá̰á̰ tām̄ yāsí tə́ to̰ aĺ bátə́. 3M-ə́dásí m-ādə̄ gān̄g, náā nəkɔ́ ń adə̄ əjan̄ mɔtən anī, i gáŕ kadə̄ ni-əndā kumən gíŕ yá̰a̰ gə̄ ń *ndū najə̄ ɔjə tə́ ní, yā rāā kə ta njaá malang. 4Sḭḭ̄ ń ī-sāāī tél de kə́ gōtə́ gə̄ kə ta kūl̄ ndū najá ní, majə kadə̄ ī-gerī na sḭḭ̄ ī-gāngī naā kə Kərist kɔ̄ɔ́ ō, rajə ń Nə́ɓā rajəsí ní ī-teēī kɔ̄ɔ́ tū tə́ ō. 5Kə́ tām̄ yājí tə́ tā anī, j-a jə-ngóō kə ngangāá kə ta kūl̄ Ndíl kadə̄ Nə́ɓā rāājí adə̄ jə-tél de kə́ súmūú gə̄ ta kumən tə́, tītə̄ ń j-əndāń kemjí dɔ tə́ ní. 6Tām̄ yā ngé gə̄ ń ɓoon̄ naā kə *Kərist Jeju ní, kəja mɔtə aáā, *kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.
7Ī-ngɔ̄dī kété majə, ba i náā n tél ɔgə̄sí kun gō najə̄ kə́ rɔ̄kum ní? 8Yá̰á̰ ń de gə̄ sāān̄ kadə̄ ī-rāāī ní, ḭḭ i rɔ̄ nge ń ɓāŕsí tə́ ní alé. 9*Kaa kə́ sḛ́ý beē rāā adə̄ ndujə̄ kə́ ló̰ȳ agə̄ malang. 10Mā m̄-taā kemsí mámák sɔɔ̄ń Kɔ́ɔ̄ɓē, kadə̄ gír̄ yāsí a to tayā alé, ba i tītə̄ yāḿ mā. Ba nge ń tə́la najə̄ kemsí tə́ ní, ká i náā gə̄gē anī, a ənge yá̰á̰ kə́ tōr̄ tām̄ yā yá̰á̰ kə́ gō tə́ aĺ ń ni-rāā tə́ ní.
11Ba mā tā a ngákó̰ó̰ḿ gə̄, ré m-ə̄nā i mbēr̄ *kəja mɔtə ɓáý anī, i ba̰ý á a rāān̄ kumḿ ndoō tə́ ɓáý ní? Ré m̄-rāā i tītə̄ ń noō anī, kāgə̄ kə́ dēsə́ i yá̰á̰ kə́ əga de gə̄ bə̄dē tə́ to̰ alé. 12Ādə̄ ngé tə́la najə̄ kemsí tə́ gə̄ ɔrə̄n̄ gum̄də́ nin̄ kɔ́ gə̄ kɔ̄ɔ́ ɗer.
13Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá. 14Tɔdɔ̄ *ndū najə̄ gə̄ malang i tū najə̄ kə́ kógə̄ḿ beē ń toō tə́:
Ī-tár deē madí tītə̄ ngarān̄g kum rɔ̄í īkɔ́ beē.
15Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.
Dā̰ rɔ̄ ō Ndíl ō
16M-ə́dásí ɓáý to̰, ə́ya̰ī ādī i *Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní. 17Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé. 18Ba ré Ndíl ɔjəsí yá̰a̰ adə̄ ī-rāāī anī, sḭḭ̄ i gír *ndū najə̄ tə́ to̰ alé.
19Ī-gerī loo kɔjə ń dā̰ rɔ̄jí a ɔjə kəla rāān gə̄ kə̄ ndágá ní mbak: I tū rāā kaya tə́ ō, rāā yá̰á̰ kə́ yḛr gə̄ tə́ ō, rāȳ tə́ ō, 20rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō, 21ndə̄ngā yá̰a̰ tə́ ō, ka̰ȳ kasə ngá̰ý tə́ ō, kəsa wa tə́ ō, yá̰á̰ kə́ rang kə́ tītə̄ ń noō gə̄ tə́ ō. Sḭḭ̄ ngé rāā yá̰á̰ gə̄ ń noō ní, ādə̄ m̄-tāāsí tītə̄ ń m-ə́dańsí kɔ̄ɔ́ ɓá ní, a údiī kem *Ɓē ko̰o̰ yā Nə́ɓā tə́ alé.
22Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō, 23dɔ sɔl̄ ō, kəhɔ rɔ̄ ō. *Ndū najə̄ mbātə́ yá̰a̰ gə̄ ń noō alé. 24De gə̄ ń nin̄ i yā *Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́. 25Ré jə-ndiī kə kumjí i kə ta kūl̄ Ndíl anī, ādə̄ jə-rāāī yá̰a̰ i gō yā Ndíĺ tə́ ō. 26Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.
Currently Selected:
Makətūbə̄ ń Pol ndang adə̄ Galatə gə̄ ní 5: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ ń Pol ndang adə̄ Galatə gə̄ ní 5
5
Ī-lōōī tḭ̄ḭ̄ ta kɔ́ɔ̄ rɔ̄ yāsí
1*Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.
2Á̰a̰ī, mā Pol m-ə́dásí na ré ādī *əjan̄ mɔtəsí anī, Kərist a teē yá̰á̰ tām̄ yāsí tə́ to̰ aĺ bátə́. 3M-ə́dásí m-ādə̄ gān̄g, náā nəkɔ́ ń adə̄ əjan̄ mɔtən anī, i gáŕ kadə̄ ni-əndā kumən gíŕ yá̰a̰ gə̄ ń *ndū najə̄ ɔjə tə́ ní, yā rāā kə ta njaá malang. 4Sḭḭ̄ ń ī-sāāī tél de kə́ gōtə́ gə̄ kə ta kūl̄ ndū najá ní, majə kadə̄ ī-gerī na sḭḭ̄ ī-gāngī naā kə Kərist kɔ̄ɔ́ ō, rajə ń Nə́ɓā rajəsí ní ī-teēī kɔ̄ɔ́ tū tə́ ō. 5Kə́ tām̄ yājí tə́ tā anī, j-a jə-ngóō kə ngangāá kə ta kūl̄ Ndíl kadə̄ Nə́ɓā rāājí adə̄ jə-tél de kə́ súmūú gə̄ ta kumən tə́, tītə̄ ń j-əndāń kemjí dɔ tə́ ní. 6Tām̄ yā ngé gə̄ ń ɓoon̄ naā kə *Kərist Jeju ní, kəja mɔtə aáā, *kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.
7Ī-ngɔ̄dī kété majə, ba i náā n tél ɔgə̄sí kun gō najə̄ kə́ rɔ̄kum ní? 8Yá̰á̰ ń de gə̄ sāān̄ kadə̄ ī-rāāī ní, ḭḭ i rɔ̄ nge ń ɓāŕsí tə́ ní alé. 9*Kaa kə́ sḛ́ý beē rāā adə̄ ndujə̄ kə́ ló̰ȳ agə̄ malang. 10Mā m̄-taā kemsí mámák sɔɔ̄ń Kɔ́ɔ̄ɓē, kadə̄ gír̄ yāsí a to tayā alé, ba i tītə̄ yāḿ mā. Ba nge ń tə́la najə̄ kemsí tə́ ní, ká i náā gə̄gē anī, a ənge yá̰á̰ kə́ tōr̄ tām̄ yā yá̰á̰ kə́ gō tə́ aĺ ń ni-rāā tə́ ní.
11Ba mā tā a ngákó̰ó̰ḿ gə̄, ré m-ə̄nā i mbēr̄ *kəja mɔtə ɓáý anī, i ba̰ý á a rāān̄ kumḿ ndoō tə́ ɓáý ní? Ré m̄-rāā i tītə̄ ń noō anī, kāgə̄ kə́ dēsə́ i yá̰á̰ kə́ əga de gə̄ bə̄dē tə́ to̰ alé. 12Ādə̄ ngé tə́la najə̄ kemsí tə́ gə̄ ɔrə̄n̄ gum̄də́ nin̄ kɔ́ gə̄ kɔ̄ɔ́ ɗer.
13Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá. 14Tɔdɔ̄ *ndū najə̄ gə̄ malang i tū najə̄ kə́ kógə̄ḿ beē ń toō tə́:
Ī-tár deē madí tītə̄ ngarān̄g kum rɔ̄í īkɔ́ beē.
15Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.
Dā̰ rɔ̄ ō Ndíl ō
16M-ə́dásí ɓáý to̰, ə́ya̰ī ādī i *Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní. 17Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé. 18Ba ré Ndíl ɔjəsí yá̰a̰ adə̄ ī-rāāī anī, sḭḭ̄ i gír *ndū najə̄ tə́ to̰ alé.
19Ī-gerī loo kɔjə ń dā̰ rɔ̄jí a ɔjə kəla rāān gə̄ kə̄ ndágá ní mbak: I tū rāā kaya tə́ ō, rāā yá̰á̰ kə́ yḛr gə̄ tə́ ō, rāȳ tə́ ō, 20rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō, 21ndə̄ngā yá̰a̰ tə́ ō, ka̰ȳ kasə ngá̰ý tə́ ō, kəsa wa tə́ ō, yá̰á̰ kə́ rang kə́ tītə̄ ń noō gə̄ tə́ ō. Sḭḭ̄ ngé rāā yá̰á̰ gə̄ ń noō ní, ādə̄ m̄-tāāsí tītə̄ ń m-ə́dańsí kɔ̄ɔ́ ɓá ní, a údiī kem *Ɓē ko̰o̰ yā Nə́ɓā tə́ alé.
22Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō, 23dɔ sɔl̄ ō, kəhɔ rɔ̄ ō. *Ndū najə̄ mbātə́ yá̰a̰ gə̄ ń noō alé. 24De gə̄ ń nin̄ i yā *Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́. 25Ré jə-ndiī kə kumjí i kə ta kūl̄ Ndíl anī, ādə̄ jə-rāāī yá̰a̰ i gō yā Ndíĺ tə́ ō. 26Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad