PĀ GƏ̄ 93
93
Kɔ́ɔ̄ɓē i mban̄g
1Kɔ́ɔ̄ɓē i mban̄g.
Kɔsə gɔn utə̄ gidə rɔ̄n malang.
Tɔ́gə gīr̄ gidən tītə̄ ndāŕ kəhɔ ɓōdə̄ beé.
Rɔ̄kum, dɔ nang ra ngan̄g, yá̰a̰ a yéȳn alé.
2Kɔ́ɔ̄ɓē, kōr̄ kāgə̄ mbang yāí əla gír ndi ngan̄g i jóo.
Ḭ̄ ə́lá gír ndi i jóó ngá̰ý.
3Bā gə̄ ḭḭn̄ bububu!
Kɔ́ɔ̄ɓē, bā gə̄ ḭḭn̄ bububu adə̄ kōōdə́ ɓār̄ ngá̰ý.
Bā gə̄ ḭḭn̄ bububu adə̄ bəngáĺdə́ ń ənda kadə mbal̄ ní ɓār̄ ngá̰ý.
4Kɔ́ɔ̄ɓē ń ndi dɔ rā̰ tə́ ní tɔ́gən i ngá̰ý!
Ni tɔȳ kōō man̄ ń a ɓār̄ ngá̰ý ní ō,
tɔȳ kōō bəngál bā bo ń ənda kadə mbal̄ kə tɔ́gɔ́ ní ō.
5Yá̰a̰ gə̄ ń ī-ndang kadə̄ yā rāā ní i yá̰á̰ kə́ rɔ̄kum gə̄.
Kɔ́ɔ̄ɓē, yá̰á̰ malang kə́ táĺ əhɔn̄ naā kə kújə yāí
kə ndɔ̄ gə̄ ndɔ̄ gə̄.
Currently Selected:
PĀ GƏ̄ 93: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.