PĀ GƏ̄ 15
15
Yá̰á̰ ń Nə́ɓā sāā kadə̄ deē yān gə̄ rāān̄ ní
1I pā yā Dabid.
Kɔ́ɔ̄ɓē, i náā n a asə kadə̄ ə́hɔn kə̄ rɔ̄í tə́ kem kújə yāí tə́ ní?
I náā ń a ndi dɔ mbal̄ kə́ táĺ yāí tə́ ní?
2I deē ń najə̄ gətóo dɔn tə́ ní,
i nge ń rāā yá̰á̰ kə́ gōtə́ ní ō,
najə̄ kə́ tan tə́ i najə̄ ń ni gír̄ kemən tə́ rɔ̄kum ō ní.
3Ni tə́da najə̄ kə́ majaĺ gə̄ dɔ madə̄n gə̄ tə́ aĺ ō,
rāā madə̄n yá̰á̰ kə́ majaĺ aĺ ō,
tájə̄ deē aĺ ō.
4Kə́ tām̄ yān tə́ ɓáa de gə̄ ń Nə́ɓā ndigədə́ aĺ ní
i de kə́ yā kídə̄də́ kɔ̄ɔ́ gə̄.
Banī de gə̄ ń ɓōlə́n̄ ndíĺ Kɔ́ɔ̄ɓē ní ni rɔȳdə́.
Ré ni-ənī ndūn, ba i kənī ndū kə́ tōr̄ rɔ̄n ngá̰ý gə̄gē anī
ni tūr̄ ndūn alé.
5Ni-adə̄ nar yān bélé tə́ alé.
A taā yá̰a̰ jī deē tə́ yā kəndāń najə̄ dɔ de kə́ najə̄ gətóo dɔn tə́ alé.
Deē ń a əhɔ hálən súmūú beé ní a ndi ngan̄g kə dɔ ndɔ̄ gə̄.
Currently Selected:
PĀ GƏ̄ 15: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.