PĀ GƏ̄ 142
142
Kɔ́ɔ̄ɓē i loo ɓɔ̄ɔ̄ rɔ̄ kə́ ta tɔ̄l̄ ta tə́
1Pā kə́ kəda. I pā yā Dabid. I ndɔ̄ȳ kə́ əda dan ń ni toń kem bəlo mbalá ní.
2M-ún ndūḿ kə̄ dɔɔ́ ngá̰ý, m̄-ɓārə́nń Kɔ́ɔ̄ɓē.
M-ún ndūḿ kə̄ dɔɔ́ ngá̰ý, m̄-rāań Kɔ́ɔ̄ɓē ɓɔ́.
3M-ɔ́jən wur kɔl ń əsō dɔḿ tə́ ní, m-ɔ́jən yá̰á̰ ń tɔȳ dɔḿ ní.
4Dan ń tɔ́gə́ḿ ur̄ wak kɔ̄ɔ́ ní,
loo ń m-ā m-āw̄ kə̄ tū tə́ ní ḭ̄ ī-ger̄.
Əyān̄ gūmbə̄ dɔ róbə́ ń m-úń tə́ ní.
5Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰:
De kógə̄ḿ kə́ gerə̄m̄ gətóo!
Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo.
De kə́ usən̄ dɔḿ tə́ gətóo!
6Kɔ́ɔ̄ɓē, m-ə́ga kɔŕ kə̄ dɔí tə́!
M-ə́da na: I ḭ̄ n i loo ɓɔ̄ɔ̄ rɔ̄ yāḿ ō, yá̰a̰ halaḿ ō,
dɔ nang tə́ laā ní.
7Ī-nēl̄ mbīí ōoń nōō yāḿ, tɔdɔ̄ tɔ́gə́ḿ gətóó kə́ al̄ naā!
Ī-taām̄ jī ngé rāā kumḿ ndoō tə́ gə̄ tə́ tām̄ tɔ́gə́də́ tɔȳ yāḿ.
8Ɔ̄rə̄m̄ kem dəngáy yāḿ tə́ ādə̄ m̄-tɔ̄ȳ rīí
dan de kə́ súmūú gə̄ tə́,
dan ń ā ī-rāā majə seḿ ní.
Currently Selected:
PĀ GƏ̄ 142: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.