JOB 25
25
Bildad əda na Nə́ɓā o̰o̰ ɓē dɔ rā̰ tə́ ō dɔ nang tə́ ō
1Loo ń noō tə́ Bildad kə́ Suwa ɔr̄ najə̄ əda na:
2Nə́ɓā ń rāā adə̄ lɔm to kem loo yān gə̄ kə́ dɔɔ́ dɔ rā̰ tə́ ní,
ko̰o̰ ɓē ō, yá̰á̰ kə́ to ɓōĺ ngá̰ý ō, i yá̰a̰ yān gə̄.
3Deē asə tə́da ɓūtə̄ ngé rɔ̄ɔ̄ yān gə̄ a?
I náā n loo kə́ unjə̄ kow yān teē dɔn tə́ aĺ ɓáý ní?
4Loo kadə̄ najə̄ yā deē i gōtə́ banī yā Nə́ɓā i kə́ gōtə́ aĺ ní i ba̰ý?
Deē ń dəyá̰ ojən ní, loo kadə̄ əda na ni na i de kə́ unjə̄ njáý njáý ní i ba̰ý?
5Ré nāā gə̄gē ndaa ta kum Nə́ɓā tə́ aĺ ō,
tə́yō̰ gə̄ unjə̄n̄ njáý njáý ta kumən tə́ aĺ ō anī,
6deē ndul ń i kəde ō,
ngōn̄ kem Adam ń i ngōn̄ kur̄ ō ní, yān a to i ba̰ý?
Currently Selected:
JOB 25: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.