PĀ GƏ̄ 95
95
Dan ń deē a aw̄ yā ra ta kum Kɔ́ɔ̄ɓē tə́ ní
1Ī-reēī! J-uriī kɔĺ rɔ̄nel̄ dɔ Kɔ́ɔ̄ɓē tə́,
jə-tɔ̄yī mbal̄ ń ajəjí ní.
2J-aw̄ jə-raī ta kumən tə́, jə-ndadə̄ j-adə̄niī.
Jə-tɔ̄ȳniī kə pā kə́ to rɔȳ gēé.
3Tɔdɔ̄ Kɔ́ɔ̄ɓē i Nə́ɓā kə́ bo,
ni i mban̄g kə́ bo kə́ dɔ nə́ɓā gə̄ tə́ malang.
4Bəlo kə́ lú ngá̰ý gə̄ kə́ dɔ nang tə́ i kem jīn tə́.
Jam mbal̄ gə̄ i yá̰a̰ yān.
5Bā bo i yá̰a̰ yān, i ni n rāān ní.
Dɔ nang i yān ō, tɔdɔ̄ i ni n i nge rāān kə jīneé ní!
6Údiī! J-aw̄ j-əlaī dɔjí nang tə́ no Kɔ́ɔ̄ɓē tə́.
J-aw̄ j-ɔsiī nojí nang tə́ non tə́.
Jə-tétī kejəjí nang tə́ no nge kəndājí tə́.
7Tɔdɔ̄ ni i Nə́ɓā yājí.
Jḭḭ̄ i gír de gə̄ ń i ni n i nge kul̄də́ ní,
jḭḭ̄ i ɓūtə̄ yá̰a̰ kul̄ gə̄ ń a ngɔ̄m̄də́ ní.
Ɓōólaā ní ré ōōī ndūn anī,
8ī-lōōī rāā kem ngan̄g tītə̄ ń kaasí gə̄ rāān̄neé Meriba,
ndɔ̄ kɔ̄l naā kə́ Masa tə́ kem dəla loo tə́ ní.
9Kaasí gə̄ tɔ́sə̄n̄ gātə̄ḿ ō, nāāmə̄n̄ ō, i loo ń noō tə́.
Nin̄ a̰a̰mə̄n̄ kété loo rāā kəla tə́ gə̄gē ba tɔ́sə̄n̄ gātə̄ḿ.
10De kə́ dan ń noō tə́ gə̄ ɔrə̄n̄ wurəḿ ɓāl̄ kutə sɔ́,
adə̄ m-ə́da na: I de kə́ dɔdə́ gətóo gə̄,
nin̄ gerə̄n̄ róbə yāḿ gə̄ alé.
11Adə̄ dan ń wōn̄g rāām̄ ní, m̄-túbə́ m-ə́da na:
Nin̄ a udən̄ loo kɔr̄ koō yāḿ tə́ aĺ bátə́!
Currently Selected:
PĀ GƏ̄ 95: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.