PĀ GƏ̄ 67
67
Ādə̄ de gə̄ ɓōkə́nī tɔ̄ȳ
1Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kendeé. Pā.
2Nə́ɓā, á̰a̰ kum tō ndoō yājí ba ī-rāā majə sejí!
Á̰á̰jí kə kumií kə́ majaá.
3Loo ń noō tə́ de gə̄ a gerə̄n̄ gō róbə yāí dɔ nang tə́ ō,
a gerə̄n̄ dan nápar de gə̄ tə́ malang kadə̄ ḭ̄ i nge kajə de gə̄ ō.
4Nə́ɓā, ādə̄ de gə̄ ɓōkə́nī tɔ̄ȳ!
Ādə̄ gír de gə̄ ɓōkə́nī tɔ̄ȳ naā tə́ malang!
5Ādə̄ nápar de gə̄ ənīn̄ pā kə rɔ̄nelēé.
Tɔdɔ̄ ḭ̄ ó̰o̰ ɓē dɔ gír de gə̄ tə́ i kə gō róbə́ kə́ súmūú ō,
ɔ́r no nápar de gə̄ dɔ nang tə́ ō.
6Nə́ɓā, ādə̄ de gə̄ ɓōkə́nī tɔ̄ȳ,
ādə̄ gír de gə̄ ɓōkə́nī tɔ̄ȳ naā tə́ malang.
7Dɔ nang teē kōō: Nə́ɓā ń i Nə́ɓā yājí ní rāā majə sejí.
8Ādə̄ Nə́ɓā əda najə̄ kə́ majə dɔjí tə́ ō,
ādə̄ de kə́ dɔ nang tə́ gə̄ malang kə taá ɓōlə́n̄ ndílən ō!
Currently Selected:
PĀ GƏ̄ 67: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.