PĀ GƏ̄ 61
61
m̄-ndigə ndi kem kújə yāí tə́ ngándáńg
1Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Dabid
2Ɓɔ́ Nə́ɓā, ōō nōō yāḿ,
ī-nēl̄ mbīí ōoń ndɔ̄ȳ yāḿ.
3Dan ń tɔ́gə́ḿ asə aĺ ní,
m̄-ndi ta ngóy dɔ nang tə́ m̄-ɓāríī kadə̄ ī-dḭḭ̄m̄.
Āw̄ seḿ mbal̄ ń m-ásə kaw̄ kugə̄ tū tə́ aĺ ní tə́.
4Tɔdɔ̄ ḭ̄ i loo ɓɔ̄ɔ̄ rɔ̄ yāḿ,
kújə yāḿ kə́ ngan̄g ta kum madə̄ ba̰ā̰ḿ tə́.
5m̄-ndigə i ndi kem kújə yāí tə́ ngándáńg ō,
i kənge loo ɓɔ̄ɔ̄ rɔ̄ḿ kem kújə yāí tə́, gír bɔ̄gīí tə́ ō.
6Nə́ɓā, i ḭ̄ n ōō ndə̄ngā yāḿ ō,
ādə̄ ngé ɓōĺ rīí gə̄ yá̰a̰ ndəbā yādə́ ō ní.
7Ə̄nī ndɔ̄ ta madə̄ tə́ ādə̄ mban̄g,
ādə̄ ɓālə̄n i ɓú nja ngá̰ý!
8Ɓɔ́ Nə́ɓā, ādə̄ mban̄g o̰o̰ ɓē ta kumií tə́ ngándáńg!
Ī-rāā ādə̄ kem majə yāí ō ra dɔ ndūí tə́ yāí ō ngɔ̄m̄nən̄.
9Loo ń noō tə́ m-ā m-ə̄nī pā ngándáńg yā kɔsəń gɔnií ō,
m-ā m̄-rāā yá̰a̰ gə̄ ń m-ə̄nī ndūḿ yā rāā kadī ní kə dɔ ndɔ̄ gə̄ ō.
Currently Selected:
PĀ GƏ̄ 61: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.