PĀ GƏ̄ 11
11
Kɔ́ɔ̄ɓē a dum̄ ta ngé rāā majaĺ gə̄
1Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.
m̄-rāā Kɔ́ɔ̄ɓē i loo ɓɔ̄ɔ̄ rɔ̄ yāḿ tə́.
Loo kadə̄ ə́damī na kə m-ā̰ȳ tītə̄ yel̄ beé,
kə m-āw̄ dɔ mbalá ní i ba̰ý?
2Á̰a̰ā̰, ngé kem ndul gə̄ ran̄ tilií ba tə́ndān̄ gərā yādə́
tū kəlān tə́ ō, ndɔ́rə̄n̄ gō ō,
yā túrəń de kə́ súmūú gə̄.
3Dan ń yá̰á̰ kə́ majə nujə kɔ̄ɔ́ ní, de kə́ súmūú a rāā i ba̰ý?
4Kɔ́ɔ̄ɓē ndi kem kújə yān kə́ táĺ tə́.
Kōr̄ kāgə̄ mbang yān ndi i dɔ rā̰ tə́.
Ni-əndā ma̰ȳ de gə̄ kə kumneé,
anī ger̄ kəla rāā deē ndul gə̄ kógə̄ḿ kógə̄ḿ.
5Kɔ́ɔ̄ɓē ndigə de kə́ súmūú.
Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.
6Ādə̄ ni-rāā yā̰l̄ hor ō, hor bursu#11.6 Bursu: I ndujə̄ yá̰á̰ kə́ to tītə̄ ndujə̄ yá̰á̰ ń to ta kāgə̄ almétə́ tə́ á əgań a teē hor ní. ō
adə̄ edən̄ kə́ man̄ tə́ dɔdə́ tə́.
Ādə̄ nél man̄ bā kə́ bo undə́ no kem!
Yá̰a̰ kəndā nja yādə́ n noó.
7Tɔdɔ̄ Kɔ́ɔ̄ɓē i de kə́ súmūú,
ni gḛy yá̰a̰ malang ń i yá̰á̰ kə́ gōtə́ ní ō,
de kə́ súmūú gə̄ a a̰a̰n̄ ta kumən ō.
Currently Selected:
PĀ GƏ̄ 11: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.