PĀ GƏ̄ 104
104
m̄-ɓōkə́ Nə́ɓā kə́ nge kəndā yá̰a̰ gə̄ tɔ̄ȳ
1Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ!
Kɔ́ɔ̄ɓē Nə́ɓā yāḿ, ḭ̄ i de kə́ bo ngá̰ý!
Ḭ̄ ə́la loo kə́ ndə́lē pipir ō unjə̄ kow ō kūbə̄ tə́ rɔ̄í tə́.
2Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē.
Ḭ̄ ī-teē kem dɔ rā̰ tītə̄ loo teē kem tandā beé.
3Kɔ́ɔ̄ɓē tə́ndā kújə yān gə̄ dɔ naā tə́ dɔ man̄ kə́ dɔɔ́ gə̄ tə́.
Rāā kil̄ man̄ gə̄ i púsə́ sə́nda yān gə̄ tə́.
Ndi i dɔ bɔ̄gə̄ néĺ tə́ n a njə̄rań ní.
4Ni-rāā nél i ngōmbang kəla yān tə́ ō,
rāā ta ndo̰ hor i de kə́ bo yān gə̄ tə́ ō.
5Ni-əndā dɔ nang i dɔ gír gisən gə̄ tə́,
adə̄ dɔ nang a yéȳ aĺ i kə́ bátə́ gə̄ tə́.
6Ḭ̄ ūtə̄ gidə dɔ nang kə bā boó tītə̄ kə́ i kə kūbūú beē.
Man̄ kə́ tū tə́ gə̄ ḭḭn̄ bátə́ ugə̄n̄ dɔ mbal̄ bo gə̄ tə́ dɔɔ́.
7Ɔ́jə rāādə́ yá̰á̰ kə́ tōr̄ anī nin̄ a̰ȳn̄ naā.
Oōn̄ kōō man̄ yāí ń ndang ní anī ɓōĺ rāādə́ adə̄ a̰ȳn̄ naā.
8Nin̄ alə̄n̄ kə̄ dɔ mbal̄ gə̄ tə́ ō, risən̄ kə̄ wól loo gə̄ tə́ ō,
aw̄n̄ bátə́ ugə̄n̄ loo ń ɔ́jə́də́ kadə̄ ugə̄n̄ tū tə́ ní tə́.
9Ḭ̄ ə́ja nja loo ādə̄də́ kadə̄ mānə̄n̄ dɔ alé.
Nin̄ a télən̄ yā reē taā loo dɔ nang tə́ to̰ alé.
10Ni-rāā adə̄ man̄ kə́ əɓa nang tə́ nūgə́ aw̄ kum wól loo tə́,
man̄ ní tétə̄ rɔ̄n kə mbo̰ō̰ mbal̄ gēé.
11Dā̰ kə́ bembeé gə̄ malang asən̄ reē ka̰ȳ,
kərō kə́ bembeé gə̄ a̰ȳn̄ adə̄ tɔ̄l̄ kəndā ń rāādə́ ní.
12Yel̄ kə́ dɔɔ́ gə̄ rāān̄ ɓē kadə tə́ ō,
ɓɔ̄ɔ̄n̄ rɔ̄də́ kem mbī kāgə̄ kə́ əga ku gə̄ tə́ a nōōn̄neé ō.
13Kɔ́ɔ̄ɓē, ḭ̄ ī-ndi dɔɔ́ dɔ rā̰ tə́
ī-rāań adə̄ man̄ edə dɔ mbal̄ bo gə̄ tə́.
Dɔ nang əsa tətōí ndān̄.
14I ḭ̄ n i nge rāā kadə̄ mu əɓa tām̄ yā yá̰a̰ kul̄ gə̄ tə́ ō,
nge rāā kadə̄ kōō ndɔr̄ de gə̄ əɓa ō ní.
Yá̰a̰ kəsa yādə́ teē i dɔ nang tə́.
15Kasə nduú rāā adə̄ rɔ̄ de gə̄ nel̄də́ ō,
rāā adə̄ ta kumdə́ ndə́lē tɔȳ yibə̄ kə́ ndum ō,
yá̰a̰ kəsa tél adə̄də́ tɔ́gə ō.
16Kāgə̄ gə̄ yā Kɔ́ɔ̄ɓē ō, kāgə̄ sédər kə́ Liban tə́ gə̄ ń Kɔ́ɔ̄ɓē əndādə́ ní ō,
əngen̄ man̄ adə̄ asədə́.
17Ngán yel̄ gə̄ rāān̄ ɓē i dɔdə́ gə̄ tə́ ō,
kóndə́la rāā ɓē i dɔ kāgə̄ sipəres tə́ ō.
18Bə̄yā̰ kɔ̄r̄ gə̄#104.18 Bə̄yā̰ kɔ̄r̄: I bə̄yā̰ kə́ bembeé gə̄, gətóon̄ loojí laā a njə̄rān̄ i dɔ mbal̄ bo kə́ ngāl̄ ngá̰ý gə̄ tə́ ō,
dā̰ damā̰a̰#104.18 Dā̰ damā̰a̰: Á̰a̰ī Ndū 14.7 gə̄ a ɓɔ̄ɔ̄n̄ rɔ̄də́ i mbo̰ō̰ mbal̄ gə̄ tə́ ō.
19Kɔ́ɔ̄ɓē rāā nāā yā kɔjəń ndɔ̄ rāā rɔ̄nel̄ gə̄ ō,
rāā mbang ń ger̄ kum mbang kudən majə ní ō.
20Ni-əndā loo kə́ risə til, adə̄ i loo kə́ ndɔ̄ɔ́.
Anī dā̰ malang kə́ kem ku kāgə̄ gə̄ tə́ ḭḭ a njə̄rān̄.
21Ngán ɓɔl gə̄ nōōn̄ gō dā̰ yādə́ kə́ kadə̄ əsan̄ tə́,
nin̄ dəjen̄ Nə́ɓā yá̰a̰ kəsa yādə́.
22Dan ń mbang əɓa anī tél aw̄n̄ gogə́
loo todə́ gə̄ tə́ ō,
23deē ndul teē aw̄ ta kəla yān tə́,
aw̄ rāā kəla ndɔr̄ yān gə̄ bátə́ loo tíbə dɔn tə́ ō.
24Kɔ́ɔ̄ɓē, kəla rāāí gə̄ i ngá̰ý!
Ḭ̄ ī-rāādə́ malang i kə kum kedēé,
yá̰a̰ gə̄ ń ə̄ndādə́ ní taān̄ loo dɔ nang tə́ malang.
25Á̰a̰ā̰, bā bo ni bo ō, laa ngá̰ý ō, kə̄ loo gə̄ tə́.
Kutə dā̰ kə́ dūú gə̄ ō, kə́ bo gə̄ ō ń a njə̄rān̄ kum tə́ ní
i kə́ dum̄ tə́da.
26Too bo gə̄ njə̄rān̄ dɔ tə́ aw̄n̄ ō télən̄ ō.
Dā̰ man̄ ń ī-rāān yā kógə̄ naā seneé á
rīn na i Lebiatan ní, njə̄rā kum tə́ aw̄ ō tél ō.
27Nin̄ malang əndān̄ kemdə́ dɔí tə́,
kadə̄ ādə̄də́ yá̰a̰ kəsa kə kum mbangneé.
28Ḭ̄ ādə̄də́ anī nin̄ taān̄.
Ī-teē jīí anī nin̄ əsan̄ yá̰a̰ ndānə̄n̄.
29Ī-tūr̄ gidií kɔ̄ɔ́ tadə́ tə́ anī ɓōĺ rāādə́ ngá̰ý.
Ɔ̄r̄ koō yāí kə́ kemdə́ tə́ kɔ̄ɔ́ anī oyn̄ mak ō,
télən̄ bumbə́ru gogə́ ō.
30Ḭ̄ ə́la koōí kemdə́ tə́ ɓá anī
ndin̄ kə kumdə́ ō, dɔ nang tél kə́ kijə ō.
31Kɔ́ɔ̄ɓē, ādə̄ kɔsə gɔn yāí to ngándáńg,
ī-rāā rɔ̄nel̄ kəla gə̄ ń ī-rāā ní!
32Ḭ̄ á̰a̰ dɔ nang anī ni ndebə.
Ɔ́də mbal̄ bo gə̄ kə ta ngōn̄ jīí anī,
əɓan̄ sa luk luk.
33m̄-ndigə kənī pā kə rīí kə dɔ ndɔ̄ gə̄ malang ń m̄-ndiń kə kumḿ ní.
Nə́ɓā yāḿ, m-ā m̄-ɓōkíī tɔ̄ȳ dan ń m̄-ndi kə kumḿ ní.
34Kɔ́ɔ̄ɓē, ādə̄ pā tə́da yāḿ nel̄ kemií ō,
ādə̄ rɔ̄ḿ nelə̄m̄ dɔí tə́ ō.
35Ādə̄ ngé rāā majaĺ gə̄ gətóon̄ kɔ̄ɔ́ dɔ nang tə́ ō,
ādə̄ ngé kem ndul gə̄ ndin̄ kə kumdə́ to̰ aĺ ō!
Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Aleluya!
Currently Selected:
PĀ GƏ̄ 104: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
PĀ GƏ̄ 104
104
m̄-ɓōkə́ Nə́ɓā kə́ nge kəndā yá̰a̰ gə̄ tɔ̄ȳ
1Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ!
Kɔ́ɔ̄ɓē Nə́ɓā yāḿ, ḭ̄ i de kə́ bo ngá̰ý!
Ḭ̄ ə́la loo kə́ ndə́lē pipir ō unjə̄ kow ō kūbə̄ tə́ rɔ̄í tə́.
2Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē.
Ḭ̄ ī-teē kem dɔ rā̰ tītə̄ loo teē kem tandā beé.
3Kɔ́ɔ̄ɓē tə́ndā kújə yān gə̄ dɔ naā tə́ dɔ man̄ kə́ dɔɔ́ gə̄ tə́.
Rāā kil̄ man̄ gə̄ i púsə́ sə́nda yān gə̄ tə́.
Ndi i dɔ bɔ̄gə̄ néĺ tə́ n a njə̄rań ní.
4Ni-rāā nél i ngōmbang kəla yān tə́ ō,
rāā ta ndo̰ hor i de kə́ bo yān gə̄ tə́ ō.
5Ni-əndā dɔ nang i dɔ gír gisən gə̄ tə́,
adə̄ dɔ nang a yéȳ aĺ i kə́ bátə́ gə̄ tə́.
6Ḭ̄ ūtə̄ gidə dɔ nang kə bā boó tītə̄ kə́ i kə kūbūú beē.
Man̄ kə́ tū tə́ gə̄ ḭḭn̄ bátə́ ugə̄n̄ dɔ mbal̄ bo gə̄ tə́ dɔɔ́.
7Ɔ́jə rāādə́ yá̰á̰ kə́ tōr̄ anī nin̄ a̰ȳn̄ naā.
Oōn̄ kōō man̄ yāí ń ndang ní anī ɓōĺ rāādə́ adə̄ a̰ȳn̄ naā.
8Nin̄ alə̄n̄ kə̄ dɔ mbal̄ gə̄ tə́ ō, risən̄ kə̄ wól loo gə̄ tə́ ō,
aw̄n̄ bátə́ ugə̄n̄ loo ń ɔ́jə́də́ kadə̄ ugə̄n̄ tū tə́ ní tə́.
9Ḭ̄ ə́ja nja loo ādə̄də́ kadə̄ mānə̄n̄ dɔ alé.
Nin̄ a télən̄ yā reē taā loo dɔ nang tə́ to̰ alé.
10Ni-rāā adə̄ man̄ kə́ əɓa nang tə́ nūgə́ aw̄ kum wól loo tə́,
man̄ ní tétə̄ rɔ̄n kə mbo̰ō̰ mbal̄ gēé.
11Dā̰ kə́ bembeé gə̄ malang asən̄ reē ka̰ȳ,
kərō kə́ bembeé gə̄ a̰ȳn̄ adə̄ tɔ̄l̄ kəndā ń rāādə́ ní.
12Yel̄ kə́ dɔɔ́ gə̄ rāān̄ ɓē kadə tə́ ō,
ɓɔ̄ɔ̄n̄ rɔ̄də́ kem mbī kāgə̄ kə́ əga ku gə̄ tə́ a nōōn̄neé ō.
13Kɔ́ɔ̄ɓē, ḭ̄ ī-ndi dɔɔ́ dɔ rā̰ tə́
ī-rāań adə̄ man̄ edə dɔ mbal̄ bo gə̄ tə́.
Dɔ nang əsa tətōí ndān̄.
14I ḭ̄ n i nge rāā kadə̄ mu əɓa tām̄ yā yá̰a̰ kul̄ gə̄ tə́ ō,
nge rāā kadə̄ kōō ndɔr̄ de gə̄ əɓa ō ní.
Yá̰a̰ kəsa yādə́ teē i dɔ nang tə́.
15Kasə nduú rāā adə̄ rɔ̄ de gə̄ nel̄də́ ō,
rāā adə̄ ta kumdə́ ndə́lē tɔȳ yibə̄ kə́ ndum ō,
yá̰a̰ kəsa tél adə̄də́ tɔ́gə ō.
16Kāgə̄ gə̄ yā Kɔ́ɔ̄ɓē ō, kāgə̄ sédər kə́ Liban tə́ gə̄ ń Kɔ́ɔ̄ɓē əndādə́ ní ō,
əngen̄ man̄ adə̄ asədə́.
17Ngán yel̄ gə̄ rāān̄ ɓē i dɔdə́ gə̄ tə́ ō,
kóndə́la rāā ɓē i dɔ kāgə̄ sipəres tə́ ō.
18Bə̄yā̰ kɔ̄r̄ gə̄#104.18 Bə̄yā̰ kɔ̄r̄: I bə̄yā̰ kə́ bembeé gə̄, gətóon̄ loojí laā a njə̄rān̄ i dɔ mbal̄ bo kə́ ngāl̄ ngá̰ý gə̄ tə́ ō,
dā̰ damā̰a̰#104.18 Dā̰ damā̰a̰: Á̰a̰ī Ndū 14.7 gə̄ a ɓɔ̄ɔ̄n̄ rɔ̄də́ i mbo̰ō̰ mbal̄ gə̄ tə́ ō.
19Kɔ́ɔ̄ɓē rāā nāā yā kɔjəń ndɔ̄ rāā rɔ̄nel̄ gə̄ ō,
rāā mbang ń ger̄ kum mbang kudən majə ní ō.
20Ni-əndā loo kə́ risə til, adə̄ i loo kə́ ndɔ̄ɔ́.
Anī dā̰ malang kə́ kem ku kāgə̄ gə̄ tə́ ḭḭ a njə̄rān̄.
21Ngán ɓɔl gə̄ nōōn̄ gō dā̰ yādə́ kə́ kadə̄ əsan̄ tə́,
nin̄ dəjen̄ Nə́ɓā yá̰a̰ kəsa yādə́.
22Dan ń mbang əɓa anī tél aw̄n̄ gogə́
loo todə́ gə̄ tə́ ō,
23deē ndul teē aw̄ ta kəla yān tə́,
aw̄ rāā kəla ndɔr̄ yān gə̄ bátə́ loo tíbə dɔn tə́ ō.
24Kɔ́ɔ̄ɓē, kəla rāāí gə̄ i ngá̰ý!
Ḭ̄ ī-rāādə́ malang i kə kum kedēé,
yá̰a̰ gə̄ ń ə̄ndādə́ ní taān̄ loo dɔ nang tə́ malang.
25Á̰a̰ā̰, bā bo ni bo ō, laa ngá̰ý ō, kə̄ loo gə̄ tə́.
Kutə dā̰ kə́ dūú gə̄ ō, kə́ bo gə̄ ō ń a njə̄rān̄ kum tə́ ní
i kə́ dum̄ tə́da.
26Too bo gə̄ njə̄rān̄ dɔ tə́ aw̄n̄ ō télən̄ ō.
Dā̰ man̄ ń ī-rāān yā kógə̄ naā seneé á
rīn na i Lebiatan ní, njə̄rā kum tə́ aw̄ ō tél ō.
27Nin̄ malang əndān̄ kemdə́ dɔí tə́,
kadə̄ ādə̄də́ yá̰a̰ kəsa kə kum mbangneé.
28Ḭ̄ ādə̄də́ anī nin̄ taān̄.
Ī-teē jīí anī nin̄ əsan̄ yá̰a̰ ndānə̄n̄.
29Ī-tūr̄ gidií kɔ̄ɔ́ tadə́ tə́ anī ɓōĺ rāādə́ ngá̰ý.
Ɔ̄r̄ koō yāí kə́ kemdə́ tə́ kɔ̄ɔ́ anī oyn̄ mak ō,
télən̄ bumbə́ru gogə́ ō.
30Ḭ̄ ə́la koōí kemdə́ tə́ ɓá anī
ndin̄ kə kumdə́ ō, dɔ nang tél kə́ kijə ō.
31Kɔ́ɔ̄ɓē, ādə̄ kɔsə gɔn yāí to ngándáńg,
ī-rāā rɔ̄nel̄ kəla gə̄ ń ī-rāā ní!
32Ḭ̄ á̰a̰ dɔ nang anī ni ndebə.
Ɔ́də mbal̄ bo gə̄ kə ta ngōn̄ jīí anī,
əɓan̄ sa luk luk.
33m̄-ndigə kənī pā kə rīí kə dɔ ndɔ̄ gə̄ malang ń m̄-ndiń kə kumḿ ní.
Nə́ɓā yāḿ, m-ā m̄-ɓōkíī tɔ̄ȳ dan ń m̄-ndi kə kumḿ ní.
34Kɔ́ɔ̄ɓē, ādə̄ pā tə́da yāḿ nel̄ kemií ō,
ādə̄ rɔ̄ḿ nelə̄m̄ dɔí tə́ ō.
35Ādə̄ ngé rāā majaĺ gə̄ gətóon̄ kɔ̄ɔ́ dɔ nang tə́ ō,
ādə̄ ngé kem ndul gə̄ ndin̄ kə kumdə́ to̰ aĺ ō!
Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Aleluya!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.