PĀ GƏ̄ 103
103
m̄-ndigə tɔ̄ȳ Kɔ́ɔ̄ɓē
1Pā yā Dabid.
Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.
m̄-ndigə ɓōkə́ Nə́ɓā kə́ táĺ tɔ̄ȳ kə ngarā̰ kemḿ malang.
2Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.
Yá̰á̰ kə́ majə gə̄ ń ni-rāā seí ní,
ī-lōō kadə̄ dɔí ndígə̄nal nge kógə̄ḿ!
3I ni n i nge mā̰ȳ rɔ̄n dɔ yá̰á̰ kə́ gōtə́ aĺ gə̄ ń ī-rāā tə́ ní ō,
nge tɔ̄l̄ mo̰y gə̄ malang dɔí tə́ ō ní.
4Ni-taāī jī loo kə́ ɓádá tə́ əya̰ī dɔɔ́.
Ni-rāā kem majə seí ngá̰ý ō, o̰o̰n tɔdɔ̄í ngá̰ý ō.
5Ni ngɔ̄m̄ ɓə́gáí kə yá̰a̰ kəsa yān kə́ majə gēé ō,
rāā adə̄ ī-tél de kə́ balsáa ō, ɔ́l watang tītə̄ kə̄rō ō.
6Kɔ́ɔ̄ɓē rāā yá̰á̰ kə́ gōtə́ gə̄.
Ni-gān̄g sarya kə gōó tām̄ yā de gə̄ malang ń
madə̄də́ gə̄ rāān̄də́ ndoō tə́ ní.
7Ni ɔjə Moijə yá̰a̰ gə̄ ń núm̄ rāā ní ō,
ɔjə ngán Israel gə̄ yá̰á̰ kə́ bo gə̄ ń rāā ní ō.
8Kɔ́ɔ̄ɓē i de kə́ kumən a o̰o̰n ō, a a̰a̰ kum tō ndoō yā deē ō,
rāā wōn̄g láẃ aĺ ō, rāā kem majə ngá̰ý ō.
9Ni kɔ̄l̄ kə dɔ ndɔ̄ gə̄ aĺ ō,
əhɔ deē kemən tə́ bátə́ kə̄ non tə́ aĺ ō.
10Ni əndají tām̄ majaĺ gə̄ ń jə-rāāī tə́ ní alé,
dəjejí kə̄rā yá̰á̰ kə́ gōtə́ aĺ gə̄ ń jə-rāāī ní alé.
11Tītə̄ ń dɔ rā̰ i dɔɔ́ dɔ dɔ nang tə́ ní,
kemən majə ngá̰ý tām̄ yā ngé ɓōĺ ndílən gə̄ tə́ adə̄ tɔȳ dɔdə́ ō.
12Tītə̄ ń gír ɓē i sa̰y rɔ̄ loo kə́ no ɓē tə́ ní,
tītə̄ ń toō ni ɓōkə́ yá̰á̰ kə́ gōtə́ aĺ gə̄ ń jə-rāāī ní sa̰y kɔ̄ɔ́ rɔ̄jí tə́ ō.
13Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní,
tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.
14Ni ger̄ yá̰á̰ ń ló̰ȳ əɓān̄neéjí ní majə,
əga kemən kadə̄ jḭḭ̄ i bumbə́ru.
15Ndɔ̄ deē ndul i tītə̄ ndɔ̄ mu beé!
Ni hútə̄ tītə̄ mu kə́ bembeé beē.
16Dan ń nél kə́ təngā piling əla anī ni-oy kɔ̄ɔ́ ō,
dɔ loo ń ni-ra tū tə́ kété ní ndígə̄nalən kɔ̄ɔ́ ō.
17Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́
əla gír i jóo ō, a to ngándáńg ō.
Háĺ kə́ gōtə́ yān to tām̄ yā ngán kaadə́ gə̄ tə́ ō,
18tām̄ yā ngé ngɔ̄m̄ ndū najə̄ gə̄ kə́ dɔ madə̄ naā yān tə́ ō,
ngé gír̄ rāā yá̰a̰ gə̄ ń ni-ɔsə sedə́ ta rāā ní ō.
19Kɔ́ɔ̄ɓē əndā kōr̄ kāgə̄ mbang yān dɔ rā̰ tə́.
Ni-o̰o̰ ɓē dɔ yá̰a̰ gə̄ tə́ malang.
20Sḭḭ̄ de kə́ dɔ rā̰ tə́ gə̄ yā Kɔ́ɔ̄ɓē ń tɔ́gə́sí i ngá̰ý ō,
ā ī-rāāī yá̰a̰ gə̄ ń ni ədasí kadə̄ ī-rāāī ní ō,
ōōī tan ō ní, ī-ɓōkə́niī tɔ̄ȳ.
21Sḭḭ̄ kósə ngé kəla yā Kɔ́ɔ̄ɓē ń
ā ī-rāāī yá̰a̰ malang ń kemən gḛy ní, ī-ɓōkə́niī tɔ̄ȳ.
22Sḭḭ̄ malang ń Kɔ́ɔ̄ɓē rāāsí ní,
ká ī-ndiī kem ɓē ko̰o̰ yān tə́ i loo kə́ rá tə́ gə̄gē anī,
ī-ɓōkə́niī tɔ̄ȳ.
Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.
Currently Selected:
PĀ GƏ̄ 103: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
PĀ GƏ̄ 103
103
m̄-ndigə tɔ̄ȳ Kɔ́ɔ̄ɓē
1Pā yā Dabid.
Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.
m̄-ndigə ɓōkə́ Nə́ɓā kə́ táĺ tɔ̄ȳ kə ngarā̰ kemḿ malang.
2Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.
Yá̰á̰ kə́ majə gə̄ ń ni-rāā seí ní,
ī-lōō kadə̄ dɔí ndígə̄nal nge kógə̄ḿ!
3I ni n i nge mā̰ȳ rɔ̄n dɔ yá̰á̰ kə́ gōtə́ aĺ gə̄ ń ī-rāā tə́ ní ō,
nge tɔ̄l̄ mo̰y gə̄ malang dɔí tə́ ō ní.
4Ni-taāī jī loo kə́ ɓádá tə́ əya̰ī dɔɔ́.
Ni-rāā kem majə seí ngá̰ý ō, o̰o̰n tɔdɔ̄í ngá̰ý ō.
5Ni ngɔ̄m̄ ɓə́gáí kə yá̰a̰ kəsa yān kə́ majə gēé ō,
rāā adə̄ ī-tél de kə́ balsáa ō, ɔ́l watang tītə̄ kə̄rō ō.
6Kɔ́ɔ̄ɓē rāā yá̰á̰ kə́ gōtə́ gə̄.
Ni-gān̄g sarya kə gōó tām̄ yā de gə̄ malang ń
madə̄də́ gə̄ rāān̄də́ ndoō tə́ ní.
7Ni ɔjə Moijə yá̰a̰ gə̄ ń núm̄ rāā ní ō,
ɔjə ngán Israel gə̄ yá̰á̰ kə́ bo gə̄ ń rāā ní ō.
8Kɔ́ɔ̄ɓē i de kə́ kumən a o̰o̰n ō, a a̰a̰ kum tō ndoō yā deē ō,
rāā wōn̄g láẃ aĺ ō, rāā kem majə ngá̰ý ō.
9Ni kɔ̄l̄ kə dɔ ndɔ̄ gə̄ aĺ ō,
əhɔ deē kemən tə́ bátə́ kə̄ non tə́ aĺ ō.
10Ni əndají tām̄ majaĺ gə̄ ń jə-rāāī tə́ ní alé,
dəjejí kə̄rā yá̰á̰ kə́ gōtə́ aĺ gə̄ ń jə-rāāī ní alé.
11Tītə̄ ń dɔ rā̰ i dɔɔ́ dɔ dɔ nang tə́ ní,
kemən majə ngá̰ý tām̄ yā ngé ɓōĺ ndílən gə̄ tə́ adə̄ tɔȳ dɔdə́ ō.
12Tītə̄ ń gír ɓē i sa̰y rɔ̄ loo kə́ no ɓē tə́ ní,
tītə̄ ń toō ni ɓōkə́ yá̰á̰ kə́ gōtə́ aĺ gə̄ ń jə-rāāī ní sa̰y kɔ̄ɔ́ rɔ̄jí tə́ ō.
13Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní,
tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.
14Ni ger̄ yá̰á̰ ń ló̰ȳ əɓān̄neéjí ní majə,
əga kemən kadə̄ jḭḭ̄ i bumbə́ru.
15Ndɔ̄ deē ndul i tītə̄ ndɔ̄ mu beé!
Ni hútə̄ tītə̄ mu kə́ bembeé beē.
16Dan ń nél kə́ təngā piling əla anī ni-oy kɔ̄ɔ́ ō,
dɔ loo ń ni-ra tū tə́ kété ní ndígə̄nalən kɔ̄ɔ́ ō.
17Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́
əla gír i jóo ō, a to ngándáńg ō.
Háĺ kə́ gōtə́ yān to tām̄ yā ngán kaadə́ gə̄ tə́ ō,
18tām̄ yā ngé ngɔ̄m̄ ndū najə̄ gə̄ kə́ dɔ madə̄ naā yān tə́ ō,
ngé gír̄ rāā yá̰a̰ gə̄ ń ni-ɔsə sedə́ ta rāā ní ō.
19Kɔ́ɔ̄ɓē əndā kōr̄ kāgə̄ mbang yān dɔ rā̰ tə́.
Ni-o̰o̰ ɓē dɔ yá̰a̰ gə̄ tə́ malang.
20Sḭḭ̄ de kə́ dɔ rā̰ tə́ gə̄ yā Kɔ́ɔ̄ɓē ń tɔ́gə́sí i ngá̰ý ō,
ā ī-rāāī yá̰a̰ gə̄ ń ni ədasí kadə̄ ī-rāāī ní ō,
ōōī tan ō ní, ī-ɓōkə́niī tɔ̄ȳ.
21Sḭḭ̄ kósə ngé kəla yā Kɔ́ɔ̄ɓē ń
ā ī-rāāī yá̰a̰ malang ń kemən gḛy ní, ī-ɓōkə́niī tɔ̄ȳ.
22Sḭḭ̄ malang ń Kɔ́ɔ̄ɓē rāāsí ní,
ká ī-ndiī kem ɓē ko̰o̰ yān tə́ i loo kə́ rá tə́ gə̄gē anī,
ī-ɓōkə́niī tɔ̄ȳ.
Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.