Rom 1
1
Lapia
(Oo Tit 1:1 teen 4)
1Mî Pol, þer lo Jeju Krist. Luwah kunïm kad mî ngombangkïla, mbedïm kad m'la mber Hoita Kïmaj lon. 2I Hoita kïmaj'n Luwah adj maði nu, kam maktubt kï kunjðang kïgo ðob lo ngékelta kï tant. 3Hoita kïmaj'n non elta dan dø Ngon Luwah ad i Jeju Krist'n oojïna ko girr Dabidt kïgo dãrot. 4Na kïtakul Ndil kï kunjðang, Luwah daan deg kï tøg kï ngãi kad i Ngonïn kïtakul þaia ku ngékoit, i Jeju Krist, Bïraþe loj. 5I kïtakula la, Luwah ndamïn ngombangkïla kïgo kamkët lon, kad m'ad girrdeg kïdangdang tube telïn rod go tat loa ho, adïna kamd ho tø. 6În ngendï Romt, kaa în ku girrdegt kïdangdang'n Luwah kunsï kad i ndulon go Jeju Krist. 7În deg kï ngendï Romt, ngétar lo Luwah, mî Pol, m'ndang maktub 'nten m'adsï, îgïn Luwah tarsï, na kunsï kad în deg kïjaþat. Kï Luwah kï Bøwj, kï Bïraþe loj Jeju Krist adsïn kamkë, kï kamkïsokïber.
Pol ndig kaw Romt
(Rom 15:23 teen 32; 1 Tes 1:2 teen 3; 3:7 teen 13)
8Dasabang, m'ða mersi Luwah lom kïtakul Jeju Krist kïtatøsï tube, kïta deg ørrïn hoi kadkamsï Luwah kam døningt kïtaagbe. 9Kïtø Luwah'n m'ndï m'ða kïlaþer loa kï ngarkamm tube, kam la mber hoitat kïmaj lo Ngona, i ngemam naj kad m'ndï m'ga tøsï kï ndøbaagbe, kïkanj nya ta kam keltagt lom'n m'el kï Luwah. 10M'ndï m'kø Luwah kïgo ndigt loa kad maj urrïm kad adïm ðob ad m'aw rosït m'oosï. 11Kïtø ndo koosï ndï tom ngãi kad m'aw rosït kï kadkari mad kïgo ndilt m'adsï kad i ngahn ne tøg kam kadkamsï Luwaht. 12M'ndïg kï m'el m'an lon m'a m'tee rosït ye, j'a kï ðan kï na. A i ðan sem kïtakul kadkam losï, mî tø m'a m'ðah sesï kïtakul kadkam lom ho.
13Ngankom, m'ndig kad i ndïn dai al, kï nja natnatbe m'nda kamt kï m'aw rosït kïtakad m'ngah deg madg kusït tit'n m'ngahn ku girrdeg madgt. Na mbã tajigla m'ngah ðob al. 14Gïrra lo Luwah i dømt kad m'la mber Hoita Kïmaj ro degt tube. Kï m'la mber grekg, kï deg kï gerïn Luwah al, kï ngéterrg, kï deg kï daig tu. 15Kïtø 'nten, m'ndig kï rotîm kad m'lasï mber Hoita Kïmaj în deg kï ngendï þeþot kï Rom ho.
Hoita kïmaj, i tøg kaj deg
(Oo Mat 16:15 teen 16; 1 Kor 1:18 teen 24; Rom 3:21 teen 25)
16Kïtø rom sølïm al dø hoitat kïmaj, Hoita Kïmaj'n non i tøg Luwah kïta kaj dekïðen ndï ada kamïn jeje. Juipg dasa, kamla grekg ho ye. 17Hoita kïmaj'n non øj'j titbãi Luwah ad deg telïn kïdenesew takumïnt, kïtakul kadkam Jeju Krist kïðabe kïgo tat'n ndangïn kam maktubt lo Luwah anan: Kïtakul kadkam Luwah la, de kïdenesew a ndïn kï døn dõ ye.
Deg awïn kï ta dødt nõ Luwaht
18Kïtø 'nten, Luwah tee dø wong lon ko dõ dørãt dø nyaðat kïgo lo Luwaht al tube, kï nyaða kïdenesew al tube lo deg'n nyaðad kïdenesew al øg dø rota kad tee kï tïga. 19Na nya kï asï kad deg gerïn ne Luwah to kï tïga wakïsï, kïta Luwah î kïþe kï døn tee dø ad'd oon. 20Kïtø lo yaþoodat nu mbã tajigla nyandahg lo Luwah kï dum koo kï kum ad: I tøga kï tokïnõt, kï ji kîa Luwaht, în nyag kï asï kad deg gerïn maj. Deg oond kam nyagt'n Luwah ða, kïta 'nten deg asïn kørrtadødt nõ Luwaht al. 21Ke deg gerïn Luwah maj kaa ne, øsïn gona kï sumba loa al, ke ðana mersi al tø. Tagahd teld ngékurdøkoit, ngarkamd kïþood tel til ad gerïn nya kïmaj al. 22Ndï oon rod ngéterrt, na în kur deg. 23Ad mbelïn tøg Luwah kï kunja kïðangereng, kï dum koi, kï yog kï ðan þakumta de kï a oi, kï yelg, kï dãg kï njad i søø, kï nyag kï ngékørr kød'd ber.
24Kïtø 'nten, Luwah tørr jin girrdt, nyad kï kam yerrt kï ða, kïgo nyurkõt kï ngarkamdt kad ðan ne nyag kï rosøl kï dãrod în kïþeg. 25Deg'n non mbelïn Luwah kï yog, þoolïn ndil nya kï ndahg, ðan kïlaþer lo yog gan ne goot Luwah kï ngendah nyag'n non, în asï kad deg ndubïna mbãkïnõt. Amin.
26Kïtø 'nten Luwah tînyàdïn kï kam nyaðagt kï rosøl. Dekïdëg lod kïþeg kïdød mbelïn nyaðad kïgo ndahdt kï nyaða kïgoðobat al. 27Titbe ho la, dekïdïngãg nyan go nyaðad kï dekïdëg kïgo ndahdt, na adïn nyurkõ kï tïngabil lod ðad kï dø nat, dekïdïngã kï dekïdïngã ndï ðan nya kï rosøl kï na, ad în kïþeg ndï taan nyabaj kï asï ta ndom'n ndomïn.
28Na tit kan hã turïn go ger Luwah al ye, Luwah lad kø kï kam nyageralt lod kad ðan ne nyag kï sumba ða al. 29Deg'n non, în deg kï kamd þakot kï nyaða kïdenesew al kïðen, kïmajal kï ða, kï kumndà, kï ndang, kamd ðoosï kï mïna, kï tøl deg, kï kølna, kï gool deg, în ngékam majal, kï ngékeltagoot degt, 30în ngélatakø degt, ngékøsïta Luwah, ngékøsïkum, ngédøngang, ngégaburo, ngékun man nyag kïmajal, ngételrod go tat lo ngékoojdg al. 31În deg kï død goto, ngékelta køø joo, deg kï tanooj õ kamd al, în deg kïkanj kookumtondo. 32Deg'n non, gerïn ta kï gang kïdenesew lo Luwah maj, ta kï gang'n an: Deg'n høn ða nyag kï tit'n non asïn koi, na be kaa ne, ndigïn ða ta ða hã kïðabe al, na ndï ndan tad nat kï deg'n ndï høn ða nyag 'nten.
Currently Selected:
Rom 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.