Jakari Takïdøt
Takïdøt
Maktub lo Jakari øj deg'n ndï dan gerïn nyanðah kamdøt kaglot kï kij. Øj'j tit bãi Juipg'n awïn þert a telïn ðen kam døningt lod gog. Maktub lo Jakari lon i kï kãi dene joo a ne gaja kï kïða i dang kï gaja mad. Gaja kïdasa þai dø ðob ninat kïdasa teen jijoo elta kï ta Luwaht kï kaglo'n tag'n non teen kokïro Luwaht kïta girrdeg lon. Jakari ngekelta kï ta Luwaht eltag'n non kam þalt kï 520 teen 518 kete nõ kooj Jeju Krist.
Elta kï øj dø ða kuj ndub Luwah kï Jerusalem gog, tit bãi Israel maj kad ða goron kïta nyag'n ton kete nõat, tit'n ngekelta kï ta Luwaht Aje elïn taa kaglot kïkïða nõ.
Þai dø ðob ninat kïða njørra 1 teen 8, i ta kïdøt Jakari lamber kunïn ngan Israel kad mbetïn pa ndiad kï ndïkïdødõ lod kad i kïgo ndigt lo Luwaht. Got kunt lo ngekelta kï ta Luwaht Jakari elta dø nyakookamndilt jijoo'n Luwah tee døa ad oo. Nyag'n ngekelta kï ta Luwaht oo ye a da ta ðob ad ger girr nyag'n þet a ðan nya kaglot kï tajigla kï kaglot'n þet a ðe nõ. Na Bïraþe ndï go nyag tube kïgo ndigt lon.
Go teld þe þert, Juipg ndahn kamd døkaglot kï kij kïtatød ndï ngoon ðe lo kïwur lo Luwah ad i de'n Luwah køta, na laa kad ndah girr kõþe kï deg a ndïnt kï na kï kamkïsokïber ho, kam nyaðat kï denesew ho. Nya kookamdilt kï kõ søø kï kõ mi'n Jakari oo ye elta øjïn dø ta lo ngejanyamosïkadkari Jojue, kï ngékõþe Jorobabel, kï ngékïþe lo ngar Dabid (ðob nina 3 njørra 1 teen ðob nina 4 njørra 14). Jojue ngejanyamosïkadkari kï Jorobabel kï ngékõþe in ngekïla lo Bïraþe tujoo. Na tag kï døboit kad tølïn ta tag kï kam nyakookamndilt ye, elta kad Jojue la i ngekïla lo Bïraþe kam kïla janyamosït ye, (6. 9 teen 15). Nya 'nten øj'j kad Juipg ndï goon ðe lo kïwur lo Luwah kad de'n non a i ngejanyamosï a la i de kï girr kooja i girr ngar.
Ðob nina 7 kï 8 ad kamj gah døt kad Bïraþe Luwah i Ngegang ta dø girrdegt lon ho i Luwah kï ngekajd ho. Gaj maktub lo Jakari kïkõjoo þai dø ðob ninat 9 teen 14 in tag kï Luwah el øjïn dø ða'n þet a ða kï deg lon kïgo kamkët lon. Elïn ta dan ne dø de'n Luwah lasia kad ðe ndah girr kõþe'n deg a ndïn kï kamkïsokïber kï kam nyaðadenesewt. Kamla ngar'n non a i ngar kï ngetetðøø ho ngar kï ngesøldø ho. Kamla i ngekulbatg'n deg mbetïn na (11. 7) na got tølïn na (12. 9 teen 10). Ðob nina 9 teen 11 elj kad Luwah a ug ørr girrdeg lon tube, na a ad'd tøg ho ndï maj. Na a ørr girr kamkølg'n a tee dødt. Ðob nina 12 teen 14 øj'j kad girrdeg loa telïn girrdeg kï kij, Luwah ajd ad teen kamkõgt kï ngãi, Bïraþe a ørr ta dødt a ørrd kam nyagt kï majal tube, na tel ngar kïbo kï õþe dø døningt kï taagbe.
Currently Selected:
Jakari Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.