Jakari 2
2
Gajg kïsøø kï kødg kïsøø
1Kamla m'un kumm kïdõ m'oo lo na oo gajg søø. 2Na m'el malaika'n elïm ta m'an: Gajg'n non în ði a? Turïm an: Îgïn non la în gàjg kï ngetïnda Juda kï Israel kï Jerusalem tî kø. 3Kamla Bïraþe øjïm kødg søø 4na m'el m'an: Ðen kïta ða ði a? El an: Îgïn non la în gàjg kï ngetïnda Juda tî ko mbã de kïða kï kun døn kïdõ goto. Kodg'n non ðen kïta ndad þoolt, na kïta tøsï gàjg lo girrdeg tïlan, ad i girrdeg îgïn unïn gajd kïdõ ndoorïn ne døning Juda kad kï n'tïndan tînd.
Kïlla mbøj Jerusalem
5M'un kumm kïdõ m'oo lo na oo de mad aw kï kïlla mbøj lo jint. 6Kamla m'ela m'an: I ndï aw ðah a? Elïm an: M'ndï m'aw kïta mbøj Jerusalem kad m'oo ke tata asï bãi? Ke ngala asï bãi a?
7Na oo, malaika'n el sem ta ndøt kïkete, na malaika mad ðe ndøda, 8ela an: Ãi ngød, el basan'n ðan an: Deg a ndïn kam Jerusalemt tit'n hã ndïn ne kam ngan þegt kïkanj ndøgbørr kïta Koosïdeg kï dãg kïngãi kï kamt;
Kïlla køjnya
9Kïtø m'a mî tit ndogbørr horr kï gug dø, kel Bïraþe, m'a mî kunj kï kamt. 10Ãin, ãin tajigla kï døning kïko jigel ko, kel Bïraþe, kïta m'tïnda m'tîsï kï døkum døningt kïsøø dørãt, kel Bïraþe, 11Aj roi Siõ, in kï ho lõd ro ngon kïdët kï Babilon 12kïta titbe kel Bïraþe Ngekoosïg'n hã lam kïta toko lon kïro girrdegt kï ngetir nyag losï pur: De'n ødsï a ne, ød ngon kørkumïm. 13Oo, m'a m'ye jim kïdødt kad telïn nyatetðøø lo deg'n hã ðan ber adïnd maði, Kamla a i gerïn ta kad Bïraþe Ngekoosïg la lam ye. 14I øsï pa, i ða ronel, ngon kïdë kï Siõ, kïta oo, m'ndï m'ðe na m'a m'hølondï kusït, kel Bïraþe,
15Ndøt'n non girrdeg ngãibe a ndan rod nat kï Bïraþe, a în deg lom, m'a m'ndï kusït, na a i ger ta kad Bïraþe Ngekoosïg lam kï roit, 16Bïraþe a taa Juda tit nyanduba lon kam døningt kïjaþat, na a mbed Jerusalem gog tø. 17Ad ngekumkajir kïðen ndï gon mbó nõ Bïraþet kïta þai, tee kam londïnt kunjðang.
Currently Selected:
Jakari 2: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.