Mrk Takïdøt
Takïdøt
Hoita kïmaj'n Mark ndang ad ngétaata lo Krist'n în Juipg. Hoita kïmaj lo Mark ngal ngãi al, na gøj dep be. Elta kï øj dø kooj Jejut kï tøga kï dõ al. Kam maktub Markt tag'n Jeju el tit'n kï gøj, na j'a kï ngah hoita lo deg'n Jeju ndød'd ho, deg'n Jeju yootd kï tag kï deg majïn na sia. Maktub Mark elta dø nyagt mad'n j'a kï ngah kam maktubt lo Matie, kï Luk, kï Jã al.
Hoita kïmaj lo Mark elta dø nyagt'n ðan nya. I titbe la dasabang daj Jeju kad kï gera i Ngon De (ðob nina 1 njøra 1). Na lon kï da maktub Mark mbã kï teen døboiat a ne, j'a kï j'oo kad Jeju i Ngon Luwah la oi dø kagdosït ye (ðob nina 15 njøra 39).
Bai dø ðob nina 1 teen ðob nina 8 njøra 26 i gaj maktub lo Mark kïdasa; Jeju ndig kad deg gernïn al. Na yoot ngérotog, tuþa ndilg kïmajal, ndángd kï tøg ad ãina. Deg ndïjen rod ta anan: De'n ndïn ye i nõ a? Na Jeju el deg'n oon anan n'gernïn ye an: Ot kelïn deg kad mî kï wur lo Luwah.
Ðob nina 8 njøra 27 teen ðob ninat kï 16, i gaj maktub kïkõjoo'n ndï øj'j kad kï ger Jeju i Ngon Luwah. Kaglot'n romag õnþe ye, deg øsïngon deg kï asï ðan nyag kïbobo na oond tit luwahg be în deg kï ngéða nyag kï yaya, nyag kï ngang ngang 'nten dødt ye, tetïnd ðøø. Na Jeju Ngon Luwah ndig kad'n tel de jeje kad'n telïn ron go tat lo Luwah. Nya 'nten la ða ad ngah kõ ho, oi ho ye. Na ngéndoog lo Jeju gerïn girr nya 'nten tajigt al. Lon kaglo asï kad gangïn ta koi døat ye, ngéndoog loa mbetïna. Na bïradø ngéðøøg kï Romt lon oo Jeju lo koit dø kagt el an: Rota de'n ðan i Ngon Luwah jeje.
Lon Jeju î kïþe kï døn elta dan døn an: Nî Ngon De ye, kam ta loa øj go tøg tube'n Luwah ad deg lon, ad i tøg gangta dø degt ho, tøg nyàgo majal lo deg ho. Øj go kad Jeju i de jeje maj.
Hoita kïmaj lo Mark ndïje ta 'nten ke Jeju i nõ a? Maktub lo Mark daj kun go ðob'n Jeju un nõ kad kï gerïn Jeju jeje.
Currently Selected:
Mrk Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.