Luk Takïdøt
Takïdøt
De'n ndang maktub 'nten i Luk î tø la ndang maktub kïlag lo ngombangkïlag ye. Kam maktubt loa kïdasa ye, Luk elta ngétaata lo Krist îgïn în juipg al, na a elïn ta grek. Luk ørrd girr tag kï ngang ngang kï nyabelþeg lo Juipg'n gerïn al kad gerïn. Titbe la elïn îgïn în Juipg al kï kam døningt kïtaagbe ho kï kaglo tube kad gerïn Jeju i Ngekajd.
Hoita kïmaj'n Luk ndang ye, asï gang lo mïta. Na maktub lo Luk ndï øj'j hoita lo Jeju lon þain døning Galilet mbã teen þebo Jerusalemt (9: 51 teen 19: 28). Kam hoitat 'nten, elta kï øj dø kaw Jejut mbã tee Jerusalemt lon a oit. Luk ndang nyag'n ðan nya na Matié, Mark kï Jã elïn ta døt al. I titbe la Luk elta dø tat lo Mart kï Mari (10: 38 teen 42) ta lo de kïmaj kï Samarit (10: 29 teen 37) ho elta lo Bøw ngon'n ngona nãi, na tel ngah ngonïn gog (15: 11 teen 32).
Ngendang maktub daj nya'n ndaa tot kïtaj kam nyandoot lo Jeju ho kam ndiat kï døa dõ ho. Luk ger kad deg tube în kï nuj kø kïkanj Jeju. Nya 'nten la Luwah lan kï Jeju Krist kad aj deg'n taan ta loa. Jeju ðe kïta ngéðamajalg, ngan kï dug, ngéndog ngémõig kï mbahg tø.
Ngétaata lo Krist'n Luk ndang maktub ad'd nõ, Maj a ne, ndïn kï nyamajg ngãi kam jidt. Nya 'nten la Luk ørrïnd hoi nyandoo lo Jeju kï dø nyamajgt'n de asï ngah kam jint 12: 16 teen 21 kï ðob nina kï 16. Luk el ngéndoog lo Jeju kad unïn rod kï nyamajg lod adïn Luwah ho, kï ðan ne kï deg ho tø.
Ngéndoog lo Jeju în dø ðobt nat sia, ndigïn kad ji ndïd mbel kï kij, gerïn kad kam Luwah ndaa kï deg tube ho, Luwah tar deg tube ho tø. Go døning'n romag õnþe døt ye, deg ndï elïn anan: Ngar Sejar i bïraþe. Na ngékadkamd Krist ndï elïn anan: Jeju Krist la i Bïraþe ye, kïta Luwah ada þai lo koit, na ada tøg dø nyagt tube. Kam maktubt'n Luk ndang ye, Luk kun Jeju Bïraþe nja ngãi tøi ndeg maktubg'n elïn ta dø Hoitat kïmaj.
Hoita kïmaj lo Jeju Krist'n Luk ndang mbagirrïn Jerusalemt, na tøltan Jerusalemt tø (ðob nina 1 teen 2). Jeju þai lo koit da ron kï kumkajir ad ngéndoog loa oona, ad ðan ronel ngãi. Lon Jeju mbagirr ða kïla lo Bøwïn ye, þakot kï Ndil kïkunjðang (3 teen 4). Na ngéndoog taa ne, a taan Ndil kïkunjðang ho (24: 49). Tit Jeju a asïn kelta kï Bøw kï dõ dørãt ho, øsïn pa ndubïn ne Luwah kïta kamkë loa tø.
Currently Selected:
Luk Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.