Luk 2
2
Kooj Jeju
(Oo Mat 1:18 teen 25; Mik 5:1 teen 2; Esa 9:5)
1Kam ndøgt'n non mber tee kokïro Sejar Ogust't, kï ndahn tø deg ngéndï døningt tube kam maktub dakør degt. 2Ndah tø deg kam maktub dakør degt kï dasabang 'nten i kam kaglot'n Kirinius i ngekõþe dø døning Sirit. 3Deg tube awïn kad kï ndahn tød maktub dakør degt, dekïðen aw þe koojïnt. 4Jojep kaa, þai þe Najaret't kï døning Galilet, aw þe lo Dabid ho, þe nõ tøa i Betlehem, kam døning Judet, kïta Jojep i de kï girrkooj Dabidt. 5Aw kïtakad'n ndah tøn kam maktub dakør degt nat kï Mari'n hø døa, ndan ngon kama tøg. 6Lon în nu ye, ndø Mari asï kad ooj ngon, 7la ooj ngonderïn, þira kï kub, laa kam sundï sanya mangt, kïta lo ndïd goto kam kuj þi mbahgt.
Ta lo ngékulbatg kï malaikag
8Ngéngombetg ndïn døningt kï nderrbe kï kad lot'n non, ton tïga kam gawgt, to ngomïn þut batg lod ndø. 9Oon Malaika lo Bïraþe tee høi kï rodt. Kunj Bïraþe kï ðangereng øsï gug død, þool tøld søkïrr. 10Na Malaika eld an: Ot þoolïn, oon. M'ðe kï hoita kïmaj, kï ronel m'adsï, kï a ad deg ngãibe ronel ho. 11Þone, kam þet lo Dabid, dekïdë ooj ngekaj adsï, î la i Krist kï Bïraþe ye. 12Nyakøj mad kad i gerïn ne la ten: A i ngahn ngon kï kasï mad kï þir kï kub, kï to kam sundï sanya mangt mad.
13Tentenbe koosï Malaikag kï dørãt dõ teen høi nat kï Malaika'n non, ða ndubïn Luwah anan: 14Køsïgon kï dø Luwaht kam logt kï dõ. Kamkïsokïber kï dø døningt ku degt ngeða nyag'n nelïna.
Ngéngombetg awïn Betlehemt
15Lon Malaikag nyand, na tel awïn dõ dørãt gog ye, ngéngombatg elïn na anan: Ad kï j'awïn Betlehemt kad j'oo nyan ða nya nõ, în Bïraþe ad kï ger.
16Taa ne, awïn kanangbe, ngahn Mari kï Jojep kï ngon kï kasï'n non to kam sundï sanya mangt, 17lon oona woi ye, ørrïn hoita'n elïnd dan ne dø ngon kï kasï'n non. 18Deg tube'n oon dø ye, ta yad dø nyagt'n ngéngombatg elïnd. 19Na Mari ngom nyag 'nten kamïnt, ga kamïn døt. 20Ngéngombetg tel awïn gog, a øsïngon Luwah, a ndubïna kïta nyag tube'n oon dø kï îgïn oon kï kumd tit'n elïnd ne nõ.
Ndahn tø Jeju
21Lon ndø jijoo asï woi kad jana gaj ye, ndahn tøa Jeju ad i tø kï Malaika ooj kete lon kõa ndana al þaitø.
Jojep kï Mari awïn kï Jeju kam kuj ndub Luwaht
22Lon ndø asï kad telïn ngon kï kart kïgo mberkïndat lo Moij ye, Jojep kï Mari awïn sia þebot kï Jerusalem kï'n dana Bïraþe. 23Ndangïn titbe kam tat lo Bïraþe ke ngonderr kïdïngã kïðen kï tee kam kõnt dasa a ne, a kunïna nya kï ndah køtko kïða kïta Bïraþe. 24Awïn kïtakad lan kadkari kïjakø, ad i derrngøt joo, ke derrkul joo, kïgo tat'n elïn kam tat lo Bïraþe. 25De mad ndï þebo Jerusalemt, tøa i Simeõ. De'n non i de kïdenesew, nyaðaa i kïgo lo Luwaht, ndï ngoo ngeða kï girrdeg kï Israel keðengë; Ndil Kïkunjðang i døat ho. 26Ndil Luwah øja ada ger kad a oi al, mbã kad a oo Krist'n i Bïraþe loa kamtã la a oi ye. 27Ndil Kïkunjðang øsa ad and kam kunj ndub Luwaht. Lon ngékooj Jeju ðen sia kam kuj ndub Luwaht kï n'ðan nyabelþe kïgo mberkïndat ye, 28Simeõ taa ngon kï jint, ndub Luwah an: 29Tajigla, ad þer loi aw kï kamkïsokïber kïgo tat loi, 30kïta kum oo kaj loi, 31kï i ðago woi, nõ girrdegt tube, 32ad i kunj kï unj dø girrdegt kïdangdang, i nyakøsïgon lo deg loi Israel tø.
Simeõ elta kï ta Luwaht da'n dø Jeju
33Ta'n Simeõ el dø Jejut ya bøwa kï kõa biw. 34Simeõ njang død; el kõa Mari an: Luwah køt ngon'n ðan kad i ngekad deg ngãibe son, kï i ngekad deg ngãibe þain dõ dan Israelgt. A i nyakøj lo Luwah, na deg a ndoorïna. 35Luwah køta kïtakad i ngekïja tagah kï ngarkam degt ngãibe kï tïga ho. Na î, Mari, kamkil a øsï roi mbut tit ninga be.
Ngekelta kï ta Luwaht Ane
36Dekïdë mad ngekelta kï ta Luwaht ndï nõ ho, tøa i Ane ngon Panuel, kï girrkooj Asert, tel bïga bugum. Ndï nat kï ngawn þal tanãimïta go þa mandat. 37Kamla i buwa, asï þal døjijoo gidaisøø. Ane'n non nya kuj ndub Luwah al bat, ndï ða kïla ndub Luwah ndø ho kada ho, ndï øg ron nyasa, na ndï elta kï Luwah, 38î kaa ðe døkàdt kïkïða'n non, a ndub Luwah, a elta lo ngon'n non mbi degt tube, îgïn ndï ngoon kad Luwah aj þebo Jerusalem.
Tel awïn gog þe lod Najaret
39Lon tølïn kon nyag tube kïgo Mberkïndat lo Bïraþe ye, Jojep kï Mari telïn kï døning Galilet gog awïn þe lod Najaret. 40Ngon asï kï dõ, ðoosï kï terr, majkurr lo Luwah i døat.
Jeju i kam kuj ndub Luwaht lon þala i kïlah gidaijoo
41Þal kïðen kaa bøwa kï kõa a awïn þebo Jerusalemt kï ndø ða nah Pakï. 42Lon þal Jeju i kïlah gidaijoo ye, awïn Jerusalemt kïgo nyabelþet lo juipg kïta ða nah Pakï. 43Lon ndøg tïgan woi, ad ngékooj Jeju ndï telïn gog kï þe ye, ngond Jeju nãi gog kam þebot kï Jerusalem. Na bøwa kï kõa gerïn al. 44Oon anan i kïna þut degt lod, ad sahna ndø kïða ro noojdgt. 45Lon ngahna al ye, tel awïn þebo Jerusalemt gog, a sahna. 46Lon ðan ndø mïta woi ye, ngahna kam kuj ndub Luwaht ndï ber dan ngéndoo degt, ndï oo dø ta lod, ndï ndïjed tag ho. 47Deg tube'n oon dø ta loa ye, ta yad dø goosït loa, kï tag'n ndï turd. 48Lon bøwa kï kõa oona ye, ta yad biw ad kõa ela an: Ngonïm, kïtøði i ðan sej titbe a? Oo, bowi kï mî kï sahi kï kamkil.
49Eld an: Kïtøði a i sahmïn ne a? I gerïn maj kad m'oo go nyag lo Bøwm ale?
50Na ngékoojag gerïn girr ta'n eld nõ al. 51Kamla þai so godt, aw Najaret, a tel ron go tat lod. Kõa tø ngom nyag 'nten tube ngarkamïnt. 52Na Jeju tøg, terr loa to kï tïga ad nel Luwah ho, nel deg ho.
Currently Selected:
Luk 2: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.