Joj 2
2
Ngéndalog kam Jerikot
1Ko Sitim Jojue ngon Nun la ngéndalog joo gid tilt eld an: Awïn i ndan mãi døning oon, na oon Jeriko tø. Awïn lot'n non, andïn kam kujt lo kaya dekïdë kï tøa i Rahab na ndïnt. 2Elïn ngar kï Jeriko anan: Oo deg joo ku Israelagt ðen ndø ne kad n'ndan mãi døning. 3Ngar kï Jeriko la kïla kï ro Rahabt an: I tee kï deg'n ðen roit, na andïn kuju loi, ðen kïtakad ndan mãi døning loj la ðen ne ye. 4Na Rahab øi deg kïjoo'n non yad ro yuk. Kamla turd an: Rota deg kïjoo'n non ðen romt je, na m'ger lo'n awïnt al. 5Lon kàd ða lo kud ad til diw na utïn tabit ye deg'n non teen. M'ger lo'n awïnt al. I ðan kïdõt, i tuþan god, a i ngahnd. 6Na ta kï rota taa ne, Rahab al sed dõ dø kujt, yad ro girr kag lët'n ü kïnjøranjøra dø kujt dõ nõ. 7Titbe deg'n non tuþan god, unïn ðob kï kaw bah Jurrdët mbã kï lot'n deg a udïn mant kï njad. Lon teen kï tïga ye, utïn tabit þebo Jeriko. 8Lon ngéndalog ton ber al þaitø ye, Rahab al aw rodt dø kujt. 9Eld an: M'ger kad Bïraþe adsï døning'n ðan ad þool ðaj, na ngendï døningt'n ðan tube kamd gang man ngalang. 10Kïtø j'oo hoi nya'n Bïraþe ða, ad bahbo kïkïrre tut nõsït lon i teen ne kam døning Ejipt't kïtïga, kï nya'n i ðan kï ngarg kïjoo lo Amoriag, Sihõ kï Og gid bah Jurrdët, i tujïn nyag lod tube kø pet. 11J'oo hoia ad kamj gang man, na dekïðen roa oi siw nõsït kïta Bïraþe Luwah losï la i Luwah kam dørãt dõ ho, i Luwah kam døningt ne ho ye. 12Na tajigla m'køsï, i ndan yo kam tø Bïraþet losï admïn tit kan m'øjsïn kamkë lom kï rosït ye, a øjmïn kamkë losï kïro ngékïþe lo bøwm ho. 13Adm nyakøj kïjeje kad a i nyan bøwm kï kom kï død dõ, kï ngankomg kïdïngã kï kïdëg kï deg lod tube kad ajïn ta koit. 14Deg'n non turïna anan: Kumkajir loj gagoot kumkajir losï. Îla i tee njajt al a ne, a i titbe, lon Bïraþe a adj døning'n ðan, jî tø j'a kï j'øj kamkë kï nyaðakïro. 15Kamla Rahab tui deg'n non kï kïlla buro kujt, ad'd ðisïn kïber kïta kuj'n ndïnt i dõ dø ndogbørrt kï þebot. 16Eld an: Aw i yan rosï dø mbalbot, na þeta ngétuþagosï a ndødsïn. I yan rosï nõbe asï ndø mïta mbã kad telïn kamtã. Gog got a ne, a i unïn ðob losï kad i telïn kï lo ndïsït gog. 17Deg'n non elïna anan: Oo kïgo ðob 'nten, j'a jîn kï ta kï kørr døt dø yokïndat loj'n kï nda nõ. 18Oo nyan a i ða laten: Lon j'a kï j'and kam døningt'n ðan a ne, a i dø kïlla kub kïkïrre burrolot'n ðan, ad i lot'n ad kï ðisït kï kïlla nõ. A ad bøwi kï kõi kï ngankõig kï kïngékïþe lo bøwi tube kawïn na kï kam kujt loi. 19Îla kïkïða kudt tee tabit kujt loi kïtïga a ne, mosa a so døat, na jî ta mosa goto døjt. Na kïta deg tube'n a în nat sei kam kujt loi mosïd a so døjt îla ji de mad kujt ød'd. 20Na îla i tee kï girrj a ne, j'a jî kï kørrtadøt dø yokïndat'n i ad kï nda. 21Turd an: A i titbe kïgo tat losï. Ndad ðobo ad awïn na dø kïlla kï kïrre burrolot. 22Awïn dø mbalbot, tont nõbe ndø mïta mbã ngétuþagod telïn. Deg'n tuþan god nõ sahnd kï ðobg tube na ngahnd al. 23Kamla deg kïjoo'n non þain dø mbalbot, ðisïn, gangïn bah Jurrdë na awïn ro Jojuet kï ngon Nun, ørrïna hoi nyag tube 'nten dødt. 24Elïn Jojue anan: Rota Bïraþe la døning'n ðan jijt na ngéndï døningt nõn kaa rod oi yelel nõjt.
Currently Selected:
Joj 2: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.