Oje Takïdøt
Takïdøt
Oje i ngekelta kï ta Luwaht kam døning Israelt kam þalt kï þu tanãimïta kï dømi (750) kete nõ kooj Jeju Krist't. Ðà kïla 'nten tøi þal døjoo gid kïmi mbã kaglot'n deg kï Asirit ðen taan ne þebo kï Samarit þal þu tanãimïta kï døjoo gid kïjoo teen þu tanãimïta kï døjoo gid kïkïða.
Kaglo'n Oje elïn ta kï ta Luwaht ye, tøg kõþe kï Israelt ndï goto. Dekïðen sah kï'n ndï dø komber ngart. Nya ða kï gootal i ngãi: Deg kï ngénya ngahn nyangah kï døtdøt, ad na ngéndog telïn ndo kï døtdøt. Kamla, ngan Israelg tel øsïn gojd nõ yogt kï hile lo deg kï døning Kanaat.
Maktub lo Oje mba girrrïn kï ta kï Luwah el. Bïraþe ndamber Oje kad taa kaya dekïdë. Oje taa Gomer ooj sia ngan'g mïta, Tø ngang'n ndah dødt nõ øj go nya'n þet a ða Israel nõ. Oje elta dan dø nya kï majal'n Israel ða kï kand majal'n a tee kï døn. Taa'n Bïraþe ad taa dekïdë ye, i kïtakad Oje gerïn goðob kï titbãi a elïn ta deg kï Israelt ta kï dø tar lo Luwah, tar'n non i tar kï ndï øj ron kamkõt. Kïtø ngan kï Israelt titïn kï kaya dekïdë'n ndï ãi ngød go ngawgt. Ãin ngød go luwahg mad kïðang. Îgïn hã în Bïraþe Luwah kï je al. Ngekelta kï ta Luwaht Oje, elta kï øj dø mbïna Luwah kï deg lon kï maj ngãi al, kïta ða ron tit dekïdë kï kama i dø ngawïnt kïðabe do al.
Maktub lo ngekelta kï ta Luwaht Oje j'asï kãi dene joo: Gaja kïdasa þai dø ðob ninat kïdasa teen ðob ninat kïmïta. Elta øjïn dø tar'n Luwah tar girrdeg lon, ke neni Israel mbetïn kaa ne, tar lo Luwah i kïbo ut dø nyag tube. Kam maktub Ojeet j'a kï ngah ta kï dø tart logt 'nten (Oje 1: 29; 3: 14) kï kunkøg'n Bïraþe un ad ngan Israel îla tarïm a ne, maj a urïnd (Oje 2: 1 teen 3; 2: 13; 2:3 teen 5).
Gaj maktub kïdasa kï kïkõjoo lo Oje, þai dø (4: 14) elta dø tart lo Luwah ho. Tar'n non ndïg kad ngan Israel ðan nya kï kamd ndig al. Îla ðan nya kï kamd ndig a ne, takïgang lo Luwah to ngood (Oje 4:1 teen 7; 12: 1) na kunkø lo Bïraþe ut go tag'n non.
Oje 14: 2 teen 10 i ta kï tølkon maktub lo Oje. Maktub lo Oje, i maktub hoita kï øj go tar lo Luwa'n to lo tont kïta deg tube ho kï kaglog tube ho. Luwah ndï tar deg tube þaitø, ndï ngoo kad tube gerïn tar lon. Ngekelta kï ta Luwaht Oje kam maktubt loa ad deg tube gerïn kad tar lo Luwah i tar kï dum mbøj.
Currently Selected:
Oje Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.