Amo 8
8
Amos oo nya kïkõsøø kam ndilt: Jàng kï ðoosï kï kand kag kï mbuj
1Bïraþe Luwah øjïm nya 'nten:
jàng mad kï ðoosï kï kand kag kï mbuj,
2na Luwah ndïjem an: Amos, oo ði a?
M'tur m'an: M'oo jàng mad kï ðoosï kï kand kag kï mbuj.
Kamla Bïraþe elïm an:
Ndø lo deg lom Israel tïga woi
mbuj tit kand kag be.
M'a m'nyàgo majal lod kø gog al ta.
3Ndøt'n non pag kï køsï kam kuj kõþet
a telïn wui kï kud,
kel Bïraþe Luwah.
Nin deg a în ngãibe,
a ünd kï log paabe.
Lo a to juju.
Takïgang dø Israelagt i nderrbe
4Oon dø ta 'nten, în ngésanya lo ngéndøg tube,
kï ngétuj de kïdangtg:
5I ndï elïn anan: Kïj nah a tøi ndø ðit
kad kï ðaw nyako loj a?
Sabat a tïga døkàd ðit
kad kï j'øsï ta damg loj kï ðaw gem kïtit kø a?
J'a kï j'ad ngo tørr nya i kïdu,
na ja kïla gat nyako døt;
j'a kï gool deg kï nyambøjnya kïgootal.
6J'a kï ðaw ngendo kï taan
l'arjã, na de kïdangt kï taan sanja,
J'a kï ðaw bïna nyako ho,
7Bïraþe nda yo kï tøko lo Jakob, an:
Rota, kamm a oi dø kïkïða ku kïlaðadt al kïnõt.
8Kïtø 'nten døning'n ðan a yee.
Dekïðen kï ngendït a hø ndø.
à døning'n ðan kïtaagbe a þai tit bah be,
døning'n ðan a þai kamla a tel kïber gog
tit bah Nil kï døning Ejipt't.
9Nya a ða nya kam ndøt'n non,
kel Bïraþe Luwah.
M'a m'ad kàd kïða dan þet ud.
M'a m'ad til diw dan kàda.
10M'a m'ad ða nahg losï telïn ndo kïhø,
pag losï tube a telïn pa nõg.
M'a m'ad deg døn þod kï kub høndo,
m'a m'ad ngïsen dø dekïðen,
m'a m'ad deg høn ndo
tit'n a høn ne ndo ngon kïkal kïðabe
na døboia a i ndø kïkat bang.
11Oon ndøg ndï ðen,
kel Bïraþe Luwah,
Lon m'a m'la kï þoo dø døningt'n ðan.
A i þoo nyasa ke nyakãi al,
na a i þoo koo dø ta lo Bïraþe.
12Deg a awïn kï njad dõ þai
ko bahbot mad mbã teen bahbot mad,
a ãin kï yo kï në, a awïn ho a telïn ho,
sahn ta lo Bïraþe
na a ngahn al.
13Ndøt'n non ngan kïdë kïmandg ngãi
kï ngan kïbasag rod a oi yelel kïta kïnda man.
14Kï deg'n ndï ndan yo kïtakul majal lo Samari,
ad i yo ngon mang l'ørr, ndï elïn anan: Þebo Dan.
Kï yo ngon mang l'ør loi ndï kï døn dõ.
Ngendayo kï ðob ða yo lo ngendï Birr Seba son na kï þain al.
Currently Selected:
Amo 8: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.