Knk Takïdøt
Takïdøt
Maktub Kïlag lo Ngombangkïlag tølta tag'n Luk ndang kam maktubt lon nõ. Luk ørr hoi nyag'n ngombangkïlag ðan kad lan ne mber hoita kïmaj lo Krist kï log tube. Ngombangkïlag mbã girr kïla lod kam þebot kï Jerusalemt, kamla awïn kam døninggt kï gugïn dø Jerusalem, got awïn kam døninggt kï gugïn dø bahbokat Mediterane. Kïla'n Jeju kund lad kïta ye ngombangkïlag tølïnta kïlaa (Luk 24:47 teen 48; KNK 1: 8).
Kam ðob ninatï kïdasa lot Kïlag lo Ngombangkïlag ye, Jeju þai lo koit tøi aw dõ dø jikõ Luwaht (1: 9). Tajigla, i nat kï ngéndoog lon tit kï kete al, na la kï Ndil kïkunjðang kad ad'd ta ðob ad lan mber nyag kïbobo'n Luwah ða kïta deg tube. Kam maktubt 'nten lo yaþoodat mbã teen døboiat, Ndil kïkunjðang la ørr ta ðob deg'n taan ta lo Krist ad telïn girrdeg lo Jeju ye.
Ðob ninat kïdasa teen ðob ninat kï 12, ngombangkïla Pierr la un dø ngombangkïlag tube kam kïlaþert ye.
Ngéndoog lo Jeju în Juipg. Ad nyan ta kawna kam kuj kawnat lo Juipg al ho, ndï telïn rod go tat lo ngendood Bïraþe Jeju. Juipg adïnd kõ tit'n Jeju ngahn kõ kï ndoor kokïrodt be (ðob nina 3 teen 8).
Ad ngétaata lo Krist tîn na kï log, kam døning Judet, kï døning Samari kï Jude, mbã kï døngoi døning, lan mber Hoita Kïmaj 'nten kï ro girrdegt'n în Juipg al (Ðob nina. 8 teen 12). I nya kï kij kïbo kïta dø kaglot'n non, Juipg koon la gerïn Luwah kïkïðabedo ye. Oon a anan girrdeg kïðang asïn ger Luwah kïkïðabedo al. Na Jeju Krist tee ta ðob, ad deg tube gerïn Luwah ho ðan sia namna ho. Ngombangkïlag ndahn girr kawnag kï log log. Deg'n în kamt în Juipg kï deg'n în Juipg al.
Þai dø ðob ninat kï 13, Ngombangkïla Pol la un ta kïla lo ngombangkïla Pierr ye. Jeju Krist kun Pol dø ðobt kï Damasï (ðob nina kï 9) Ngékawnag kï døning Antiosï kï Sirit køtïna ndahna køt ko kïða nat kï madkïlaag kad la mber hoita lo Krist girrdeg kïdangdang. Ðob nina kï 13 teen 28 elta dø mbahgt kï Pol aw. Dajin go ðob kï titþãi hoita kïmaj i kï tïnda tî kï log kï gugïn dø bahbokat Mediterane, mbã teen þebot kï Rom.
Hoita Kïmaj lo Jeju Krist'n Luk ndang elta døkaglot lo Jeju, na maktub lo kïlag lo ngombangkïlag elta dø kaglot'n ngétaata lo Krist mbã ne girr lo kawnag. I kaglo'n ngétaata lo Krist lan mber Hoita Kïmaj lo Krist kï kaglo tube ho, kï log tube.
Ngombangkïlag lan mber girrdeg kïdangdang, kï nya belþe lod i dang, na a øsïn gojd nõ yogt tø. Lan mber hoita kïmaj kï ro degt kïbo kï kïdug, kï ngényag kï ngéndoog.
Currently Selected:
Knk Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.