2 Kor 1
1
Pol da ron na ða lapia
1Mî Pol Ngombangkïla lo Krist Jeju kïtakul ndig lo Luwah nat kï ngonkõj Timote, m'ndang maktub 'nten m'ad ngékawna lo Luwah kam þebot kï Korent kï deg kïjaþat lo Luwah tube kam døning Akayt kïtaagbe. 2Kï bøwj Luwah kï Bïraþe loj Jeju Krist adsïn majkurr kï lapia.
Pol ða mersi Luwah
3Ad kï ndubïn Luwah kï Bøw Bïraþe loj Jeju Krist kï i Bøw kï Ngekookumtondo, i Bøw kï ngeða kï deg lon dø nyat'n tøi tøgd kï ndøgbe. 4Ndï ða sej dø kamkølgt loj tube, kïtakad jî tø, j'asï ðan kï deg'n ndïn kam kamkølt kïðen kïtakul ða'n Luwah ða sej jî kïþe kï døj ho. 5Kïtø tit'n daiyog lo Krist ndï bãi kï døjt ye, titbe tø la kamsøl loj ndï bãi kïtakul Krist ho ye. 6Na îla kï ngahkõ a ne, 'nten i nyaðasesï kï nyakajsï tø. Îla Luwah ða sej a ne, 'nten a tel nyaðasesï'n a adsï tøg kïtakad i høn ne rosï bá kamkõt kïkïða'n non kï tit loj be. 7Kïtø kï ndï kï nda kamj dø Luwaht dø tat losï, na kï þad al. Kï ger maj ta kad îla în nat sej dø kõt'n kï daiyoj kamt a ne, a în nat sej dø sølkamt'n Luwah søl kamj tø. 8Na ngankõ, dø tat lo kõ'n ngahj kam døning Asit ye, kï ndig kad i gerïn girra maj. Kamkøl ðaj ngãi kï tøi tøgj, ad j'oo tit j'a kï ndï kï døj dõ al. 9J'oo j'an gangïn ta koi døjt. Na nya 'nten tee døjt kïtakad kï ndah kamj dø rojt al, na kï ndah kamj dø Luwaht kï Ngekad deg þãin lo koit. 10Luwah aj'j ta koit kïtootþool'n non. Kï ndï kï ndah kamj døat, kad aj'j kamt þaitø. 11Ã, îla i køn Luwah kïtatøj kam keltat kad ða sej a ne, Luwah a aj'j. Titbe, j'a kï ngah nyamajg ko ro Luwaht kïtakul tag'n deg ngãibe elïn sia. Kïtø 'nten deg ngãibe tø a ðana mersi kïta maj'n ða sej.
Pol ørr girr tag lon kïkøj dø kaw ro Ngékadkamgt
12Îla nya mad to nõ în hã ndï adj ronel kï døt a ne, i ta kï kamjt'n ndï mãjnaj an: Nyaðaj ku degt kï døningt i kïjaþat kï kïmajtøi nõ Luwaht. Kï tøi 'nten þaitø nyaðaj kusït i kïjaþat kï kïjanjoi nõ Luwaht. Kï ða titbe kïtakul kamkë lo Luwah, na kïtakul tøg terr lo dunia al. 13Kï ndang ta'n asïn ndoo, na ger girra, kï ndang ta mad kïðang j'adsï al. M'oo tit a i gerïn girra maj. 14I gerjïn køikøi al þaitø, na kam ndøt lo Bïraþe loj Jeju j'a jî nyaronel losï tit'n a în ne nyaronel loj ye be.
15M'ger nya 'nten maj kïta 'nten m'nda kammt kad m'aw'n rosït kete kïtakad i ngahn ne majkurr mad kïkõjoo døt. 16Kïtø m'ndig kad m'aw rosït tã la kï m'tøi m'aw døning Masedøant, kamla ka m'tel døning Masedøant kïrosït gog tø; kad i ðan sem dø kawïm døning Judet. 17Lon m'nda kammt kad m'ða titbe ye, i ta kï kari la m'elsï yo? Ke nyag'n m'nda kammt kad m'ða i kïgo dãrot la m'ndan kammt kïtakad m'el m'an ãã þone, na a a loti e? 18Na tit'n Luwah i ngekelta kïro ye, ta loj'n tee rosït i ãã kï ãã al. 19Mî Pol, kï Silas kï Timote kï lasï mber Jeju Krist Ngon Luwah; a a kï ãã goto kamat na ãã tã kïðabe. 20Kïtakul Jeju Krist la Luwah elïn ãã dø kunkøgt lon kïða kïða tube ye. Kïtø 'nten, kïtakul Jeju Krist kï ndï kï j'elïn Amin, j'øsïn ne gon Luwah. 21Kïtø Luwah î kïþe kïdøn i ngekad kï ða bijïr kam ndïjt kï dø dõ nat kï Krist. Luwah î kïþe la ndasï køt ko kïða ye. 22Luwah nda merke lon døjt, na adj Ndil Kïkunjðang ngarkamjt kad i gaj nyamaj kïdasa'n Luwah a adj. 23M'kun Luwah kad i ngemanaj dø tat lom, m'aw þebot kï Korent gog al þaitø, kïtakad i soosït. 24I kïta kï ndig ða ngar dø kadkamt losï al, na jî madkïlag nat sesï kïtakad i ngahn ne ronel, kïta kïtakul kadkam la i ðan ne bijïr ye.
Currently Selected:
2 Kor 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.