2 Kor 4
4
Kï ndï kï daiyoj kï Krist
1Luwah oo kumtondo loj, ad kï ndï kï ða kïlaþer kïta 'nten la roj ndï oin yelïl al ye. 2Na kï ndï kï mbet nyag kï rosøl kï ða gid tilt. Nyaðaj i kïgo kumtøgt lo ngéndokumdeg al; kï ndï kï bur ta lo Luwah nat al tø. Kï ða titbe al, na kï ndï kï tee kï rota kïtïga wakïsï nõ degt, j'ad deg tube gerïn kamdt þet, jî deg kïro nõ Luwaht. 3Na îla Hoita Kïmaj loj i kïyadø a ne, i ro degt'n ndï nujïn kø tã, la i kïyadø kad oon al ye. 4Deg kï døningt kï ngékadkamd Luwah al oon sitan tit Luwah be, sitan ut kumd mbukï kïtakad adïn kamd Luwah al, na kï oon nyër kunj Hoita Kïmaj'n ðangereng dødt al, ad i Krist'n i þakumta Luwah kï jeje. 5Kïtø ndï kï la mber roj jî kïþe al, na ndï kï la mber Krist Jeju kï Bïraþe, na jî taa ne jî þerg losï kïtatø Jeju. 6Kïtø Luwah el an; kunj a unj kokam tilt. Luwah î kïþe kïdøn la unj kamjt ye, kïtakad kï gerïn køsïgon lon kïðangereng'n unj takum Jeju Krist't. 7Na ndï kï to nya køsïgon 'nten kam jo hanjt, kïtakad j'øjïn deg j'ad gerïn tøg kï tøitøi kï þai ko ro Luwaht kïðabe do, na tøg'n non i ko rojt al. 8Kamkøl ðaj kï nja natnatbe ji degt, na kamkøl'n non dum døj al. Deg ðajïn ad kamj daj ta paa, be kaa ne, j'ad kamj ud mut al.
9Deg ndï dan roj ndo, na Luwah nyàj kï nõbe al, nda lajïn ningt, na kï j'oi al. 10Kï ndï kï jun koi Jeju Krist kam dãrojt kïndøgndøg, ad i koi'n Jeju oi, kïtakad deg oon Krist ndï øj tøgïn kam dãrojt. 11Kïtø kaglo ndïjt kï dø dõ ngen ten, kï ndï ta koit kïndøgndøg kïta ta lo Krist, kïtakad deg oon tøg Krist kam dãrojt kï koi.
12I titbe la koi ndï ðan kïla kamjt, na kumkajir ndï ðan kïla kamsït ho ye. 13Maktub lo Luwah el an: M'adkam kïta 'nten la m'elïn ta ye.
Jî tø hal kadkam kïkïða'n non i kamjt. Kïtø 'nten la j'elïn ta kadkam'n j'ad. 14Kïtø jî kï ger þet Luwah'n i ngekad Bïraþe Jeju Krist þai lo koit ye, a ad jî tø kï þai nat kï Jeju, a aw sej kad kï ða nõat nat sesï. 15Nyag tube'n ðam i kïtatøsï kïtakad majkurr lo Luwah bïlan kï døtdøt dø degt ngãibe kad ðana mersi ho, kï øsïn ne gon Luwah ho tø.
Ta dø ndït kï dø dõ kïtakul kadkam Luwah
16Kïtø 'nten la roj ndï oin yelïl al; ke îla dãroj ndï tuj jenjen kaa ne, roj kï keme ndï tel kï kij kïndøgndøg. 17Kïtø kamkøl kï tëbe'n ndï kï ngah døkaglot kï þola asï kï køsïgon kï ngãi kïtaitøi kï to kï nont al, kïta køsïgon'n non i kïbo tøi ta køl. 18Kïtø kï ndï kï ndah kumj go nyagt'n i kï koo kï kum al, na go nyagt'n i kï dum koo kï kum. Kïtø nyag'n deg oon kï kumd ye, în nyag kï a tøin kø, na nyag kï dum koo kï kum ye, în nyag kï a ton kï nõdt.
Currently Selected:
2 Kor 4: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.