1 Kor 3
3
Ngékïlaþerg lo Luwah
1Na mî taa ngankom, kete m'elsï ta tit kï deg kï în kï Ndil kïkunjðang al, na m'elsï ta tit kï deg kïgo dãrot, tit ngan kï dug kam Krist't. 2M'adsï mba ãin, na nyasa kï ngang al, kïta asïn sanya kï ngang al. Mbã tajigla kaa asïn al þaitø. 3Kïtø în deg kïgo dãrot þaitø. Tit kan nî kï kølna ton kusït ye, în deg kïgo dãrot ale? Pandiasï i kïgo lo duniagt ale? 4Kïtø lon de mad ndï an: Mî de lo Pol, kïmad tø ndï an: Mî de lo Apolos, ye în duniag ale?
5Apolos i nõ a? Pol i nõ a? În ngékïlaþerg'n adïn kamsï Krist kïtakuld. Dekïðen ða kïlaþer lon kïgo kadt'n Bïraþe ada. 6Mî m'dub, Apolos la man døt, na Luwah la ad þa ye. 7Kïtø 'nten, de'n ða duw nya i nya mad al, ke de'n la man døt kaa i titbe, na Luwah'n ndï ad þa tã. 8Ngendub nya, kï nge la man døt asïn na, na dekïðen a ngah nyabaji kï køsï døn kï asï ta kørïn. 9Kïtø jî ngéðakïlag nat kï Luwah. În taa, în ndøø lo Luwah. În kuj'n Luwah ða. 10Mî m'ndah girra tit bïra ngeðakuj kï ngegoosï be, kïgo kadkarit'n Luwah adïm kïgo majkurrt lon. De mad ndï ða døt. Na kï dekïðen oo go ron maj ke titbãi ndï ðan døt. 11Girr kuj i kï ndah woi, ad i Jeju Krist. De mad kï asï ndah kïðang goto. 12Na îla de mad ndï ða dø girr kujt'n non, ke kï l'ør, ke kï arjã, ke kï mbalg kï gatd i ngãi, ke kï kag, ke kï mu, ke kï gind mu a ne, 13a teen kï kïlaða dekïðen kï tïga wakïsï kïta ndø'n non a kïjaa but, a tee døa kam horrt, horr tø a ná kïlaða dekïðen kad oo, ke i kïla kïmaj e, ke i kïla kïmajal a? 14Îla kïlaða de mad'n ða dø girrt'n non dum horr a ne, de'n non a ngah nyabajin. 15Îla horr õ kïlaða de mad a ne, a nal nyabajin, na î kïþe a aj, na tit tee ta horrt ta tee be. 16I gerïn takîsï kuj ndub Luwah ale? I gerïn kad Ndil Luwah ndï kamsït ale? 17Îla de mad ndï nuj kuj ndub Luwah a ne, Luwah tø a nuj de'n non, kïta kuj ndub Luwah i kïjaþat. Na în la în kuj'n non ye, 18kï de mad gool ron al. Îla de mad ndï oo an: nî ngeterr kusït kam duniat'n ðan a ne, kï tel þood de kad telïn ngeterr. 19Kïtø terr kï duniat'n ðan i nya kï þood ro Luwaht. Kïtø ndangïn kam Maktubt lo Luwah anan: Luwah ndï hø ngeterrg kï gum ndo lod.
20Ta mad tø: Bïraþe ger tag kïkøj lo ngéterrg în nyag kïpãbe.
21Kïtø 'nten kï de mad þakul deg al kïta nyag tube în losï: 22Ke Pol, ke Apolos, ke Kepas ad i Pierr, ke døning, ke ndï kï dø dõ, ke koi, ke nyag kï tajigla, ke nyag'n ndï ðen; tube în losï. 23În lo Krist, na Krist i lo Luwah.
Currently Selected:
1 Kor 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.