1 Kor 4
4
Ngombangkïlag lo Krist
1Jî taa kï deg oojïn tit ngéðakïlaþer lo Krist be, ngékoogo tag kïmund lo Luwah tø. 2Nya'n ndï sahn ro ngekoogonyat laten: Kad ngahn ngekoogonya kïðen i ngeða nya kïro kam kïlat lon. 3Na mî taa, m'sool al kad i gangïn ta dømt, ke m'þool tag kï deg elïn dømt kï goot al. Mî kïþe kï døm kaa m'ndï m'nder girr rom al. 4Kïtø kamm høm kï ta al. Ke titbe kaa ne, i nõ mîn kïkanj ta dømt al, na ngegangta dømt i Bïraþe. 5Kïtø 'nten ot gangïn ta dø det mad kete nõ kagloat, mbã kï Bïraþe ðe kamtã; Bïraþe a kïja nyag kïyaro gid tilt, a tee kï takøjg kï ngarkam degt kï tïga wakïsï. Kamla dekïðen a ngah hit lon kï kasï tan kokïro Luwaht. 6Tag'n m'elsï nõ, ngankom, m'øj'n døm kï Apolos kïtatøsï. M'ndig kad oojïn tit nyandaj be kad i ndoon ger girr terrta 'nten: Maj kad de ndï kam ðob nint'n i kï ndang.
Ot kadïn dø de mad sir kusït ad taa ta lo ngendoo mad, na kid ngendoo mad. 7Kïtø nõ ða ad î kïbo tøi deg madg a? Nyag tube'n în kam jiit ye, i Luwah hã adi ale? Na îla i ngah nyakokïro Luwaht a ne, kïtøði i ndï i ganburo tit i nya kï i ngah kari kokïro Luwaht al a? 8I ndïn kï nyag losï tube woi, i telïn ngémajg woi, i telïn ngékõþeg, na jî ngékõþeg al. Nî a kîn ngékõþeg ðuba, kad jî'n ngékõþeg sesï. 9Kïtø m'oo tit Luwah ndahj, jî ngombangkïlag, døboi deg tube. Jî tit deg'n gangïnta dødt kad tølïnd kï tïga nõ degt, kad deg tube oojïn, nõ nya kïndahgt tube ad i nõ malaikagt kï deg tu. 10Jî þood deg kïta Krist; na în ngékumtøgg kam Krist't, jî tõg, na în deg kïngangg, jî kïkid, na în kï køsïgon. 11Mbã tajigla þo ndï õj, kïnda ndï ðaj, roj il yolol, tïndajïn mbukïmbukï, j'aw kï njaj dõ, kïkanj lo toj; 12kï ndï kï ðakïla kï jij, mbã j'ør røkï; ndï taj'jïn howhow, na kï ndï kï njang død; deg ndï dan roj ndo, na kï ndï kï hø tøgjbá døt. 13Ndï eljïn ta kïmal, na kï j'eld ta kï søl. Ndï teljïn tit þirþit kï døningt, jî nyag kï lakø ro degt tube. 14M'ndang tag 'nten kï m'lan rosøl døsït al, na kad kï m'øjsïn, kïta în ngan ngétar lom. 15Kïtø ke i ndïn kï ngéndoosïg kam Krist't asïn dub kïlah kaa ne, bøwsï i kïðabe kïta m'oojsïn kam Krist't kïtakul Hoita Kïmaj. 16Kïtø 'nten m'ndï m'køsï kad i telïn ngéndajïm. 17Kïtø 'nten la m'lan Timote kï rosït, i ngonïm kï ngetar, ngeðanya kïro kam Bïraþet. A ad kamsï gah dø ðobgt'n m'ndï m'tuþa kam Krist't, tit'n m'ndï m'ndoon deg kïgo log kam ngékawnagt tube. 18Tajigla taa, deg madg oon tit m'a m'aw rosït al, ad død ndï sir. 19Na îla Bïraþe ndig a ne, m'a m'aw rosït kanangbe. Kamla m'a m'oo nya'n i tøg lo ngédøngang'n non, na tag kïkel lod nõ al. 20Kïtø kõþe lo Luwah i kam tagt kïkel al. Na i kam tøg nyaðat. 21I ndigïn ði? Kï m'aw rosït kï kag jimt e? Ke kï tar kï hal kï sa yelïl?
Currently Selected:
1 Kor 4: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.