1 Tim Takïdøt
Takïdøt
Tø Timote j'a kï ngah ngãibe kam maktubt lo Kïlag lo Ngombangkïla kï maktubg'n Pol ndang ad ngékawnag kïdangdang kam døning kï Eropt. Bøw Timote i grek, na kõa i Juip. Pol la ndoo ta lo Luwah Timote ye, na ooa tit ngon kamïn be. Girr tø Timote i køsïgon Luwah. Kï bo tøi, Pol tel Timote madkïlant. Ad aw mbah kï Pol ngan þegt kï þebog ngãibe kad lamber Hoita Kïmaj tit. Pol la kïlag kï ngang ngãi kam jiat kad ða ku ngékawnagt kï Tesalonik kï kï Korent.
Pol la kï maktub joo ad Timote. Lon ndang maktubg'n non ye, Ta lo Luwah la lo wøm woi. Na nya'n sumba kad ngétaata lo Krist ðan taa ne, i ndah girr ngékawnag kad ndian kï goðobat ho, kï ðan bijir ho, kï ngangïn kam tat lo Luwah tø.
Kam maktubt kïdasa, Pol ad køjg ngétaata lo Krist, kï kïbog lo ngékawnag ho kï Timote î kïþe tø.
Kïtø deg madg ndï ndoon nyag kï ngom: 1: 3 teen 7; 4: 1 teen 4; 6: 3 teen 5. Elïn anan: Nyag kï duniat tube în nyag kïmajal. Kïtø 'nten, ndï ndoon deg kad taan na al ho, kï mbetïn nyasa madg ho. Na nyag tube'n Luwah ðad ye, în nyag kïmaj. Sumba kad Timote ndoo deg ad kamd oi dø al.
Ngékawnag kï goðobat ye, awïn kï deg'n ndï ørrïn nõd nõ ad: kïbog lo ngékawnag, kï ngékoogo ngékawnag kad ðan kï ngéndog, kï ngémõig, kï ngéndoo deg, kï ngékørrno deg.
Ngékawnag'n non ndïgïn ndï lom kad deg teen kï ger Luwaht jeje. Pol'n ndang maktub ye, ad køjg'n sumba kad ngékawnag ndian ne maj ho, ngétaata lo Krist elïn ne ta kï Luwah kï goðobat tø. Ndood titbãi ngékørrnõ ngékawna, a ndïn ne kï død dõ kam Krist't, kï în ne nyandaj kïta ngétaata lo Krist.
Timote tel ngekørrnõ ngékawnag kïbog. Maktub'n Pol ndang ada ye, i kïtakad ðan bijir kam kïlaþert'n ndï ða ad Jeju Krist, ke titbãi maj kad ndoon deg ho, oon go ngékawnag tube tø: Ðob nina 4 teen ðob ninat kï 6.
Currently Selected:
1 Tim Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.