1 Jã 2
2
Jeju Krist i Ngeðasej
1Nganïm, m'ndang nyag 'nten m'adsï kad i ðan majal al. Na îla de mad ða majal a ne, kï ndï kï ngeðasej nõ Luwaht kï Bøw, ad i Jeju Krist'n i de kïdenesew. 2Kïtø Jeju Krist i kadkari kïjamosï kïta nyàgo majalg loj, na i kïta nyàgo majalg loj hã kïðabe al, na kïta nyàgo majalg lo deg kï døningt kïtaagbe tø. 3Îla ndï kï ngomgo mberkïndag lo Luwah a ne, kï ger køi køi kamjt kad kï ger Luwah. 4De'n ndï el an: N'ger Luwah, na ngomgo mberkïnda loa al a ne, i ngetakïbal, rota goto kamat. 5Na de'n ndï ngomgo mberkïnda a ne, rota tar lo Luwah asïnatap kamat, kïta 'nten la kï gerïn þet kad jî kï la nooj nat kï Luwah ye. 6De'n ndï el an: N'ndï hø nooj kï Luwah a ne, maj kad ndia tit'n Jeju ndian ye be.
Mberkïnda kï kij
(Oo Jã 13:34 teen 35; Jã 12:12 teen 14; Terr 4:18 teen 19)
7Ngétar, i mberkïnda kï kij hã m'ndï m'ndang m'adsï al, na i mberkïnda kï kon ka'n m'lasï mbera lo yaþoodat nõ. Mberkïnda kï kon'n non, i ta kï oon dø woi. 8Titbe kaa ne, m'ndï m'ndang mberkïnda mad kï kij m'adsï døt tø, i mber kï kij kïta nya'n hã i rota kam Krist ye, i rota kamsït tø, kïta til ndï tøi kø, na kunj kï jeje ndï unj tajigla. 9De'n ndï an: N'ndï kam kunjt, na ndï øsïta ngonkõ a ne, de'n non nãi kam tilt þaitø. 10Na de'n ndï tar ngokon a ne, de'n non ndï kam kunjt, na nya mad kamat kï øsa ad so kam majalt goto. 11Na de'n ndï øsïta ngonkõ a ne, i kam tilt; a ndia kam tilt, ger lo kawïn jeje al, kïta til ut kuma mbukï ad tel mundo. 12Nganïmg, m'ndï ndang ta m'adsï kïta majalg losï i kï nyàgo kø kïtakul koi Jeju Krist. 13În bøwg, m'ndï m'ndang ta m'adsï kïta i gerïn, în hã ndï nõ maði nu, lo yaþood duniat. În nganïmg, m'ndï m'ndang ta m'adsï kïta i tetïn ðøø Ngemajal. 14În nganïmg, m'ndï m'ndang ta m'adsï kïta i gerïn Bøw. În bøwg, m'ndï m'ndang ta m'adsï kïta i gerïn ngendï maði nu lo yaþoodat. În basag, m'ndï m'ndang ta m'adsï kïta în kïngangg, kïta ta lo Luwah ndï kï kamsït, na i tetïn ðøø ngemajal tø. 15Ot tarïn dunia bat. Ke nyag kï kam duniat. Îla de mad ndï tar dunia a ne, tar Luwah kï Bøw goto kamat bat. 16Kïtø nyag tube kï kam duniat, ad i nyurkõ kï dãrot, kï kumndà, kï nyag tube'n deg ndï gan buro døt lon în ne kï død dõ ye, i kï lo Luwah kï Bøwj al bat, na i kï lo dunia. 17Kïtø dunia ndï tøi kø kï nyurkõ kï tit tu. Na de kï ngeða nya kïgo ndigt lo Luwah a ndï kumkajir mbãkïnõt.
Madngeta Krist
(Oo Jã 16:13 teen 15)
18Nganïm oon i gerïn kad i kaglo kï døboit. Oon hoi ngendoor Krist ndï ðe nõ. Tajigla, ngéndoor Krist ngãibe þain. Kïtø 'nten la ndï kï gerïn kad i kaglo kï døboit ye. 19Deg'n non þain kujt ne, la awïn ye, na în kï loj al, îla în kï loj jeje a ne, ni a ndïn sej. Na tajigla kï ger jeje kad în kï loj al. 20Na în taa, în deg'n Krist wursï kï Ndil Luwah. Kïtø 'nten în tube i gerïn rota. 21M'ndï m'ndang ta 'nten m'adsï kïta ger'n i gerïn rota al al, na m'ndang ta 'nten m'adsï kïta i gerïn rota, i gerïn tø takïbal mad kï tee kam rotat goto. 22Nõ i ngetakïbal a? I de'n ndï májta an: Jeju Krist, i kï wur lo Luwah al. De'n non la i ngendoor Krist ye, ndï mbet Bøw kï Ngon tu. 23Dekïðen ndï májta ger Ngon a ne, májta ger Luwah kï Bøwa, na de'n elta kï tïga wakïsï an: N'taata lo Krist a ne, ndï taata lo Luwah kï Bøw ho. 24În taa, kï i ngomïn tag'n oon dø lo yaþoodat nu nõ, na kï ad ndin kï kamsit tø a ne, în tø a i ndïn kï kam Ngont kï kïkam Bøwt. 25Kunkø'n un adj la ten: I kumkajir kï mbãkïnõt. 26M'ndï m'ndang nyag 'nten m'adsï dø tat lo deg'n ndigïn goolsï. 27Na în taa, Krist adsï Ndilïn, ad ndï kï kamsït. I geen kad de mad ndoosï nya al, na Ndil'n ndï wursï ye, ndï ndoosï ta dø nyagt tube kam rotat, na kam takïbalt al. I ndïn kï kam Krist't tit'n Ndil ndoosïn nõ. 28Tajigla, nganïm, i ndïn kï kam Krist't kïtakad lon a tee høi a ne, kï ndï kï kam kï misïmisï, kad roj oi siw kï rosøl nõat kaglo ðeat al. 29Îla i gerïn Krist i de kïdenesew a ne, kï i gerïn maj dekïðen ndï hø nyaða kïdenesew a ne, i kï kooj kam Krist't.
Currently Selected:
1 Jã 2: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.