Yoel 2
2
1 #
Mar 10:5; Sab 87:1; Oba 1:15; Sep 1:2-4. Kokuta yesi arupepe koSion,
Kilalaata komoruka lokalaunan;
Komaranata kere luibojete kakwap:
Naarai ebunit apaaran naka EJAKAIT, naarai aapu:
2 #
Amo 5:18; Yok 1:6; Any 10:14. Apaaran naka amuton ka anyikilil,
Apaaran naka idouon ka amuton naeiesi cucucuc,
Kwape ecilar kide koronan;
Etuŋat loepol loegogoŋ,
Ageun apeŋo amamei loaputos kanol, Mam rwaru bobo ejaun lueputos kakes, Kiton ikar luka aturio nuipu.
3 #
Sek 7:14. Idopori akim koiŋarenekee; Kokaukee da enokete aipelonoreta,
Esubit akwap bala emanikor loka Eden koiŋarenekec, Kokaukec da amodiŋ nailaronon;
Eebo, emamei da loabu koku kamakec.
4 #
Apu 9:7-9. Atakanukec eputos bala atakan naka ibalasin; Ekerete kwape ikebwanenok.
5Esomanaros kwape eeelet loka agalin, Kaidiasia nuka ironan,
Kwape ecelet loka aipelonoreta nuka akim Naidopori ariaŋ,
Kwape ituŋa lukagogon luiderakinos ejie.
6 #
Yer 8:21. Eriebas atekerin noi kakonyenekec:
Ijulakinos akonyenekee kere.
7Ekerete kwape ituŋa lukirigin;
Edokete arwatat kwape ikajiok;
Eraei ninitunanan korotoke,
Komam iieranakinos,
8Mam ediopet eremori loce;
Eraei ninidioper korotoke:
Etiakete kesi luiiis komam itikokinio.
9Esomanaros ore;
Ekerete karwatat;
Edokanarete otogoi;
Elomanarete kadirisan kwape ekokolan.
10 #
Apu 8:12. Ŋaŋakin akwap koinarenikec; Emarani akuj.
Amutonor akoloŋ ka elap, Enyakasi aacer aicakec.
11 #
Yer 50:34; Mar 24:23; Mal 3:2; Apu 6:17. Elimuni EJAKAIT ekeporoto koinaren kajoreke;
Naarai ipu iidukurunuke;
Naarai egogoŋ ŋesi loitodoli akekirot:
Naarai epol apaaran naka EJAKAIT, nakanosibib naepol; Iŋai bo epedori abwoikin?
12 #
Yer 4:1; Kos 12:6. Konye ebala EJAKAIT ebe, “Kibelokinos yesi mama ajai Kitauonokus kere,
Kailun, ka aimony akiyo, ka aibworo:
13 #
2 Ika 22:19; Sab 34:18; Isa 57:15; Mat 5:3,4; Any 34:6; Yok 4:2. Koeila itauonokus, kwabo mere inapenekus.”
Kibelokinos mama ejai EJAKAIT Ekusideke:
Naarai esiana ŋesi, ileleba aitim,
Iyapi anyunyurikin, ebarara aitim, Iituni kinyek aronis,
14 #
Yos 14:12; Sep 2:3; Isa 65:8; Kag 2:19. Iŋai bo ejeŋi arai motoko ibelokin,
Iituni, inyeini arereŋ kokauke,
Ainakiner naka akiria ka ainakinet namatat da
Mama ejai EJAKAIT Ekusideke?
15Kokuta arupepe koSion, Kitalaut ailuŋ,
Konyarautu atukonokin nakalaunan;
16 #
Any 19:10; 2 Siit 20:13; 1 Kor 7:5. Korukonokis ituŋa, Kitalaut ekodet, Kinotut imakio, Kotukonokis idwe, Ka luenakete ikisin:
Kolom eteran kagolake,
Ka ateran da kotoma igolake.
17 #
Mat 23:35; Any 32:11; Isa 37:20. Komonyata isasedotin akiyo,
Ikejaanakinak luka EJAKAIT,
Kokidin kaneelomarere ka etem,
Kotemasi atiar, “Kideu ikonituŋa, wu EJAKAIT,
Sirikiinak airumetekon araun amorosit,
Ka agaracio kotoma atekerin:
Kanukinyo etemariata kesi katekerin ebe,
‘Ai bo ejai Ekecedeke?’”
18 #
Isa 42:13; Sek 1:14; Ikis 32:36; Sab 103:13. Kosodi EJAKAIT aikokotikin kanuka akwapuke,
Kitim iketuŋa.
19 #
Mal 3:10. Koboŋok EJAKAIT iketuŋa ebe,
“Koany, kejukakini yes
Akima ka ebino, ka akinyet, Kisimonete yes:
Mam bobo ketarauni yes amorosit katekerin.
20 #
Any 10:19; Ikis 11:24. “Konye esukunyari mama elwana
Ajore naka agolitomei,
Ereŋeari ŋ es akwap nailaronon, naesil,
Ikenarenokoke kotoma aŋolol nakokide,
Ka ikagolokoke kotoma aŋolol nakoto;
Elomuni auresike,
Elomuni da abosusuke naeur tulutul,
Naarai eswama nuepolok.
21 #
1 Yok 4:18. “Sirikikurianar, ijo akwap, Kiyalamikin, kolakar;
Naarai eswama EJAKAIT nuepolok.
22 #
Sek 8:12. Sirikikuriakaros, yes itiaŋ luka ais;
Naarai ebwaŋunete ironyia luka amodiŋ,
Naarai erai ekitoi araitoke,
Ejaikini etini ka emusabibu agogonukec,
23 #
Sab 28:7; Isa 12:2-6; Kbk 3:17,18; Sek 10:7; Leb 26:4; Yak 5:7. “Aso do kiyalamikinos, yes idwe luka Sion,
Kolakaros kotoma EJAKAIT Ekusideke:
Naarai kiinakini ŋ esi akiru naka aiporo naedolit,
Isitepakini yes akiru,
Akiru naka aiporo, ka akiru naka akamu,
Kwape lem sek.
24“Ilelebunos ipejala akima,
Ilapanaros ebino ka akinyet kotoma akaalakanya.
25Enyakakini eoŋ yes ikar luanyam emaase,
Ka enyede, ka ekutelek, ka ogagul,
Akaiore naepol naejukunit mamakus.
26 #
Mik 6:14. “Inyamete yesi amio, imonikinos,
Iturete ekiror loka EJAKAIT Ekusideke,
Lokiswamak yes nukaumokin:
Mam bobo ikatuŋa ileicikinete.
27 #
Leb 26:11; Isa 45:5. Ŋenunete ebe ajai eoŋ kotoma Isirael,
Eoŋ arai EJAKAIT Ekusideke, emamei ece kere:
Mam bobo ikatuŋa ileicikinete.
28 #
Isa 44:3; Yok 7:39; Isa 54:13; Asw 2:17-21; 21:9. “Kosodi kanen akaulo kanun,
Abukokini ekamoyo kere luejaas awat,
Edwarete idwekus lusap ka lupesur,
Iruiaete ikusimakio airuiasia,
Eanyunete ikusikatumunak aitapoeta.
29 #
1 Kor 12:13; Gal 3:28. Bobo da kapaarasia kanun
Abukokini ekamoyo obulesin ka abulesin.
30 #
Mk 13:24. “Etodikini nukaumokin toma akuj, kotoma akwap da, aokot, ka akim, ka ipirin luka apuru. 31#Mat 24:29; Mk 13:24-25; Luk 21:25; Apu 6:12-13. Eluor akoloŋ amuton, ka elap da araun aokot, korina edoluno apaaran nakos ka nakanosibib naka EJAKAIT. 32#Sab 50:15; Yer 33:3; Asw 2:21; 1 Kor 1:2; Isa 46:13; 11:11; Oba 1:17; Rom 10:13; 9:27. Kosodi kanen, itajaruunos kere luiwoneete ekiror loka EJAKAIT; naarai komoru Sion ka Yerusalem eiaunete luekuete, kwape enerar EJAKAIT, kotoma aatoŋot da ŋul luenyarauni EJAKAIT.
Currently Selected:
Yoel 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.