Yokana 2
2
1 #
Yok 1:43. Apaaran nakiwuniet kojai adukokin koKana loka Galilaya; kojai toto naka Yesu da ŋina: 2konyararai Yesu da ka ikekesisiak opucit. 3Kedaun ebino, kotema totoke Yesu atiar, “Emamei kes ebino.” 4#Yok 19:26; Mat 12:48; Mk 1:24. Kotema Yesu ŋes atiar, “Toto, anyoika eoŋ ka jo? Eroko akapak edolo.” 5Kolimok totoke ikejaanakinak ebe, “Nukilimokini kere, kiswamata.” 6#Mk 7:3,4. Aso kejaas nen akaalakanya akanykape nuka amor, kibwaikinitai kes nen kanuka epone loka Iyudayan loka aitesegaar, nuilosikinos akeito aarei arai auni. 7Kotema Yesu kes atiar, “Kilelebata akaalakanya akipi.” Kes da kilelebata kiton atokitoit, 8Kotema kes atiar, “Aso do kooko, koinasi ekapolon loka epucit.” Koinasi. 9Kosodi kiir ekapolon loka epucit akipi nukeluoros ebino, komam ejeŋi nekebunio, (konye kojenete ikejaanakinak luaokete akipi,) konyarau ekapolon loka epucit eteran, 10kotema ŋes atiar, “Ŋinituŋanan itemokini ber ebino loejijim, kosodi kedaut ituŋa aimat noi, eyaunio do loepiana; konye jo iŋadak loejijim kiton kwana,” 11#Yok 1:14; 11:40. Abu Yesu kiswama aanyunet na nasodit koKana loko Galilaya, kitodia da akeibuses; kiyuutu ikekesisiak ŋes.
12 #
Mat 4:13; Yok 7:3. Kokau kaŋun kijesar kiton Kaparanaum, ŋes ka totoke, ka ikeinacan ka ikekesisiak da; kosala ŋina apaarasia nuikidioko.
13 #
Any 12:1-27. Keapie Aleleŋ naka lyudayan, kodoka Yesu Yerusalem. 14#Mat 21:12,13; Mk 11:15-17; Luk 19:45,46. Kodum kotoma oyekalu lukegwelanarete imoŋin ka amerekekin ka ajeleik da, ka ikesiecanarak arupian iboiete. 15Kosub edaset kaunoi, kireŋea kes kere koyekalu, amerekekin ka imoŋin da; kobuko arupian nuka ikesiecanarak, kobuburiana imesanakec, 16#Luk 2:49. Kolimok ŋul lukegwelanarete ajeleik ebe, “Kolemasi ŋun; sirikituluosi etogo loka Papaka araut logwelanaret.” 17#Sab 69:9. Kiitut ikekesisiak ebe iwadikatai ebe, “Kaari ekokote loka ekonitogo.” 18#Mat 21:23; Yok 3:2. Kosodete koboŋokis Iyudayan kotemasi ŋes atiar, “Aanyunet anyoin nakitodikini ijo sio naarai iswama nu?” 19#Mat 26:61; 27:40; Mk 14:58; 15:29. Koboŋok Yesu ebe, “Kotiyakisi eyekalu lo, ido adukokini eoŋ apaarasia auni.” 20Kosodete kotemasi Iyudayan atiar, “Eyekalu lo lokedukokinio ikar akaisaoŋon ka lukanykape, iduki tope ijo kotoma apaarasia auni?” 21#1 Kor 6:19. Konye enera ŋesi nuka eyekalu loka akuanake. 22Aso nakejarunia kotoma okatwak, kiitut ikekesisiak ebe enerit ŋun; kiyuut nakiwadikatai ka akirot da nakinera Yesu,
23Nakejaar Yerusalem kapak naka epucit loka Aleleŋ, kiyuut ituŋa luipu ekekiror, nakeanyuniata aanyuneta nukiswamai, 24Konye Yesu mam abu komunokina kes, naarai kejeni ituŋa kere, 25#Mk 2:8. komam ipuda ituŋanan aitejenun ŋes nuka ituŋa; naarai kejeni ŋesi elopet nukejaas otuŋa.
Currently Selected:
Yokana 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.