Ageun 48
48
1Kosodi kokau kanun, kolimokinai Yosep ebe, “Koany, edek papakon.” Koyana ŋesi odweke luarei, Manase ka Epuraim. 2Kolimokinai Yakob ebe, “Koany, ebunit okokukon Yosep mama ijai.” Kiriun Isirael, koboikin oitada. 3#Age 28:13,19; 35:6,9. Kobala Yakob Yosep ebe, “Edeke Lokapedor kere abu ketaanyikin koLus kakwap nako Kanaan, kesireren. 4#Age 17:8. Kabala ŋesi eoŋ ebe, ‘Koany, kesuuri, kesupui, ketuluori da atukot naka atekerin: ido ainakini aurikon naetupakini akwap na araun airumet naka ikar ka ikar.’ 5#Age 41:50; 46:20; Yos 13:7; 14:4. Kwana da odwekon luarei, luiwurie ijo koMisiri koroko eoŋ kebuno neiiai koMisiri eraas lukan; eraunos Epuraim ka Manase idweka kwape ka Reuben ka Simeon. 6Aurikon da naiwurienenei kokau kanul, eraun nakon, emaanakinio ikiroria luka iinacanakec kotoma airumukec. 7#Age 35:16-19. Ka eoŋ da, naanyounio koPadan, nukican kotwana Rakel kakwap nako Kanaan korot, koroko apak es alit epol adolore Epurat, kedaik ŋina orot loebei Epurat (ŋes Bet-lekem).”
8Koany Isirael odwe luka Yosep, kobala cbe, “Lukanai bo lu?” 9#Age 27:4; 33:5. Kotema Yosep papake atiar, “Kes odweka lukainakini Edeke kane.” Kobala ebe, “Kisukuny kes, kenainait, eoŋ da elipakini kes arereŋ.” 10#Age 27:1,27. Ido kowariwarete akonye nuka Isirael kanuka amoion, komam epedori asescn. Kisukunyik, kotun, konu. 11#Age 45:26. Kobala Isirael Yosep cbe, “Mam abu kaomite ebe aanyuni akonikonyen; ido koany, ketaany da Edeke aurikon.” 12Kitonyou Yosep kes kokidin kakuninike; kitulur akekonycn kwap. 13Koyanau Yosep kes luarei, Epuraim kakanike nakoteten mama ejai akan nakokediany naka Isirael, ka Manese da kakanike nakokediany, mama ejai akan nakoteten naka Isirael, kisukunyik mama ejai. 14Korio Isirael akekan nakoteten, kidokok akou naka Epuraim, ŋes lodidi, ka akekan nakokediany akou naka Manase, kepelet ailokonyikin akekanin; naarai kerai Manase ekiyai. 15#Bur 11:21. Kilipak Yosep arereŋ, kobala ebe,
“Edeke loalosenenete lukapapaaka Aburaam ka Isaak kakonyeneke,
Edeke loketanyamenenei apaarasiaka kere aitodol lolo,
16 #
Age 28:15; Amo 9:12; Asw 15:17. Emalaika lokalakuni karonis kere, koinak itelepai arereŋ;
ekakiror da kolimitere kes, ka ikiroria luka lukapapaaka Aburaam ka Isaak;
ido koluoros etuŋat loepol kokidin akwap.”
17 #
Age 48:14. Keanyu Yosep papake ibwaikini akekan nakoteten akou naka Epuraim kokadak: kodak akan naka papake alemun kakou naka Epuraim aidokokin akou naka Manase. 18Kotema Yosep papake atiar, “Mam, papa; naarai ŋol ŋes ekiyai, kidokok akanikon nakoteten akouke.” 19#Mar 2:19; Ikis 33:17. Kogiri papake kobala ebe, “Ajeni, oko kuka, ajeni: ŋes da eluori ateker, eluori ŋesi da lokapolon; konye onaceke lodidi ŋes itelekari kapolou, eraun da aurike atekerin nuipu.” 20#Rus 4:11. Kilipak arereŋ kapaaran kaŋin, kobala ebe,
“Kamakon ŋes ilipenena Isirael arereŋ;
ebe, ‘Edeke kituluo kwape Epuraim ka Manase.’’’
Kibwaik Epuraim ageikin Manase. 21#Age 50:24. Kotema Isirael Yosep atiar, “Koany, atwani; konye eiaenena Edeke kayes, kinyakari bobo akwap naka lukapapaakus. 22#Yos 24:32; 1 Siit 5:2; Yok 4:5; Age 34:28; Yos 17:14. Ido kainak ewai #48:22 Arai Aijulul naka Emor. Aburanian Ekeper. ediopet aitelekar iinacanakon, naalemuni kakan naka Emorait kekakilen ka akakabwa.”
Currently Selected:
Ageun 48: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.