Esekiel 3
3
1 #
Esk 2:8,9; Apu 10:9-10. Kabala ebe, “Okoku loka etuŋanan, konyam ŋin yenidumuni; konyam anunuket na, kosodi kolot, kolimok ekek loka Isirael.” 2Kasodi kaooŋ akaituk, kainak eoŋ ainyam anunuket, 3Katema atiar, “Okoku loka etuŋanan, kitanyam akonikoik, kisimonik aboikon anunuket na nakainak.” Kasodi kanyam; kowiny kaitukuka kwape kesik.
4Kosodi katema eoŋ atiar, “Okoku loka etuŋanan, kolot kodol neejai ekek loka Isirael, kiner akakiro mamakee. 5Naarai mam kiiukaritai neejai ateker naegelara aŋajepeke, ido luka aŋajep naetiono, nabarai togo laka Isirael: 6mere neejaas atekerin nuipu nuegelara aijaiepekec ido luka aŋajep naetiono, lumam ipedori ajenun akirokec, Abeit arai keejukarit neejaas ŋul, ti kiirasi. 7#Yok 15:20. Konye ekek loka Isirael, mam kiirarete; naarai mam keirarete eoŋ; naarai ekek loka Isirael kere eraas luegogon akonyen, ido lueninik itauon. 8Koany, etogogon akonikonyen kama ejaas akeeekonyen, etogogon ekonireet da koreetakee. 9#Yer 1:18. Kwape egogoŋior eikep adepar alicait, etuluo kwaŋin ereetekon: sirikikurianar kes, karaida aiurunun ekwenyekec, karaida kerai ekek lokepali.” 10Ido katema eoŋ bobo atiar, “Okoku loka etuŋanan, akakiro kere nukalimokini jo, kiyuu kotaukon, kiira da kakoniki. 11Ido kolot, kodol neejaas nul luijoreoritai, neejaas idwe luka ikonituŋa, kiner kakes kolimok ebe, ‘Inera kwanata Ejakait EDEKE’; arai iirarete arai eŋerete akiirar.”
12 #
Esk 8:3; Asw 8:39. Kosodi kadaka eoŋ Emoyo, keira kokauka eporoto loka aunya naepol, inera ebe, Kituritete aibuses naka EJAKAIT kaiboisike. 13Keira eporoto loka abebenoka nuka isuban lukajarak eretonokinos, ka eporoto loka akokoron kosiepikee, eporoto loka aunya naepol. 14#2 Ika 3:15. Kosodi kadaka eoŋ Emoyo, kayana: kalot kakadakinit, komulai ekatau, kicasite da akan naka EJAKAIT kamakaŋ. 15#Yob 2:13; Sab 137:1. Kasodi abunore mama ejaas lukijoreoritono Tel-abib, lueboiete kariri naka ecor Kebar, neiboioto, Keboikin mamakee etirirai apaarasia akanykaarei,
16Kosodi kanen ketuboros apaarasia akanykaarei, kobu akirot naka EJAKAIT mama ajai, ebala ebe: 17#Eko 3:3; 5:7; Isa 21:6,8,11,12; 52:8; 56:10; Yer 6:17.“Okoku loka etuŋanan, ketarau jo ekedaran loka ekek loka Isirael: asa kiira akiro nuka aitukuka, kikwenya kes kanukan. 18#Rom 1:16; 1 Tim 4:16; Esk 33:6. Arai katema ikaronon atiar, ‘Abeit itwani’; komam jo ikwenyari ŋes, ido komam inera aikwenyar ikaronon anyoun korotoke loerono, aitaiar akeijar; etwanikini ikaronon ŋin toma numam adoliteke; konye etepeseni akeokot kakanikon. 19#Asw 20:26. Konye arai ikwenyari ikaronon, kogiri aibelokin ainyein akeronis, karaida anyoun korotoke loerono, etwanikini toma numam adoliteke; konye kitajarite ijo akoniiiar. 20#Esk 18:24; 2 Pet 2:20. Bobo da, kibelokin ikadoliton ainyein akedolit, kiswama numam adolit, kebwaik eoŋ ekomio kakonyeneke, etwani; naarai mam ikwenyarit, etwanikini toma aronisike, mam iitunio akeswamisio nukadolit nueswamat; konye etepeseni akeokot kakanikon. 21#Rom 2:7; Asw 18:6. Konye arai ikwenyari ikadoliton, kinyek ikadoliton aidiak, komam ediaki, abeit eiari, naarai aeamu aikwenyario; ijo da kitajarite akoniijar.”
22 #
Esk 8:4. Koiau akan naka EJAKAIT mamakan kaŋina, kabala ebe, “Konyou, kolot apuuton, kineri eoŋ kajo kaŋina.” 23#Esk 1:1,28. Kasodi kanyou, kalot apuuton: ido koany, abwoi aibuses naka EJAKAIT kaŋina, kwape aibuses naabu kaanyunite kariri naka ecor Kebar: kebiror ebuburia, 24#Esk 2:2. Kalomak Emoyo, kesibwo kakejeneka; kiner keoŋ, katema atiar, “Kolot, kogolokin togokon, 25#Esk 4:8. Konye jo, okoku loka etuŋanan, koany, kibwaikinio irikoi, kienere, tetere mam ipedori alomun otuŋa, 26#Esk 24:27; 2:5,6; Luk 1:20-22. Esimakakini anajepeken kodokolikon, korau ebaŋ, komam ipedori aitoron kes; naarai eraas ekek lokepali. 27#Esk 24:27; 33:22; 12:2,3. Konye nakineria eoŋ kajo, esiwoonari akoniituk, ijo da ilimokini kes ebe, ‘Inera Ejakait EDEKE kwanata’; Ŋin yeniirari, kiira; ka ŋin da yeneneri akiirar koŋer; naarai eraas ekek lokepali.
Currently Selected:
Esekiel 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.