Anyoun 4
4
1Koboŋok Musa atiar, “Konye, koany, mam keyuunete eoŋ karaida akiirar ekaporoto: naarai etemarete atiar, ‘Mam EJAKAIT kitaanyikina jo.’’’ 2Kotema EJAKAIT atiar, “Inyo bo ŋin ejai akanikon? “Kotema atiar, “Ebela.” 3Kotema atiar, “Kocakak kwap.” Kocakak kwap, koluor ebela emun; koker Musa kamake. 4Kotema EJAKAIT Musa atiar, “Korio akonikan, kitiŋ ekekori”: (korio akekan, kitiŋ, koraun emun ebela kakanike:) 5#Any 19:9. “Tetere iyuunete ebe, abu EJAKAIT, Edeke loka lukapapaakec, Edeke loka Aburaam, Edeke loka Isaak, Edeke loka Yakob, kitaanyikin jo.” 6#Mar 12:10; 2 Ika 5:27. Kotema EJAKAIT bobo atiar, “Kipiik akonikan atorobukon.” Kipiik akekan atorobuke: konye elemari, koany, ebokoror akekan atapon. 7#Mar 12:13,14; Ikis 32:39; 2 Ika 5:14; Mat 8:3. Kobala ebe, “Kinyakak akonikan atorobukon.” (Kinyakak akekan atorobuke; konye elemari katorobuke, koputokinos kakuanake kere.) 8“Kosodi kanen, arai mam kes kiyuunete jo karaida akiirar eporoto loka aanyunet nasodit, iyuunete ke si eporoto loka aanyunet nakiareit. 9#Any 7:19. Kosodi arai mam iyuunete aanyuneta ŋun nuarei, karaida akiirar eporotokon, iwokuni akipi nukocor kobukok neconit: akipi nuiwokuni kocor eluoros aokot kaneeonit.”
10 #
Any 6:12; Yer 1:6. Kotema Musa EJAKAIT atiar, “Wu EJAKAIT, mere eoŋ ojijimikiro, karaida mam enerana, elaŋir da aŋajepeka.” 11#Sab 94:9. Kotema EJAKAIT atiar, “Iŋai kesubi aituk naka ituŋanan? arai iŋai itababaŋi ituŋanan, arai aisikimiŋ, arai aitwekenyun arai aitumudak? mere Eoŋ EJAKAIT? 12#Isa 50:4; Yer 1:9; Mat 10:19; Mk 13:11; Luk 12:11,12; 21:14. Aso do kolot, ajaenena eoŋ kakoniituk, kesisianakini nuinera.” 13#Yok 1:3. Kotema atiar, “Wu EJAKAIT, keŋaiŋait, kijuka ŋol loikoto aijukar.” 14Kinep anyunyura naka Edeke aluikin Musa, kiner atiar, “Emamei Aaron onacekon Elebit? Ajeni ebe epedori ener ejok. Ido koany, ebunit airiamun kajo; kiiany jo iyalamikin kotauke. 15#Mar 23:12; Ikis 18:18; Isa 51:16; Yer 1:9; Ikis 5:31. Ineri ijo kaŋes, ipiikini da akiro aitukuke: eoŋ da ajaenena kakoniituk, ka akeituk, kesisianakinete nuiswamaete. 16#Any 7:1; 18:19. Eraun ŋesi ekeneranikon kama ejaas ituŋa; kosodi eraun ŋesi akoniituk, iraun ijo da kamake kwape Edeke. 17Itiŋi ijo ebela lo kakanikon, aiswamaa aanyuneta.”
18Kolot Musa koboŋo mama ejai Yetero ekamuranike, kotema atiar, “Keŋaiŋait, kisiikinai kalot, kaboŋo mama ejaas ikainacan luejaas Misiri, kaany arai eriŋa ejarete.” Kotema Yetero Musa atiar, “Kolot kainapakin.” 19#Any 2:15,23; Mat 2:20. Kotema EJAKAIT Musa koMidian atiar, “Kolot, koboŋo Misiri: naarai atwaka ituŋa kere luakotosi aiar jo.” 20#Any 17:9; Mar 20:8. Koya Musa akeberu ka odweke, kisibwanen kes asigiria, koboŋo akwap nako Misiri: koya Musa ebela loka Edeke kakanike.
21 #
Yos 11:20; 1 Sam 6:6; Dan 5:20; Rom 9:14-23; Yak 1:13-17. Kotema EJAKAIT Musa atiar, “Naiboŋoria Misiri, ibusakinit kiswama kakonyen nuka Parao nukaumokin kere nuepiik akanikon; konye etogogoŋi eketau, mam isiikini ituŋa alosit. 22#Kos 11:1; Rom 9:4; 2 Kor 6:18; Yer 31:9; Yak 1:18. Ilimokini Parao atiar, ‘lnera EJAKAIT kwanata ebe, Isirael ŋes okokuka, ekiyaika. 23#Any 11:5; 12:29. Katema eoŋ jo atiar, “Kisiik okokuka alosit kejaanak eoŋ.” Igir ijo aisiikin ŋes alosit; koany, aari okokukon, ekiyaikon.’”
24 #
Mar 22:22; Age 17:14. Kosodi eroko ejaas orot neaperete, kiriamunos EJAKAIT kaŋes kokoto aiar. 25#Yos 5:2,3. Kosodi Sipora alemun amoru naekwana kotubunio amuny naka ekiliokane loka okokuke, kocakak akejen nuka Musa; kotema atiar, “Abeit irai ijo eteran loka aokot kamakaŋ.” 26Kinyek do ŋes. Kosodi nm atemar ebe, “Irai eteran loka aokot,” kanuka akepio.
27 #
Any 3:1. Kotema Edeke Aaron atiar, “Kolot modin kiriamunos ka Musa.” Kolot, kiriamunos kaŋes moru loka Edeke, konu. 28Kolimok Musa Aaron akiro kere nuka EJAKAIT nuejukaritor, ka aanyuneta kere nuecorakinit. 29#Any 3:16. Koloto Musa ka Aaron kotukonokisi imakio kere luka idwe luka Isirael; 30Kiner Aaron akiro ke re nualimokinit Edeke Musa, kiswama aanyuneta kakonyen nuka ituŋa. 31#Any 2:25; 3:16,18; Age 24:26; Any 12:27; 1 Siit 29:20. Kiyuut ituŋa: kiirasi ebe aanyana EJAKAIT idwe luka Isirael, aanyu da aiticaniokec, kituluro akwesikec, komaata.
Currently Selected:
Anyoun 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.