Anyoun 2
2
1 #
Any 6:20; Mar 26:59; 1 Siit 23:13,14. Kosodi kolot etuŋanan lokokek loka Lebi komany akoku naka Lebi. 2#Asw 7:20; Bur 11:23. Kopotuu aberu, kouru ikoku yenitelepat: konye keanyu ebe ejokuna, kibwa ber ŋes ilapio iuni. 3Kosodi keanyu ebc mam epedori aibwait bobo, koyaŋa eijaŋ loka aladoi, kinyonyo erit ka emina, kibwaik ikoku toma, kibwaik okido ariri naka ecor. 4#Any 15:20; Mar 26:59. Kobwoi kinacike kaneelwana, ajenun nuedoikinete ŋes. 5#Asw 7:21. Kolot akoku naka Parao ailoŋ ocor; koloto apesuruke ariri naka ecor; koany eijaŋ kokido, kijukak akebulesit alemun. 6Kopuko, koany ikoku; ido ko any, komony ikoku. Kitim, kobala ebe, “Yen ŋes idiopet kodwe luka Iburanian.” 7Kosodi kinacike kotema akoku naka Parao ebe, “Alosi ca kanyarak jo aketanakan kaŋor nuka Iburanian kitanakik ikoku?” 8Kotema akoku naka Parao atiar, “Kolot.” Kolot apese konyarau toto naka ikoku alopet. 9Kotema akoku naka Parao atiar, “Koyaŋa ikoku yen kitanakik, eoŋ da kainakini jo eropitikon.” Koyaŋa aberu ikoku, kitanak. 10#Asw 7:21. Kopoloor ikoku, koinu akoku naka Parao, koluor ikekoku. Komaik ekekiror Musa, koba la ebe, “Naarai alemuni kakipi.”
11 #
Asw 7:23-28. Kosodi kapaarasia kaŋun, kedau Musa apoloor, kolot mama ejaas ikeinaean, koany abwokonikec: koany Emisiriat eseni Eburaniat, ediopet koinaeanake. #Bur 11:24. 12Koŋoleŋol epuwai ka epuwai, koany ebe emamei icliotuŋanan, kosen Emisiriat, konukak asiŋe. 13Kosodi kolot kapaaran nakiareit, ido koany, ajios ituŋa iarei luka Iburanian: kotema ŋesi je loasubit erono ebe, “Kanukinyo isenio yenicekon?” 14Kobala ebe, “Iŋai bo kitarauni jo ekosikapolon ekatubonikosi da? Ikoto kereka aiar eoŋ da kwape iaria Emisiriat?” Koyoŋ Musa, kobala ebe, “Abelt ajenun akirot ŋin.” 15#Asw 7:29; Bur 11:27; Age 24:11; 29:2. Kosodi kiira Parao akiro ŋun, kokoto aiar Musa.
Konye koker Musa kakonyen nuka Parao, kiboikin akwap naka Midian: kiboikin eiduny katan. 16#Any 3:1; Age 29:10; 1 Sam 9:11. Ajaas esasedoti loka Midian adweke akanykaarei; kopotu aiwok akipi, kilelebata atuba, kiruata amerekekin nuka papakec. 17Kopotu ikeeokok kireŋeasi: konye konyou Musa kiŋarak, kiru esipanikec. 18#Mar 10:29. Kepotu mama ejai papakec Reuel, kobala ebe, “Ipotu ca yesi lolo atipet?” 19Kobalas ebe, “Emisiriat ŋes kiyuuni sio kakanin nuka ikecokok, bobo da abu kowokok sio akipi, kiru esipan.” 20#Age 31:54. Kotema adweke ebe, “Ejai bai? Kanukinyo kinyeiniata etuŋanan uŋol? Konyarautu konyam inyamat.” 21Kiyu Musa aiboi ketuŋanan kaŋol: kokorak Musa akokuke Sipora. 22#Any 18:3; Bur 11:13. Kouru ikoku yenitelepat, komaik ekekiror Geresom: naarai kobala ebe, “Arai epejonon kakwap naka imo.”
23 #
Any 7:7; Sab 12:5; Age 18:20; Ikis 24:15; Yak 5:4. Kosodi kapaarasia kaŋun nuipu, kotwana ekabaka loka Misiri: kidinyas idwe luka Isirael kanuka ebulesenekec, komonyata, kodol aimonyokec neejai Edeke kanuka ebulesenekec. 24#Age 15:13-14; Any 6:5; Sab 105:8. Kopup Edeke eidinyakec, kiitu Edeke aitutuketeke naetutukit kAburaam, ka Isaak, ka Yakob. 25#2 Sam 16:12; Luk 1:25. Koany Edeke idwe luka Isirael, kojen Edeke nukec.
Currently Selected:
Anyoun 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.