2 Samuel 24
24
1 #
2 Sam 16:10; 21:1; 1 Ika 22:22; 1 Siit 21:1; Yak 1:13; 1 Siit 27:23. Kinep bobo anyunyura naka EJAKAIT aluikin Isirael, kisidik Daudi aluikin kes ebe, “Kolot, kimar Isirael ka Yuda.” 2#Age 26:4; Ikis 8:13,14; 2 Siit 32:25,26; Awa 18:12; 29:23; Yer 17:5. Kotema ekabaka Yoab ekapolon loka ajore lokejai kaŋes ebe, “Kirimirim anatar atekerin kere nuka Isirael ageun koDan kiton Beer-seba, kimarata ituŋa, kajenu eoŋ etiai loka ituŋa.” 3Kotema Yoab ekabaka atiar, “Kiyatak EJAKAIT Ekonideke ituŋa kwape ejaar etiaikec irwan akwatat, koanyutu akonye nuka ekajakait ekabaka: konye kanukinyo kisiyalamikinitor ŋin ekajakait ekabaka?” 4#1 Siit 21:4; Lim 8:4; Asw 5:29. Kiteleka do akirot naka ekabaka ŋin naka Yoab ka naka ikapolok luka ajore. Koloma Yoab ka ikapolok luka ajore kaneajai ekabaka aimar ituŋa luka Isirael. 5#Ikis 2:36; Mar 32:1,3. Kikwaŋaros Yorodan, kidukuroto Aroer, kari nakoteten naka ere loejai kidiŋ aditot naka Gad, kiton Yaser: 6#Yos 19:47; Tub 18:28,29; Yos 19:28. Kosodete adolokin Gilead, kiton akwap naka Tatimodisi; kodolot Dan-yaan, kirimosi kiton Sidon, 7Kodolot abwas naka Turo, kiton oreria kere luka Ikibin, ka luka Ikanaanin: kolomasi kiton ari naka eŋalakimak naka Yuda, koBeer-seba. 8Aso kedaut airimirim anatar akwap kere, kopotu kesi Yerusalem ketuboros ilapio ikanykaoŋon ka apaarasia akaisaarei. 9#1 Siit 21:5. Abu Yoab koinak ekabaka etiai loka ituŋa luemari ŋesi: kojaas koIsirael ituŋa ilukumin akwat akanykauni luketitiŋ luautununere ikileŋa; emwaasi ituŋa luka Yuda ilukumin akwat akany,
10 #
1 Sam 24:5; Awa 18:4; 1 Yok 3:20; 2 Sam 12:13; 1 Siit 21:8; Yob 33:27,28; Sab 25:11; 1 Sam 13:13. Kodusaun Daudi etau kedau aimar ituŋa. Kotema Daudi EJAKAIT atiar, “Adiaka noi kanueswama: konye wu EJAKAIT, keŋaiŋait, kolema numam adolit nuka ekonikejaanakinan; naarai eswama eoŋ nukabaŋaanut naepol.” 11#1 Sam 22:5; 9:9. Kenyou Daudi tupuruc, kobu akirot naka EJAKAIT mama ejai cnebi Gad, ekadwaran loka Daudi, ebe, 12“Kolot kolimok Daudi ebe, ‘Inera EJAKAIT kwanata ebe, Kejaik jo akiro auni; koseu ijo adiopet kakesi, tetere keswamakini jo.’’’ 13#1 Siit 21:12. Kobu do Gad mama ejai Daudi, kolimok ŋes, kotema ŋes atiar, “Epote kereka ikar ikanykaarei luka ebeli mamakon kakwapukon? Arai bo ikeri kereka ijo ilapio iuni kakonyen nuka lukasurupokon korukitotor kesi jo? Arai bo ejaun atular apaarasia auni kakwapukon? Aso kiner, koomoom nuaboŋokini eoŋ ŋol lokejukuni.” 14#Sab 103:8; 119:156; Isa 47:6; Sek 1:15. Kotema Daudi Gad atiar, “Katiokikis noi; mere kebirokinos akan naka EJAKAIT; naarai epol akeitim: kenyek aibirokin akan naka ituŋanan.”
15 #
1 Siit 21:14; 27:24. Kijuk EJAKAIT atular toma Isiracl ageun tupuruc kiton apak nakeseunitai: kotwakata ituŋa ilukumin akaisakanykaarci ageun koDan kiton Beer-seba. 16#Any 12:23; 1 Siit 21:15; Sab 104:4; Age 6:6; 1 Sam 15:11; Sab 78:38; Yer 18:5-10; Yok 2:13; Yok 3:10; 1 Siit 21:15. Nakerio emalaika akekan adodit Yerusalem amudiar ŋes, kiitu EJAKAIT aronis, kotema emalaika loamudiari ituŋa atiar, “Adol do; kinyaka akonikan.” Edunyas emalaika loka EJAKAIT kepejal loka Arauna Eyebusit. 17#1 Siit 21:17. Keanyu Daudi emalaika loadanyi ituŋa kotema Daudi EJAKAIT atiar, “Koany, adiaka eoŋ, eswama nukepali: konye amerekekin nu, eswamata anyoika? Keŋaiŋait kaluik eoŋ akonikan, ka ekek loka papaka.”
18 #
1 Siit 21:18. Kobu Gad mama ejai Daudi kapaaran kaŋin, kotema ŋes atiar, “Kolot, kodukok EJAKAIT etem opejal loka Arauna Eyebusit.” 19Kolot Daudi kwape ejaar akirot naka Gad, kwape ecorakinia EJAKAIT. 20Kiteluo Arauna, koany eka baka ka ikekejaanakinak eponito mama ejai ŋesi: kolom Arauna kokukum kakonyen nuka ekabaka kitulurite akekou. 21#Age 23:8; Mar 16:48. Kotema Arauna atiar, “Kanukinyo ebunitor ekajakait ekabaka mama ejai ekekejaanakinan?” Kotema Daudi atiar, “Agwelakin kajo epejal, adukokin EJAKAIT etem, tetere enaŋi atular kotuŋa.” 22#1 Ika 19:21. Kotema Arauna Daudi atiar, “Koyaŋa ekajakait ekabaka koinak nuitojokit ŋesi: koany, imoŋin luka ainakinet naicweio, ka iboro lukicomet, ka iboro luka imoŋin araun akitoke: 23#Sab 20:3; 119:108; Esk 20:40; 1 Pet 2:5. Wu ekabaka, einakini Arauna ŋun kere mama ejai ekabaka.” Kotema Arauna ekabaka atiar, “Kocam EJAKAIT Ekonideke jo.” 24#1 Siit 21:24. Kotema ekabaka Arauna atiar, “Mam; konye abeit kigwelakin kotiaike: mam ainakini EJAKAIT Ekadeke ainakineta nuicweio kiboro kaluiinakina taai.” Kwaŋin kogwel Daudi epejal ka imoŋin kisekelin akaisakany nuka epuesa. 25#1 Siit 21:28; 22:1; 2 Sam 21:14; 2 Siit 33:13; Isa 19:22. Kodukok Daudi EJAKAIT etem nepenen, koinak ainakineta nuicweio, ka ainakineta nuka ainapakin. Kwaŋin kiira EJAKAIT aiŋaiŋaikinio naka akwap, konaŋ atular koIsirael.
Currently Selected:
2 Samuel 24: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.