2 Ikorinton 2
2
1 #
2 Kor 12:21; 1 Kor 4:21. Konye alosikinit na ebe mam bobo abuni mamakus kotoma akadakinit. 2Naarai arai keetakadik yes, aso iŋai bo ketalakari eoŋ, dimarai ŋol loetakadikinit eoŋ? 3Abu kewadikak ŋupeŋun kenyek naabunio akadakin kanuka ŋul lutiketalakasi eoŋ, naamunokinor yes kere ebe alakaraka ŋes nakus da kere. 4#Asw 20:31. Naarai abu kewadikak yes kotoma aiticanio naepol ka aburun naka etau, ka akiyo da nuipu, mere aitakadikin yes, dimarai tetere ijenunete kwape edeparitor noi aminaka mamakus.
5 #
1 Kor 5:1. Konye arai itakadikinit ituŋanan, mam ketakadikinit eoŋ bon, dimarai yes kere nepetai, kenyek ainuar. 6Ilosikino aiticanet ŋin yenikoni nen naedumuni kama ejaas luipu; 7ŋes ibusakinitor yes gwai aitim ka aitalakar ituŋanan yenikoni nen, kinyek diat yenikoni nen ailikorio kotoma akadakinike naedeparit. 8Kanuka ŋun keŋaiŋait yes aitogogoŋ amin kamakeŋ. 9#2 Kor 7:15. Naarai abu kewadik kanuka ŋun, tetere ketemi yes, wolo bo irimasi kotoma akiro kere. 10#Luk 10:16. Konye arai isioniete ituŋanan akirot kere, eoŋ da esioniei ŋes. Naarai arai esionit ituŋanan akirot, esionit kanukus, kakonyen nuka Kristo, 11#Luk 22:31. kinye Satan aipikor oni; naarai mam kiswakit aijen iboteike.
12 #
Asw 20:1; 14:27; 1 Kor 16:9. Naadolio Teroa alimonokin Akiro Nukajokak nuka Kristo, aponi kaŋaikin ekek kotoma Ejakait; 13konye mam ekamoyo eyeŋunit naarai mam adumunit Tito onaceka. Konye abu katwar kes, kalot Makedonia.
14Konye kimalai Edeke lokisipikonori tir kotoma Kristo, ido loitodiari aures naka aijen ŋes kaŋiniibois kotomakosi. 15#1 Kor 1:18. Naarai kirai isio asakat naka Kristo kama ejai Edeke, kotoma kaŋul kaluitaiario, kaŋul da lueoliorito, 16#2 Kor 3:5,6; Luk 2:34. mama ejaas lukiareit, aures naka atwanare naeyauni atwanare, konye mama ejaas ŋul lusodit aures naka aijar naeyauni aijar. Iŋai kereka ilosikino ŋun? 17#2 Kor 1:12; 1 Pet 4:11. Naarai mam kirai kwape luipu luegwelanarete akirot naka Edeke, konye kinera kotoma Kristo kwape luipiororoete itauon, kwape luepote kama ka Edeke, akonyen nuka Edeke.
Currently Selected:
2 Ikorinton 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.