1 Timoteo 6
6
1 #
Pes 6:5; Tit 2:9,10. Kere lueraas ibulesin kwap kajookot, koomitos ijakakec araut luibusakinito ayoŋio kere, kinyek ekiror loka Edeke ka aisisianakin da ainyanakinio. 2#Plm 1:16. Ido luejaas ijaka luiyuunito, sirikemwaŋata kes, naarai eraas iinacan, konye gwai kiyatakis aijaanakin kes, naarai luedumunete ajokis naka aswamukec eraas luiyuunito, luminan da.
Kisisianakin ŋun, kicor da. 3#Gal 1:6-9; 2 Tim 1:13. Arai isisianakini ituŋanan nuegelara komam enupit akiro nuejarete nuka Ejakaitiwok Yesu Kristo, ka aisisianakin da naetupit ayoŋit Edeke, 4edakunun, komam ejeŋi akirot, konye edek ipegeta, ka ijiisio luka akiro, mama eponiata ekokote, aŋolopa, ainyanakin, aomoom nueroko, 5#2 Tim 3:8; 4:4; Tit 1:14. iceleta luka ituŋa luamunaar acoakec, lualemar abeit, lueomito ebe ayoŋit Edeke ŋes adumun ameda, 6#1 Tim 4:8; Bur 13:5; Pil 4:11,12. Konye ayoŋit Edeke nepepe kalakara ŋes ameda naepol. 7#Lim 5:14; Yob 1:21. Naarai mam kiyaunit ibore toma akwap, ido mam kipedori ayaŋaar ibore; 8#Awa 30:8. konye kijaa ka inyamat ka inapen, kalakaros kaŋul. 9#Awa 23:4; 28:22. Konye luekotos abar ebirokinos acodunio ka atacit, ka eimiel loepol loemamei acoa ka loimadiŋi da, aitulum ituŋa toma aolior ka amudiar. 10#Pes 5:5. Naarai amin apesan ŋes aliasit naka aronisio kere; ejaas ituŋa luiŋaŋatos ŋun, kesodete kitapaaros anyoun kotoma aiyuun, kicumakinos cut kican luipu.
11 #
2 Tim 2:22. Konye jo, wu etuŋanan loka Edeke, koker ŋun, kotupenenei adolit, ayoŋit Edeke, aiyuun, amin, atitiŋikin, ka aiyapepera da. 12#1 Kor 9:25,26; 2 Tim 4:7. Koji ejie lokajokan loka aiyuun; kitiŋ aijar naka ikar kere, nakinyarakinitai, nailimorit alimoret naejok kakonyen nuka ikajenak luipu. 13#Yok 18:36,37; 19:11. Kecori jo kakonyen nuka Edeke loeinakini kere aijar, ka Kristo Yesu loetejenuni alimoret naejok mama ejai Pontio Pilato, 14kidarenenei aicorakinet komamei akemer, komamei da aitoronet, kiton atakanun naka Ejakaitiwok Yesu Kristo; 15#1 Tim 1:11; Apu 17:14; Ikis 10:17. naitodikini kapakioke Elopet apedor ediopet bon loituritoi, Ekabaka loka ikabakan, Ejakait da loka ijaka, 16#Any 33:20. lobon ejai amamus atwanare, loiboie toma aica namam edolokinio, lomam idiotuŋanan eanyunit, emamei da yenepedori aanyun. Kojai aibuses ka apedor naka ikar kere mamakeŋ, Amen.
17 #
Sab 62:10; Luk 12:20; Rom 12:16. Kicorenenei lukabarak luka ikar kalu kinyeis aitopoloor, karaida amunokin abar namam erai naduc, konye komunokinos Edeke, lokiinakini oni iboro kere kabarara tetere kisiyalamanakin kaŋun, 18Kiswamata nuejok, kobarata kotoma aswamisio nuejok, koraas ikakorak, ikamorak da, 19#Mat 6:20. kidiasete bonik apetetait naejok kanuka apaarasia nuepote, tetere itiŋete aijar naerai aijar obe.
20 #
1 Tim 4:7; 2 Tim 1:14. Wu jo Timoteo, kidar nakititinitai. Kinacite akiro nutai numam eraas nuka edini, ka airebokin akiro nuenyaritai aijen kotoma aiŋal, 21#1 Tim 1:6; 2 Tim 2:18. ejaas icetuŋa lualimosi ŋun, kosodete apaar kotoma aiyuun.
Kojai asianut kayes.
Currently Selected:
1 Timoteo 6: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.