1 Timoteo 2
2
1 #
Pil 4:6. Aso nasodit kakere, ecori ebe kiswamaenenete aiŋaiŋa, ka ailip, ka aipur, ka aimal da, kanuka ituŋa kere, 2kanuka ikabakan ka ŋul kere luejaas apolou, tetere kijaun kaijar naitenera, naiyamakina, toma ayoŋit Edeke, ka aiyaparit kere. 3#1 Tim 1:1; 4:10. Ejok ŋun, ido ecamunitai kakonyen nuka Edeke Eketajaraniwok, 4#Esk 18:23; 2 Pet 3:9. loekot ituŋa kere aitaiario, adolokin da ajenun abeit. 5#Rom 3:29,30; Bur 12:24. Naarai ejai Edeke ediopet, ejai da ekadiekan ediopet loka Edeke ka ituŋa, ŋes etuŋanan Kristo Yesu, 6#Gal 1:4; 2:20; Tit 2:14. loabu koluŋakin araun alakunet kanuka kere, aitejenunet naejaun kapakioke. 7#2 Tim 1:11; Gal 2:7,8. Kebwaikinitai eoŋ araun ekalimonokinan, ekiyakia da kanuka ŋun, (enera abeit, mam eŋalai) ekesisianakinan loka Imo kotoma aiyuun ka abeit,
8Ŋes akotor ikiliok ailipenen kotoma ŋiniibois, koriorito akanin nukalaunak komamei anyunyura karaida aŋolopa; 9#1 Pet 3:3-5. kwape kwaŋin da aŋor kisirete anapito nuibusak, kaitasono ka acoit, mere kaicip itim, karaida kesabu, karaida ilulun, karaida igoen luketiai, 10#1 Tim 5:10. dimarai kaswamisio nuejok, kwape ibusakinitor aŋor nuelimorete ebe eyoŋito Edeke. 11#Pes 5:22. Kisisia aberu kaiyamakina kanonokikinit kere, 12#1 Kor 14:34; Age 3:16. Konye mam esiikinit aberu aisisianakin, karaida ayait ekiliokit, dimarai aiyamaara. 13#Age 1:27; 2:7,21-22; 1 Kor 11:8,9. Naarai kisiau Adam asubio, kosodi konyet Keba. 14#Age 3:1-6; 2 Kor 11:3. Bobo da mam Adam kijodijoditoi, konye Keba ejodijoditoi, kojaikin aibucar. 15Konye itajario aberu kanuka auruun idwe, arai esalete kesi toma aiyuun, ka amin, ka alaunit nepepe kacoit.
Currently Selected:
1 Timoteo 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.