1 Petero 4
4
1 #
Rom 6:2,7. Aso naarai Kristo aponi kisiriebai akuan, konapenenete yesi da lujiis luka aomisioit kaŋin, naarai yenisiriebio akuan enyek adiakar, 2#1 Yok 2:16,17. tetere idaunete apaarasiakus nuideuna iriŋa ijaas toma akuan, mere bobo kanuka aiŋobel naka ituŋa, konye kanuka ŋun nuekot Edeke. 3#Pes 2:2,3; Tit 3:3. Naarai apaarasia nuatuboros kidaunito aiswamaenen nuekotos Imo, alosenen toma abenyanut, aiŋobel, emeret, aboliasio, edeŋo, ka aima da aputosia nuketal. 4Isiwumokinito kes naarai mam ikerete nepepe kakes kotoma oponesio ŋupeŋul luutai, komoromoroete yes; 5#Asw 10:42; 2 Tim 4:1; Rom 14:9,10. konye inyakunete kesi akirot mama ejai ŋol loitemonokino atubokin lukajarak ka lukatwak da. 6#1 Pet 3:19; Rom 8:10; 1 Kor 5:5. Naarai ŋin ŋes elimonokinere lukatwak da Akiro Nukajokak, tetere kes da etubokinio kwape ituŋa luejaas awat, konye kojarata kotoma omoyo kwape ka Edeke,
7 #
1 Kor 10:11; 1 Yok 2:18. Eapie awasia naka iboro kere; aso koomito kacoit, kinyeis da amer, tetere ilipenenete. 8#Awa 10:12; 1 Pet 1:22; Yak 5:20; 1 Kor 13:7. Aitelekarit kere kodunyakis noi aminanara, naarai erapari amin adiakanareta nukepuak. 9#Bur 13:2. Kisukunyanakinete ipejok bonik ka bonik, komamei aŋuurian. 10#Luk 12:42. Kwape kedumunia ŋinituŋanan ainakinet, kijaanakis lucekus kaŋin, kwape ikeŋadak luejok luka asianut naka Edeke naka iponesio luipu; 11#Rom 3:2; 12:7; 1 Kor 10:31. arai ejai yeninera, kwape yeninera akiro nuka Edeke; arai ejai yenijaanakini, kwape kanuka agogoŋ naekori Edeke; tetere itopolooritai Edeke kotoma kere kanuka Yesu Kristo. Aibuses ka ayait kojaas mamakeŋ ikar ka ikar. Amen,
12 #
1 Pet 1:6,7. Luminan, siriwumokinete aitemio naka akim nakibunokinit yes, bala kidoik yes ibore yenikaumokin. 13#Asw 5:41; Yak 1:2; Rom 8:17; 2 Tim 2:12. Konye kiyalamasi naarai imorete aisiriebio naka Kristo, tetere naepukorere da akeibuses, iyalamas kailel naepol. 14#1 Pet 2:20; Isa 11:2; Sab 89:50,51. Arai kiimoromoroi kanuka ekiror loka Kristo, isirereŋitoi, naarai kidoik yes Emoyo loka aibuses, ka loka Edeke da. 15Konye kinyek idio kayesi aisiriebio kanuka araut ikaaran, arai bo ikokolan, arai yeniswamai nueroko, arai kanuka araut yeniramaana; 16#Asw 11:26; Pil 1:20. konye arai kisiriebio kanuka araut Ikristayot, kinyeis ileic airum, konye kitopoloor Edeke kokiror kaŋol. 17#Esk 9:6; Yer 25:29; 2 Ses 1:8. Naarai adol apak naegeunere atubokin lukokal loka Edeke; ido arai egeuni kaoni, anyoin bo awasia naka ŋul lumam erimasi Akiro Nukajokak nuka Edeke? 18#Awa 11:31; Luk 23:31. Bobo da, ebe,
“Arai etiono aitajar ikadoliton,
Ai bo do etakanunia yenikepali ka ikadiakanaran?”
19 #
Sab 31:5. Kanuka ŋun kiswamata ejok ŋul luisiriebio kwape ejaar akot naka Edeke, kisiŋadata Ekasuban lomunot akeceijar.
Currently Selected:
1 Petero 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.