Jirimaya 1
1
Tâ krikanka bîla nani ba
1Jirimaya aisan bîla nani bara diara nani daukan ba. Jirimaya Hilquías luhpia waitna prîs nani kiamka tila wina ba, Benjamín tasbaya ra tawan kum nina Anatot,#1 Ki 2.26-27. witin baha tasbaya ra iwi kan. 2Dawan ba Jirimaya ra aisin, ba piua ra Josías#2 Ki 22.3—23.27; 2 Kr 34.8—35.19. Amón luhpia waitna ba pat 13 mani Juda kingka aimaki kan. 3Baku sin Josías luhpia waitna Joaquim#2 Ki 23.36—24.7; 2 Kr 36.5-8. Juda kingka kan ba piua ra sin Dawan bui witin ra aisin, bara baku ban aisi kan Sedequías#2 Ki 24.18—25.21; 2 Kr 36.11-21. Josías lupia waitna ba 11 mani Juda kingka aimaki kan piua ba kat; bamna wibia kaka baha manka ra kati 5 aimakan ba katka ra sika Jerusalem uplika nani ba priski tasba wala ra brih wan ba.
Dawan bui Jirimaya ra paiwisa
4Dawan ba yang ra aisi si bara naku ai win:
5“Man kau mamikam biara ra aimakras katma ba kaina wina
pat man ba yang warkki daukaia bâk mai saki mai paiwri kan;
kau mai baikras kata ba yua ba wina pat aihka mai sakri kan;
tasba aiska ra waia nisan nani ra yang daihra aisaia dukiara.”#Ais 49.1; Gal 1.15.
6Yang pana wîri:
“¡Ay, Dawan! ¡Yang sika wahma pali sna,
sturi aisaia sin lan âpu sna!”
7Sakuna Dawan bui ai win:
“Man aisapara uba wahma sma.
Yang anira mai blikamna ba, man bâra waia sma,
baku sin yang dîa aisaia maikamna ba baha sika aisama.
8Man upla kum ra sin sîa briaia apia sma,
kan yang lika man wal kamna kainam sunaia.
Yang, Dawankam, aisisna.”
9Bara Dawan ai mihta sakbi uni ra kangbi bara ai win:
10“Yang aisaia sna ba man unam ra mangkisna,
bara naiwa karnika sut maikisna
king nani purara, nisan nani purara sin,
daikaia, batakaia,
sauhki tikaia, kriki tikaia,
baku sin paskaia bara mangkaia.”
11Dawan ba yang ra aisi, naku ai win:
“Jirimaya, ¿man dîa kaikisma?”
“Amans tnawa kum kaikisna” —wîri.
12Bara Dawan ba pana ai win:
“Baku aisaia raitkam brisma.
Bamna yang wali aihwaki kamna#1.12 Hibru ra ulban sa amans bara wali aihwaki kama naha bîla, wâlsut na sturi tânka kumi aisisa.
diara sut ra, baku mika yang bîli mai wîri ba kat aimakaia.”#Ais 55.10-11; Isi 12.28.
13Bara Dawan ba yang ra aima wala ra aisi, naku ai win:
“¿Man dîa kaikisma?” —yang ra makabi walan.
“Dikwa kum lukwisa,
yahbra tani ra laiwaia pat baila pali baku kaikisna” —wîri.
14Bamna Dawan bui ai win:
“Yahbra ba wina pât tara ba balbia
naha tasbaya uplika nani ba purara.
15Yang, Dawan, man nani ra kasak mai wisna,
yahbra tani king tasbaya nani ba sut paiwrika balbia,
kingka nani sin balbia
bara baha kingka nani ba Jerusalem getka pali ba
kat ai iwaika nani ba bapbia
tawan kutbanka ba kir,
Juda tawanka tara nani ba sin kir kutbi bribia.
16Naku sika klalka yabaia lâ daukaia sna ba,
baha saura dadaukra nani ai lulki ai swin ba mapara,
witin nani sika dus mâka kîa pain angki
bara upla wala nani ra witin ai tasbaya wina apia nani gâdka lilka klauna paski bri kata ba,
bahara ai pura suni mayunan.
17Bamna man, kupiam karna bris;
was bara yang dîa mai wîri ba baha wis.
Man lika witin nani ra sibri apia sma,
baha apia kaka yang bui mai munrika man bui witin nani mawan ra tatatwi kama.
18Kan naha yua ra
yang mai blikisni,
man ba
tawan tara kum ai kaina kutbanka bri ba baku,
ayan playka ni bapan baku,#Jir 15.20.
bras ni kutban tawanka baku,
Juda tasbaya aiska mapara buma:
kingka nani ba mapara,
wihta nani, prîs nani ba mapara,
uplika nani sut ba mapara sin.
19Witin nani mampara war aiklabia,
sakuna puram lubia apia,
kan yang lika man wal kamna kainam kahbaia.
Yang, Dawan ba, yang bîli mai wisna.”
Currently Selected:
Jirimaya 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua