Roman TÂ BÎLA NANI
TÂ BÎLA NANI
Pal naha wauhkataya ulban piua ra, kau witin Rom tawanka ra wih kaikras kan; sakuna witin wih kaikaia luki kan Ispail kuntrika ra wabia ba piua ra. Bara luki kan uplika nani ba hilp munbia. Naha wauhkataya ba Galesha ra dîa ulban ba baku tânka ra ulban, Pal ulbisa baha nani ra wiaia, kristian kasak lukaia tânka nani, kristian tânka ba dîa sa ulbi, natka nani ba marikan, nanara lakula bîla nani ulbisa, bara sin pura sunra, tingki wiaia bîla nani (1.1-17). Bara kli wisa (bors 16,17) bîla ba asla praki wisa sturi yamni ba witin nahki tânka bri ba marikisa. Ai smalkanka pali ba smalki tânka marikbia: Ju nani ra bara Ju apia nani ra; baku upla sut ba swaki sakan lâka ba bribia sa. Marikisa nahki natka ra, Gâd mita pri sakisa, pâtka ba wina: Kasak lukanka lâka bribia ni baman (1.17).
Sip sa kaikaia Pal wauhkataya nani sut ba, tâ sakaia bîla nani ba, baikanka tara sa; pas ba kasak lukaia smalkisa; wala ba upla kum mihta ra mangkisa, bara lakula sin wisa upla sut ra, apia kaka wîna kat.
Naha wauhkataya ra kristian kasak lukanka ba aihkika pali yus munisa (1.18—11.36). Witin ra Pal ba wan marikisa Ju nani bara Ju apia sut, saurka munhtara sa; baku bamna pât ra lakan munhtara sa. Nit sa swak takan lâka ba (1.18—3.20). Naha wan wiaia want sa, Gâd ba upla ra padin munisa, saurka wina pri sakisa bara kli ai uplika aihwa pali daukisa, witin nani bui Jisas Kraist ra kasak luki ba mita (3.21—4.25).
Gâd wal wapnika ba tâka mita, rayaka raya kum sa Kraist wal asla lâka ra. Kasak lalukra ba, Spirit Holikira mita pri sakisa, saurka karnika bara prura wina sin; bara Gâd wal kli uplikam taks, kupia kumi lâka kasak brima. Lâ lukanka aihwa pali ba, yaka waitna ba ai tânka bribia, ai saurka dauki balan ba. Sakuna piua kum padin muni baha saurka wina, pri sâkbia bara rayaka ba, Gâd Spiritka ra takaskbia (sapta 5—8). Gâd brinka ba upla sut dukiara, Jisas ra want apia muni ba tâka Gâd kupia yamnika lâka durka ba param sakan sa, upla tasba aiska ra bâra nani ra.
Sakuna Gâd, Ju nani wina dakwi takras, ai latwanka bara winanka nani wina sin, bara tnata piua ra witin sin Jisas ba bribia, bara “Israel luhpia nani sut ba swak takan lâka ba bribia” (sapta 9—11).
Pal ai ulbanka danh daukisa, kristian rayaka dukiara, lukanka aihwa pali ba, latwan lâka. Bara pura prakisa, Gâd warkka daukaia ba, bara gabamint lâka ra dîa daukaia ba sin, baku wan walka nani wal dîa daukaia ba. Baku sin aisisa wan lukanka ra diara kum kum bâra nani ba (12.1—15.13). Wauhkataya na tnata prakisa ulbanka pîs nani ailal bara ai lakula bîla wal (15.14—16.27).
Currently Selected:
Roman TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua