Libait Lâka 2
2
Barli mâ nani prisantka yabaia lâka
1“Upla kum bui plun mâ sâtka nani prisantka kum Dawan ra yabaia bri balbia ba ra, plawar kau pain ba wina bri balaia sa, bara baha purara batana laya laikbia, dus nani mâka sin. 2Baha ningkara witin bri si, Eran luhpia waitna prîs nani ba ra yabia, bara witin nani wina kum balbia, bara plawarka ba wina, batana laya ba wina, kîa pain daukaia dukia nani ba wina sin, ai mihta banhki kum bribia, bara altar purara angkbia. Baku Dawan ra ai kupia kraukaia prisantka dauki yabia, kîa pain Dawan kiawali ba. 3Bara plun prisantka yaban tâka kau swin ba, baha sika pat aihka saki Dawan ra yabaia sunu daukan prisantka sa. Bamna baha pat Dawan ra yaia kulkan ba lika, prîs Eran bara ai kiamka nani ra yabia.
4“Plun mâ sâtka nani prisantka ba, man nani altar ra piaki bri balma ba ra, plawar kau pain ba wina bri batana laya laiki akbi brit nani dauki bri bal; sakuna îs lika mangkaia apia, apia kaka, dus wahia nani îs mangkras, batana laya ni srikbi bri bal.
5“Man barli mâ sâtka nani wina prisantka dauki yabaia brih aulma kaka, baha ba brit angkaia pânka ra angkan kaia sa, plawar kau pain ba wina angkbia, batana laya wal akbia, sakuna îs lika mangkaia apia. 6Bara pîs sirpi nani ra klaki batana laya ni purara srikbi, baku dauki plun mâ sâtka nani prisantka ba yama.
7“Man prisantkam ba, barli mâ sâtka nani bri sal pânka ra piakram sa kaka, baha ba plawar kau pain ba wina daukaia sa, batana laya laiki. 8Man prisantkam ba baku, baha diara nani mangki ridi daukma ba ra, baha ba Dawan kaiki ba ra brih wama, bara prîs ba mihta ra mangkma, bara witin baha prisantka ba brih, altar kat swibia. 9Bara prîs ba baha wina wirâ bribia, altar ba purara angkaia, kupia kraukaia prisantka, kîa pain Dawan baha kiawali ba prisantka dauki yabia. 10Bara plun dîa kau angkras swin ba, baha pat Dawan dukia sakan kan bamna, baha lika Eran ra yabia, ai kiamka nani ra sin.
11“Barli mâ prisantka Dawan ra yabaia brih aula ba, baha kumi ra sin man nani îs mangkpara. Îs sâtka kumi sin mangkaia apia, nasma laya sin mangkaia apia. 12Man nani sip sma îs bara nasma laya nani bri balaia, Dawan ra prisantka yabaia, disang mâ nani baku, sakuna altar purara kîa pain Dawan pain kiawali ba prisantka dauki ba baku lika apia.
13“Sakuna barli mâ sâtka nani prisantka brih aulma ba ra, sâl mangki kaia sma,#Mk 9.49. plun mâ sâtka nani prisantka dauki brih aulma ba ra sâl mangki bas, Gâd lâ daukan sâlka ba mangkras lika bri balpara. Prisantka kumi bani ba, sâl mangkan kaia sa.
14“Insla ra barli mâ sâtka nani laya dingki ba wina Dawan ra prisantka yabaia bri aulma kaka, mâ tilwi lupia nani ba kâki, wahbi plawarka dauki bri balaia sma, plun mâ disang nani ba drusbi baku daukaia sa. 15Plun mâ prisantka ba purara kîa pain dauki angkaika mangkaia, batana laya sin laikaia, kan plun prisantka bri balan bamna. 16Bara prîs ba baha prisantka bri balan ba wina, wirâ saki bribia, batana laya ba wina sin kîa yamni daukaia, angkaia dukia mangkan ba sin bribia, bara wan kupia kraukaia prisantka kum angki, Dawan ra pain kulki lâka ba dauki yabia.
Currently Selected:
Libait Lâka 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua