Kolosi TÂ BÎLA NANI
TÂ BÎLA NANI
Kolosi sertska ba, Pal mita bukras kan, sakuna witin Kolosi ra smalkaia warkka ai purara bri kan, baha mita kau witin smalki tawanka nani lamara kan, bamna witin Epesus wina upla blikan hilp munaia. Naha wauhkataya na sin silak watla wina ulban. Baha ningkara lakula daukisa, bahara ai uplika Timoti tânka aisisa, witin ra wih Kolosi dahra win ba (1.1-8). Pal ai dahra walan, Dawan bîla kunin smalki uplika nani ba bahara sa. Bara sin smalki kan karnika kum aihka, bara spirit kum upla sip tânka briras spiritka ba ra mayunan kaia sa; bara baku sin kli kli aisi kan Aisa sainka dukiara, plun kum kum piaia lâka ba, bara sin lâ wala nani, Moses lâka kat laki kaikan kaia ba.
Pal ba naha sut mapara aiklabisa, smalkisa Kraist bâk Gâd diara sut paskan ba kau tara sa, upla nani karnika ba wal; baha nani sut ba, witin mina munhtara sa. Purkara, witin sika serts lalka sa, bara ai prurika dus prihni ra brin ba mita, Gâd wal ai uplika wan daukan. Kraist warkka tara ba sika, swaki sakaia lâka ba. Wan wîna tara ra Aisa sainka daukaia ba mapara “Aisa sainka wala brih aula Kraist wina” (2.11) bara aisisa saurka wina dakbi wan sakaia. Kraist kingka lâka ba purara bukan kaia sa.
Naha ulbanka aiska ba, Epesus ra ulban wauhkataya ba wal ai talia sa (1.9-2.19). Bara ai smalkanka raya kum, Kraist ra raya ba (2.20-4.6), tâ bîla nani Pilipai ra kli kli ulban ba, lukisa sim piua ra naha wauhkataya wâl na ulban sa. Kasak lalukra nani ba, Gâd mita rayaka raya kum yaban sa “rayaka Kraist wal asla” (2.13), witin ra asla kaia sa, bara ai daukanka ra marikaia bara upla wala nani wal asla iwi kaia ba. Ai aisinka nani kum kum ba, Epesus sapta 5 ra ulban ba wal talia aisisa.
Prakaia lakula nani ba wan marikisa, witin ai dukiara lilia luki ba bara ai latwanka lâka. Pal wihki wark uplika nani wal dukiara. Naha baikanka (4.7-18) Leodisia ra wauhkataya kum ulban ba dukiara aisisa, sakuna Pal wauhkataya nani ulban ba tilara âpu sa, “Leodisia ra wauhkataya ulban ba”.
Currently Selected:
Kolosi TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua