Emus TÂ BÎLA NANI
TÂ BÎLA NANI
Emus piua nani baman dukiara apia sa, pas prapit kau tara ba piua nani pain kan ba tilara, Hibru nani dahra aisanka piua ra (900-800 mani K.K.); baku sin Baibil ra prapit pas takan uplika kum, bara ai smalkanka ba tara pali kulkan kata.
Juda tawanka sirpi kum wina kata, bara sepad kum baman kan. Israel ra smalkaia Dawan bui paiwan, baha piua nani ra pâwanka tara ba wal, upla lalah bri nani ba lilia saki kan. Baku sin saurka lâka ba pâwi kan, bara upla ra saura munaia lâka sin bâra kata; Gâd lâka ba kunin bara idan lâka ra aiblakwan kata, bara lalahkira lâka nani ba kau pâwi kan, upla nani ailal ba umpira bara taiban lâka ra iwi banhwi kan.
Emus ba tâ krikisa smalkanka ailal nani ba tila kat (1.1—2.5). Sakuna pat pali Israel bara Juda uplika mapara bubia, kan lukaia apia sa, Gâd mita bâk sakan ba mita, witin nani purara lika klala sip balbia apia, ai saurka dauki ba tâwan. Ai smalkanka pas ba, Gâd ba nisan nani sut Dawanka ai lâka dauki kulkaia dusa ba, nisan sut purara kulkan sa; kumi ra sin kulkanka kau tara yaras kata, bara ai uplika nani bâk sakan ba kumi sin swak takbia apia; bâk sakan ba mita wirhika kau tara brisa baha nani lâka ba kau karna daukan kabia (2.6—6.14). Wauhkataya na diara aihka matsip kaikan ba wal prakisa (7.1—9.15), tâ bîla baku brisa Gâd kingka lâka ra lâ daukan kabia, sakuna ai latwanka lâka ba sin upla ra marikisa. Ai wauhkataya na marikisa, naika Israel kli ai dukia bribia ba.
Emus ba prapit kau yamni kulkan; kasak lâka ba upla ailal ra smalkan ba dukiara. Sakuna ai smalkanka pali ba baha apia sika, kan smalkanka pali ra diara wala nani sin bâra sa, Gâd ba nahki ai tânka pali ba, Dawan baku tasba aiska ra kasakka lâka ba.
Prapit ba karna pali smalkisa upla nani ra, nahki ai tânka ba, bara piu bani ra dauki kan dîa Gâd tânka bri ba wal.
Currently Selected:
Emus TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua